Lokphong 14:4 - Caekäcai Kangthae (Lemi)

⁴ Honi khimi na lä nawngmädi na hai täkübäjang sa ö y saite na vi. Äni ce lä äma ce tea pawprae y hethang sädi khai ö te vi. Äni ce lä Beram Caw ly saite mityng qütä-a hui ö vi. Äni ce bung Säthaw lä khimi ceng angxynlyng na thung üng kätho haile pa ö te vi dy. Äni ce lä Säthaw hai Beram Caw hai aesui saite na vi. Äni ce lä angcü üng ae saite cawbi cawthai na Säthaw hai Beram Caw tea a pyng saite na kätyng vi dy.

Asang Khongso New Testament

⁴ Anihcae loa nongpuinawk hoiah zaesakhaih ih om aiah angmahcae hoi angmahcae to kathoeng kacai ah kaom thendoeng kacuemnawk ni. Tuuca a caeh nakruek ah pazui o. Kami kanghmat thung hoi-ih krangkok ah oh o moa Sithaw hoi Tuuca khaeah tahlang hmaloe koek ih kami ah oh o.

Lokphong 14:4 ပူးပေါင်းရင်းမြစ်များ

Mathai 19:12

Nawngmäcaw phütä na lä nawngmädi hai aepawng haw y te äphüng amäjy cawngkhang awng vi. Nawngmäcaw phütä na aepeng te üng hai nawngmädi hai aepawng haw y. Nawngmäcaw phütä na lä äni üng tabung qawng-a khimi ce ma hae haetä sa te phüng-a, nawngmädi hai aepawng haw y. Phütä na lä Säthaw üng kälu sa haw hethang nawngpui la y hethang aedawng te vi. Hini älo thai saite na lä thaikaw ö sy” näkha näpa.

Mathai 25:1

“Honi kätü-a, Säthaw üng pre pyng saite lä hini kätyng vi. Qengtä-a anglaw lawng hawtä na äma ce üng maibung na süng kha nawngpui la saite särai hai aeting hethang ly ö dy.

Mathai 8:19

Tukha Ubädi särae lawngtä ma Isu tea ly kha “Särae ä, Kai lä nang ly saite mityng qütä-a hui by ai” näkha näpa.

Johan 10:27

Kai üng beram na lä Kai üng ätüng tängai vi. Kai lä äni ce bung mäny kha äni ce la Kai leithung hui ö te vi.

Johan 12:26

Kai üng mawsawng sa he ngai dylä kai leithung hui hethang kae. Kai awng te mityng-a lä kai üng mawsawng la awng by ai. Kai üng mawsawng na tea lä, Kai üng Pä-ai ma tämö mäsang vi ai.

Johan 13:37

Peterae ma “Areng ä, ätephüng-a vaihi kai lä hui haw y te vi mei. Areng nang tähang kai dü hethang awng rüng te dy” näkha näpa.

Johan 8:12

Tukha Isu ma khimipui na tea “Kai lä älawngpre khimi ce üng kaevang vi. Kai leithung hui saite na lä manila käving thung-a ly y dy lyng. Äni ce lä kähing py saite kaevang dang ö vi ai” näkha näpa.

Angtawtha 20:28

Tukätephüng-a nang ce lä mä-ai ma ce tea sädi hai awng ö. Muilaw Käcai ma nang ce tähang a saite kangkawng tea kähawi-a rui ö. Beram rui saite Kung ma beram rui te kätyng nang ce lä, Säthaw üng kangkawng tea kähawi-a, rui kha kheng ö. Ätephüng-a mei na dylä, Säthaw lä äma üng Cäpaw thi hai-a honi kangkawng bung rang te vi.

1 Korin 16:15

Kangby jä-ai na ä, kai lä nang ce tea mäci hethang ngai. Nang ce lä Stephana hai äni üng ingthung na phüng mäny ö te vi. Äni ce lä Käri pre-a angcüky üng yng saite khimi na vi dy. Äni ce lä Säthaw üng khimi na tähang kälu sa hethang äma ce bung ae-a ö te vi dy.

1 Korin 6:20

Säthaw lä nang ce bung ävang py kha rang te vi dy. Tukätephüng-a nang ce lä Säthaw üng phung-ang leng hethang nang ma ce üng ätabung tea tawng ö hethang kae.

1 Korin 7:28

Tungaila nang ce ingthawng sa dylä, nang ce lä hunghö awng ö y. Anglaw lawngtä ingthawng sa dylä, äni lä hunghö awng y. Tungaila nang ce ingthawng sa dylä, mätang saite na hai aeting ö ai. Kai lä nang ce tea hini mätang saite na aeting hai hethang ngai te y vi.

