Lokphong 14:13 - Caekäcai Kangthae (Lemi)

¹³ Tupyng-a Känipre mang üng ätüng kai thai saite lä, “Hini tea tärü ba. Vai üng hai aetawng kha Areng üng kälu sa ea dü saite khimi na lä tähang hawi” näkha nä vi. Muilaw Käcai ma, “Mitang khaw mang. Äni ce lä äma ce kälu üng aehae kha anghawtho ö vi ai. Ätephüng-a mei nädylä äni ce üng sa te tea Säthaw lä sämai vi ai” näpa.

Asang Khongso New Testament

¹³ Topacoengah van hoi-ih lok maeto ka thaih moa, “Hi hae tarik ah. Vaihi hoikamtong ah Angraeng ih tok ka sah moa kadueh kaminawk loa tahamhoih o!” tiah a thuih. Tona-ah Pakhra mah, “Ue, ahlong tangtang! Anihcae loa a toksak patanghaih thung hoitoah anghak o tih boah, kawmawtiah a toksakhaih o ih mah anihcae to caeh haih tih,” tiah a thuih.

Lokphong 14:13 ပူးပေါင်းရင်းမြစ်များ

Mathai 3:17

Käni mang Säthaw üng ätüng lä “Hini lä kai ma bälung aevaw saite Cäpaw vi. Äni tähang kai lä kawngphi vi” näkha näpa.

Luka 16:25

“Tungaila Abraham ma ‘Cäpaw ä, nang hing te kätü-a ätete kähawi dang saite na aedawng haile jo re. Honi thüng-a Lazarae lä mätang cili-a awng te lä aedawng pa jo re baw. Äni lä vaihi hi-a kähawi awngneng kha nang lä naw mätangbälai phi dai vi be tu ly.

Luka 16:9

“Tängai ö. Älawngpre üng ingthawng tangkae na hai nang ma ce üng rawijae na dang hethang sa ö ba. Tudylä honi ingthawng na byng te kätü-a lä nang ce bung dungtäsa ing-a Säthaw ma lady ai mang.

Pawlae ma Rom märü üng kangkawng tähang tärü saite cae 14:8

Mä-ai üng hing saite khimi na lä Areng tea bälaw hethang hing ö te kae. Mä-ai üng dü saite la khimi ce ma Areng tea bälaw hethang dü ö te kae. Mä-ai üng hing saite hai dü saite lä Areng hai aesui te kae vi.

1 Korin 15:18

Hini kätyng awng dylä, Säthaw lä Khrista tea yng kha dü saite khimi na tea lä dungtäsa dengpy ai.

1 Korin 15:20

Tungaila Säthaw ma Khrista bung dü saite üng mäning haile tyng vi dy näte lä tätang khaw vi. Äni lä Säthaw ma dü saite üng mäning te khimi ce thung-a angcüky üng äthai kätyng lawng te vi.

1 Korin 15:58

Tukätephüng-a, kai bälung aevaw saite kangby jä-ai na ä, yng te cakhi kha kätüng lang mang kätaw-a ly ö jawjaw lawi. Areng üng kälu tea anghawtho bärai te hai ma sa ö jawjaw ba. Areng tähang nang ce ma sa saite angxynlyng na lä aetütü y lyng näte nang ce lä mäny ö.

2 Korin 5:8

Kai ce lä Areng tea bälung ae-y khü ö te vi. Mä-ai lä älawngpre hai aesui saite ätabung üng hai kähanglaw-a awng kha Areng hai mangtä awng hethang ngaiky te vi.

Filipi 2:17

Nang ce üng yng te lä Säthaw tea löci aesa saite kätyng vi. Khimi ce ma kai bung bädü daila awng ai. Kai üng dü saite lä nang ce üng löci aesa te qawng-a bälawng saite Cäpje thai tui kätyng aelawng haw vi ai. Hini kätyng vi dylä kai lä kawng anghawtho vi ai. Kai lä nang ce angxynlyng hai mangtä kawng anghawtho vi ai.

1 Thesalon 4:14

Isu Khrista lä dü kha aetha haile tyng saite tea mä-ai lä yng ö te vi. Tukätephüng-a äni tea yng kha dü pyng saite khimi angxynlyng na bung lä Säthaw ma Isu hai mangtä awng hai hethang la vi ai näte mä-ai lä yng ö te vi.

1 Thesalon 4:16

Areng äma lä äma üng särilo ätüng käleng hai, Känipre angtawtha kälengky üng ätüng hai, Säthaw ma baw üng te ätüng hai, Känipre mang üng hai cäqa ai. Khrista tea yng kha dü pyng saite khimi na lä kangmangky-a hing haile tyng ö vi ai.

