Lokphong 13:6 - Caekäcai Kangthae (Lemi)

⁶ Äni lä Säthaw hai äni üng ämüng, Säthaw awng saite mityng hai Känipre-a awng saite angxynlyng na tea tengxyng y käsi thui pa vi dy.

Asang Khongso New Testament

⁶ Anih mah Sithaw hoi angmah ih ahmin doehsoe, a ohhaih ih ahmuenh doehsoe, van ih kaom kami boiboih doehsoe, a kasae ah thuih o.

Lokphong 13:6 ပူးပေါင်းရင်းမြစ်များ

Mathai 12:34

Nang ce lä äce küng hai saite bärui amäjy na kätyng vi. Nang ce lä khimi käsi käsae na vi kha älo kähawi amäjy tho haw ö y lyng. Ätephüng-a mei nädylä äma üng bälung thung-a kawi saite na ni äma üng täbawng mang tho te vi.

Mathai 15:19

Khimi bälung thung üng tho saite na lä käsi dawng saite na, khimi bädü saite na, täkübäjang sa saite na, nawngpui nawngpaw y käla mangtä i saite na, bäru saite na, älo bälai saite na, khimi üng säri tea täphra saite na vi.

Johan 1:14

Älo lä khimi-a aelawng kha kai ce tea bälung aevaw te hai Säthaw üng bälung kähawi mitang khü-a mätü ea mä-ai hai mangtä awng. Kai ce lä äni üng phung-ang nung ö dy. Hini phung-ang lä Pä-ai Säthaw ma Cäpaw lawngtä xyng tea py saite phung-ang vi.

Pawlae ma Rom märü üng kangkawng tähang tärü saite cae 3:13

Äni ce üng älo hai äni ce lä khimi ce tea bädü ö te vi. Äni ce lä äma ce üng täbawng na hai kaeling kaemae lo thui ö vi. Äni ce üng älo lä bärui na üng äce kätyng ri hethang hawi te vi.

Kolosa 1:19

Tukätephüng-a Säthaw lä äma üng kängai angxynlyng na Äcäpaw tea cungrü hai saite lä äma üng aely ngai phi saite vi dy.

Kolosa 2:9

Khrista lä khimi-a aelawng te kätü-a, äni lä Säthaw üng cungrü saite kätyng hing te vi.

Hebrai 9:2

Säthaw lä Isrelae khimi na ma äma tea cäphaw hethang taipung sa hai te vi. Honi taipung thung-a lä engthung khaw känetä awng. Angcüky üng ingthung khaw-a lä maibung kaesang haetä, khung haetä hai khung qawng-a lä täkaw käcai na awng vi. Honi ingthung khaw-a tea lä Mityng Käcai näkha mäthi vi dy.

Hebrai 9:24

Khrista lä khimi ce üng äkö hai sa saite Mityng Käcai-a kung te y lyng. Älawngpre-a awng saite Mityng Käcai lä Känipre-a awng saite Mityng Käcai täthei vi dy. Äni lä mä-ai üng jüng-a Säthaw üng maw-a tyng hethang Känipre-a kung te vi dy.

Lokphong 11:12

Tupyng-a buisaw lawng netä lä, “Hi-a paw hawi lawi” näkha käni mang üng hai änini tea thui saite ätüng käleng thai hawi vi dy. Tukha änini lä khö angnüng thung mang khösang-a paw hawi te tea änini üng täre na ma nung ö vi dy.

Lokphong 12:12

Tukätephüng-a käni khösang na hai äqawng-a awng saite angxynlyng na ä, anghawtho ö lawi. Älawng hai pangle lä tähang si bärai na ly. Ätephüng-a mei nädylä Setan angra lä nang ce tea cäqa pyng te vi dy. Äni üng kätü lä äje cäcaw xyng awng saite tea äni lä mäny te phüng-a, tengxyng y kädawtho vi dy” näkha nä vi.

Lokphong 15:5

Honi pyng-a Känipre-a Säthaw üng Ingkäcai lä aepä-awng kha Taipung awng te tea kai lä nung vi dy.

Lokphong 18:20

Tungaila Känipre üng ätüng lä, “Känipre-a awng saite na ä, Babilon märü tea Säthaw ma täphra te phüng-a, nang ce lä anghawtho ö. Säthaw üng khimi na, Säthaw üng Angthang thui saite na hai buisaw na lä anghawtho ö hethang kae. Ätephüng-a mei nädylä nang ce tea sa tämang saite na phüng-a, Babilon märü tea Säthaw lä dengpy vi dy” näpa.

Lokphong 21:3

Areng aety nae üng ätüng käleng thai te lä, “Vaihi Säthaw üng tai nae lä khimi ce hai mangtä vi. Äni lä khimi ce hai mangtä awng ai. Äni ce lä Äni üng khimi na-a aelawng ö ai. Säthaw äma ma la äni ce hai mangtä awng khe kha äni ce üng Säthaw-a lawng ai.

Lokphong 4:1

Tupyng-a kai lä kheng kha Känipre üng kätho lä kai üng maw-a aepä-awng ea awng vi. Angcü-a baw haetä üng te kätyng kai tea thui saite ätüng thai te lä “Hi-a paw lawi. Vaimaw mang-a tyng hethang awng saite na kai ma nang tea mätü ai” nä vi.

Lokphong 4:4

Aety nae kälang kuisy bälitä lä honi Areng aety nae tea sävenglü vi dy. Hini aety nae na qawng-a lä mätawngky lawng kuisy bälitä lä aety ö qi vi dy. Äni ce lä kä-o kanglung na aelawng kha äni ce üng älö-a lä sui lökhu na aekhu ö qi vi.

Lokphong 5:13

Tupyng-a käni hai älawng qawng-a, älawng thung-a, pangle thung-a awng saite hai khöteng täki angxynlyng na üng hing saite angxynlyng na ma ae-awi hai thui te lä: “Areng aety nae qawng-a aety saite Kung hai Beram caw tea lä hing saite qütä na ma bälaw kha, tämö khai hethang lä aeteng khaw te vi. Äni tea lä phung-ang hai haidae na lä, dungtäsa awng jawjaw sy” näkha thui ö vi dy.

Lokphong 7:15

Tukätephüng-a äni ce lä Säthaw üng areng aety nae maw-a awng kha Säthaw üng Ingkäcai thung-a kärung käni äni tea mawsawng sa ö vi. Areng aety nae qawng-a aety saite Kung ma lä äni ce hai mangtä awng kha äni ce tea aedung hai vi ai.

Lokphong 7:9

Honi pyng-a kai kheng ea lä, ämi la to haw lei y saite khimipui na tea kai lä nung vi dy. Äni ce lä älawng qawng üng pre qütä na, amäjy qütä na, ceng qütä na, khimi ce hai älo cawngkhang aepe saite qütä na vi dy. Äni ce lä kä-o kanglung na aelawng kha äkö hai cangrang cangpre na süng ea areng aety nae hai Beram caw üng maw-a aedaw ö vi dy.