2 Korin 11:2

Säthaw lä nang ce tea dökhaw te kätyng kai la nang ce tea dökhaw te vi. Kai lä nang ce bung anglaw käcai ping kätyng nawngmäcaw lawng saite Khrista lawngtä xyng hai aepawng hethang älo aedo pa te vi.

Ephesi 1:14

Mä-ai lä Muilaw Käcai bung dang te phüng-a, Säthaw lä äma älo aedo saite kähawi na py ai näte mä-ai lä mäny haw khaw ai. Säthaw lä äma üng khimi lawng saite mä-ai bung aeqang king hethang kätü-a, äni lä mä-ai tea tähang kähawi na py king vi ai. Säthaw lä leng bärai te phüng-a äni tea mä-ai lä bälaw ö si.

Ephesi 5:27

Areng lä äma üng kangkawng tähang dü pa te vi dy. Tukätephüng-a äni lä äma üng kangkawng angxynlyng na tea ämaw äcae hawi hai bawi kha äma üng maw-a nähai bawi haw te vi dy. Hikä sa te phüng-a äma üng kangkawng lä khimi üng mimai kätyng aeje te, pawprae te la awng y vi ai dy. Honi kangkawng lä caiping kha cungrü bawi vi ai.

1 Timote 4:3

Äni ce lä khimi ce tea ingthawng sa hethang kae y näte hai, käca känei phütä na tea ca hethang kae y näkha mätu ö te vi. Tungaila Säthaw lä käca känei angxynlyng na tea sa saite Kung vi. Yng ea lo mitang mäny saite khimi na lä Säthaw tea kawng te lo thui kha ca haw ö te vi.

Hebrai 12:23

Nang ce lä Säthaw üng cäpaw äcälöky awng saite kangkawng-a tyng ö te vi dy. Honi kangkawng thung üng ämüng na lä Känipre üng cae-u thung-a tärü kha khai pa vi dy. Nang ce lä khimi angxynlyng na tea tärae cei saite Säthaw tea tyng ö vi dy. Honi lä cungrü-a sa saite khimi käcüng na üng awng saite mityng vi dy.

Jako 1:18

Äni lä äma üng mawlang kaedawng kätyng lo mitang hai-a mä-ai tea hing saite kangthae py te vi dy. Ätephüng-a mei nädylä, äni lä mä-ai bung äma sa saite na thung-a, angcüky mityng-a py hethang ngai te vi.

1 Piter 2:9

Tungaila nang ce lä Säthaw ma re saite khimi na, Sanphrang üng mäthykung na, cai saite khimi na hai, Säthaw hai aesui saite khimi na vi. Äni ma nang ce bung lä käving thung üng käthoja kha äma üng cangxei saite kaevang thung-a khai vi dy. Tukätephüng-a nang ce lä Säthaw üng cangxei saite kälu phüng tea thui haw ö te vi.

Lokphong 17:14

Äni ce lä Beram caw tea täre aety ö ai. Tungaila Beram caw ma lä äni ce tea bäja vi ai. Ätephüng-a mei nädylä äni lä areng na üng Areng hai sanphrang na üng Sanphrang lawng te phüng-a vi. Äni üng ka saite, re saite, yng khü saite äkähui na lä äni hai mangtä awng ö ai” näkha näpa.

Lokphong 21:22

Honi märü käleng pui thung-a Säthaw üng Ingkäcai tea kai lä nung y. Ätephüng-a mei nädylä äte angxynlyng na sa haw saite Areng Säthaw hai Beram caw lä honi märü üng Ingkäcai vi dy.

Lokphong 21:23

Säthaw üng phung-ang lä honi märü qawng-a aevang kha Beram Caw lä maibung kaesang lawng te phüng-a märü lä käni üng kaevang, law üng kaevang tea ngai y vi dy.

Lokphong 3:4

Tungaila Sardis märü üng kangkawng thung-a nang ce thung üng phütä lä hunghö na tea caiping-a khai ö vi. Nang ce lä aeteng khaw te phüng-a, kä-o kanglung na aelawng kha kai hai mangtä aeke ö ai.

Lokphong 5:9

Tukha äni ce lä ae-awi kangthae thui ö vi dy. “Nang lä honi cae ang-yng la hethang hai, cakhi saite dengki na tea täphra hethang aeteng khaw vi. Ätephüng-a mei nädylä, khimi ce lä nang bung bädü kha nang üng löci aesa saite hai ceng qütä, älo cawngkhang aepe saite qütä, älawng qawng üng pre qütä awng saite na üng khimi na bung lä Säthaw tähang rang vi dy.