1 Thesalon 5:10

Khrista lä ly haile te kätü-a lä, mä-ai lä dü pyng ea läsy, hing te thüng-a läsy, äni hai mangtä dungtäsa awng haw hethang Khrista lä mä-ai tähang dü pa te vi dy.

1 Timote 5:24

Khimi phütä na üng hunghö sa te na lä aeny lyng te vi. Honi hunghö na tähang-a Säthaw lä äni ce tea deng py ai näte mäny haw vi. Tungaila khimi phütä na lä kangru mang-a hunghö sa ö te vi. Khimi kälang na lä honi hunghö tea kangkhüng mang-a lä nung ö ai.

1 Timote 5:25

Hini kätyng-a, khimi phütä na üng kälu kähawi tea mäny praw haw te vi. Khimi kälang na lä kangru-a kähawi sa ngaila, kangkhüng mang-a lä khimi qütä ma mäny ö ai mang.

Lokphong 1:11

Honi ätüng ma, “Nang nung saite lä angxynlyng na cae-u thung-a tärü kha Ephesi, Samurana, Perkamon, Thetaria, Sardis, Philadelphia hai Leodikia märü na thung-a awng saite kangkawng säritä tea tha ba” näkha nä vi.

Lokphong 10:4

Bärei mäkhawi te qeng säritä ätüng na tüng te kätü-a, kai lä cae tärü hethang sa te vi dy. Tungaila käni mang üng ätüng haetä ma, “Bärei säritä ma thui saite tea lä ho la; Honi tea lä tärü hang ba” näkha thui saite tea kai lä thai vi dy.

Lokphong 11:15

Tupyng-a äsäritä Känipre angtawtha lä äma üng baw tea üng vi dy. Käni mang üng ätüng käleng na lä, “Älawngpre-a pyng hethang haidae lä vaihi mä-ai üng Areng hai äni üng Mesia tea awng vi. Äni lä dungtäsa pyng jawjaw ai” näkha nä vi.

Lokphong 11:19

Tupyng-a Känipre-a Säthaw üng Ingkäcai lä pä-awng vi dy. Honi Ingkäcai thung-a lä äma üng älo aenai saite tengtae lä nung haw vi dy. Tukha anglaw säde saite na, khö bärü saite na, bärei mäkhawi saite ätüng na, pangtälü naw saite hai ri thai käleng na aeqa saite na awng ö vi dy.

Lokphong 16:17

Äsäritä üng Känipre angtawtha lä äma üng kaephi hai aeli thung-a kädi pa vi dy. Ingkäcai aety nae üng tho saite ätüng käleng lä, “Honi kälu lä sa khüng vi dy” näkha nä vi.

Lokphong 19:9

Tupyng-a Känipre angtawtha ma kai tea, “Beram caw üng aepawng saite pawi-a ly hethang hyng rüng saite khimi na lä tähang hawi, näkha tärü ba” nä vi. Känipre angtawtha ma, “Hini na lä Säthaw üng lo mitang na vi” näkha thui be vi dy.

Lokphong 2:1

“Ephesi märü kangkawng üng Känipre angtawtha tea hini kätyng cae tärü ba: “Hini lä sui maibung kaesang säritä säla-a aeke kha äma üng äkö bangtang-a tengpaw säritä süng saite Kung te üng älo na vi.

Lokphong 2:7

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi na tea lä Säthaw üng angkhaw thung üng kähing py saite thingkawng kung üng äthai ca hethang kai ma py ai” näpa.

Lokphong 20:6

Hikä kädü üng aetha angcü saite thung-a qa saite na lä tengxyng y tähang hawi kha caiping ö vi dy. Äni ce lä äbaeni dü saite tea aeting y dy lyng. Äni ce lä Säthaw hai Khrista üng mäthykung na-a lawng kha Khrista hai mangtä säning sangtä pre pyng ö vi ai.

Lokphong 21:5

Areng aety nae qawng-a aety saite ma, “Tängai ö. Vaihi kai ma äte angxynlyng na tea kangthae sa ai” nä vi. Tupyng-a äni ma kai tea, “Hini lä ae-y nae hawi saite älo mitang vi. Tärü kha khai ba” näkha nä vi.

Lokphong 22:17

Muilaw Käcai hai aepawng saite nawngmädi anglaw ma, “Ly lawi” näkha thui vi. Hini tea thai saite angxynlyng na ma la, “ly lawi” näkha thui ö vi. Tui aehe saite khimi lä ly lawi sy. Kähing py saite tui tea ngai te khimi lä äjawng-a nei mai sy.

Lokphong 6:11

Tupyng-a äni ce angxynlyng tea lä kä-o kanglung py qi kha tänaetä aehae hethang thui pa vi dy. Äni ce kätyng bädü hethang awng saite Areng üng mawsawng kälang na hai kangby jä-ai kälang na cungrü te y rytä äni ce lä sitäri-a aering hethang kae ö vi dy.