Lokphong 14:6 - Caekäcai Kangthae (Lemi)

⁶ Tupyng-a käni khösang-a aeja saite Känipre angtawtha kälang lawngtä tea kai lä nung vi. Äni lä älawng qawng-a awng saite khimi na, ceng qütä, amäjy qütä, älo cawngkhang aepe saite qütä na tea dungtäsa Angthang Kähawi thui saite kung vi.

Asang Khongso New Testament

⁶ Topacoengah nilavan ah ka zawk vanmi kalah longto to ka hnuk. Anih loa longnui kaminawk boih, kami congca boih, caeng congca boih, lok congca boih hoi prae congca boih khaeah taphong hanah dungzan Tamthang Kahoih to a phawh.

Lokphong 14:6 ပူးပေါင်းရင်းမြစ်များ

Mathai 10:27

Kai lä nang ce tea käving thung-a thui saite älo nang ce lä khimi ce tea kaevang-a thui pa ö. Kai ma nang ce üng känawkhing teng-a mäcü saite lo nang ce lä khimi ce thai rungtä ingphö qawng mang thui pa ö.

Marka 16:15

Isu ma äni ce tea “Nang ce lä älawngpre qütä-a ly kha khimi angxynlyng na tea Angthang Kähawi thui ö.

Pawlae ma Rom märü üng kangkawng tähang tärü saite cae 16:25

Säthaw üng phung-ang tea mä-ai lä bälaw ö si. Isu Khrista üng Angthang Kähawi tea kai ma thui te kätyng Säthaw lä nang ce üng yng saite cakhi hai hethang sa haw te vi. Honi Angthang Kähawi lä jangni üng khösäning leithung jungtä ho kha vaihi täphawng saite lo mitang vi.

Kolosa 1:23

Nang ce lä Angthang Kähawi tea yng jawjaw kha khimi käcüng-a lawng ö hethang kae. Angthang Kähawi thai ea dang saite aethang khai te üng nang ce lä aemäqaja hethang kae ö te y. Nang ce thai pyng saite hini Angthang Kähawi lä älawngpre mityng qütä awng saite khimi na tea thui pa ö. Kai, Pawlae, lä honi Angthang Kähawi üng mawsawng lawng te vi dy.

2 Thesalon 2:16

Mä-ai üng Areng Isu Khrista hai Pä-ai Säthaw ma mä-ai tea bälung aevaw kha tähang kähawi hai-a, dungtäsa aethaw dang saite hai aethang khai saite py te vi. Mä-ai üng Pä-ai Säthaw lä nang ce üng bälung na tea aethaw py kha hawi saite angxynlyng na thui hethang hai, kälu sa khü jawjaw ö hethang säbawng sy.

Hebrai 13:20

Awngneng py saite Säthaw lä beram rui te Kung käleng lawng saite mä-ai üng Areng Isu tea dü te üng mäning haile tyng pa vi dy. Honi lä Isu Khrista üng äthi hai-a sa te vi. Honi äthi lä dungtäsa aenai saite äsäny vi.

1 Piter 1:25

Tungaila Säthaw üng lo lä dungtäsa awng te vi.” Hini älo lä khimi ce ma nang ce tea thui saite Angthang Kähawi vi dy.

Lokphong 10:11

Tupyng-a äni ce ma kai tea, “Pre qütä, khimi ceng angxynlyng na, älo cawngkhang aepe saite na hai, sanphrang na phüng tea Säthaw ma thui saite angthang kätyng nang lä thui haile tyng hethang kae” näkha thui vi dy.

Lokphong 10:7

Tungaila äsäritä üng Känipre angtawtha lä äma üng baw üng te kätü-a, Säthaw lä äma üng ho saite mawlang kaedawng tea lä cyng hai vi ai. Äni lä äma üng mawsawng na, buisaw na tea thui te kätyng sa vi ai” näkha näpa.

Lokphong 13:7

Äni lä Säthaw üng khimi käcai na hai täre aety kha äni ce tea bäja hethang, pre qütä-a awng saite khimi qütä, älo cawngkhang aepe saite qütä hai ceng qütä na tea pyng hai hethang aenae dang vi dy.

Lokphong 3:10

Nang ce lä änawngsa hethang kai üng särilo tea tängai ö te vi dy. Tukätephüng-a kai lä älawng qawng-a khimi qütä tea käny hethang mätang bälai tyng te kätü-a nang ce bung lä kai ma aedung hai ai.

Lokphong 5:9

Tukha äni ce lä ae-awi kangthae thui ö vi dy. “Nang lä honi cae ang-yng la hethang hai, cakhi saite dengki na tea täphra hethang aeteng khaw vi. Ätephüng-a mei nädylä, khimi ce lä nang bung bädü kha nang üng löci aesa saite hai ceng qütä, älo cawngkhang aepe saite qütä, älawng qawng üng pre qütä awng saite na üng khimi na bung lä Säthaw tähang rang vi dy.

Lokphong 8:13

Tupyng-a kai kheng ea lä käni khösang-a aeja saite aemö säling metä üng ätüng käleng tea kai lä thai vi dy. Honi aemö säling ma, “Tähang si, tähang si, Känipre angtawtha kälang käthungtä na ma baw üng saite ätüng tho te kätü-a, älawng qawng üng hing saite na lä hini qawng-a cang y tähang si rae ö ai” näkha hang vi dy.