Lokphong 13:14 - Caekäcai Kangthae (Lemi)

¹⁴ Äni lä mawikäsi angcü üng tähang sa saite cangxei te na hai-a älawng qawng üng khimi angxynlyng na tea kaeling kaemae sa te vi. Aekei hai tämaw dang ngaila dü y käla hing saite honi mawikäsi tea tämö khai hai hethang khimi ce tea äni üng mimi sa hai pa te vi dy.

Asang Khongso New Testament

¹⁴ Topacoengah anih mah moisaeng hmaloe koek ih hma-ah sak hanah akaa paek ih dawnrai hmuen sakhaih ranghoiah long nui-ih kaom kami boiboih to aling amaa. Moisaeng mah songsen hoiah ahma caksak boah e ka hing let moisaeng khangza paekhaih iah angmah ih kraangthoi to sak hanah moisaeng mah longnui ih kaminawk khaeah lok a paek.

Lokphong 13:14 ပူးပေါင်းရင်းမြစ်များ

2 Thesalon 2:4

Äni lä Säthaw tea elekhei sa kha khimi ce ma Säthaw näkha ka ea cäphaw saite angxynlyng tea mäsang vi ai. Tukätephüng-a äni lä Säthaw üng Ingkäcai thung-a mäteng ma aety kha äma tea Säthaw-a aemäthi ea khimi qütä tea thui pa vi ai.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.

Lokphong 13:1

Näka käleng lä pangle tui teng-a aedaw vi. Tupyng-a mawikäsi metä lä pangle thung üng tho te kai lä nung vi dy. Honi lä täki hawtä hai älö säritä awng vi. Honi üng täki qütä qawng-a lä areng lökhu aekhu ö qi vi. Hini üng älö qütä qawng-a lä Säthaw tea käsi prawng saite ämüng tärü ö qi vi dy.

Lokphong 13:15

Mawikäsi angcü üng mimi tea aehaw kha hing hai hethang aenae äni lä dang vi. Tukätephüng-a mimi lä älo aepe kha äma tea cäphaw y saite khimi angxynlyng na tea bädü hethang särilo py haw vi dy.

Lokphong 13:8

Hini älawngpre-a awng saite khimi angxynlyng na lä hini mawikäsi tea cäphaw ö ai. Älawngpre sa y kälang üng hai dungtäsa kähing dang hethang ämüng lä bädü saite Beram caw üng cae-u thung-a tärü saite khimi na xyngtä ni mawikäsi tea cäphaw ö y vi ai.

Lokphong 14:11

Äni ce tea naw mätang hai saite maikang te üng maikhü lä äqawng mang-a dungtäsa paw jawjaw te vi. Mawikäsi hai äni üng mimi tea cäphaw kha äni üng äsäny löpeng qawng-a awng saite khimi na lä kärung käni mätang bälai ö vi ai” näkha ätüng käleng hai thui vi.

Lokphong 14:9

Ämäthung üng Känipre angtawtha lä angcü üng angtawtha lawng netä leithung hui kha ätüng käleng hai thui te lä, “Mawikäsi hai äni üng mimi tea cäphaw saite khimi na hai äma ce üng löpeng, y dylä äkö na qawng-a äsäny dang ö saite khimi na tea Säthaw lä mai aekhaw saite ra bynglyng thung-a mäkawi kha nei hai pa vi dy. Honi lä Säthaw üng tengxyng y kädawtho saite tea thui te vi. Honi khimi na lä Beram caw hai äma üng Känipre angtawtha käcai na maw-a keng maikang saite hai naw mätang ö vi ai.

Lokphong 15:2

Tupyng-a mai hai aeqo saite khawitälae üng tuikang kätyng awng te kai lä nung te vi. Mawikäsi hai äni üng mimi hai ämüng nangbae tea bäja saite na la kai lä nung vi dy. Äni ce la Säthaw ma py saite tingtyng na tea süng kha khawitälae kätyng awng saite tuilipui teng-a aedaw ö te la kai lä nung vi dy.

Lokphong 16:13

Tupyng-a kai lä uiphaw na hai aetawng saite angra me thungtä bung nung vi. Honi na lä Näka käleng täbawng, mawikäsi täbawng hai buisaw kaeling täbawng na thung üng tho ö te vi dy.

Lokphong 16:2

Angcü üng Känipre angtawtha ma ly kha äma üng kaephi tea älawng qawng-a kädi pavi dy. Tukha mawikäsi üng äsäny awng kha äni üng mimi tea cäphaw saite khimi na tea lä tengxyng y si kha nawphi saite angvawi na tho mang pa ö vi dy.

Lokphong 18:23

Nang ce lä manila maibung üng kaevang nung haile tyng ö y vi ai. Särai anglaw na aepawng saite ätüng na la thai ö y vi ai dy. Honi märü hai kaepai sa saite na lä älawngpre angxynlyng na thung-a aenae awngky ö vi dy. Honi märü lä älawngpre angxynlyng na üng khimi na tea angra üng haidae hai the vi dy” näkha nä vi.

Lokphong 19:20

Areng lä mawikäsi hai äni üng jüng-a cangxei mätü saite buisaw kaeling bung lä ne vi dy. Buisaw kaeling lä mawikäsi üng äsäny awng saite hai mawikäsi üng mimi tea cäphaw saite khimi na tea cangxei te na hai-a kaeling kaemae sa pa vi dy. Areng lä änini lawng netä bung keng maikang saite maipui tuilipui thung-a kanghing-a ma käde hawi mei pa vi dy.

Lokphong 2:10

Nang ce üng mätang bälai tyng hethang awng saite tea lä ri ö hang. Tängai ö. Setan angra ma nang ce thung üng phütä na tea lä thawng thung-a kädephae te hai-a käny ö ai. Nang ce lä käni hawtä mätang bälai saite aeting ö ai. Dü te khytä yng te ca ö khi ba. Tudylä nang ce tea dungtäsa hing saite sanphrang üng lökhu kätyng ävang käting kai ma py ai.

Lokphong 20:10

Tupyng-a Säthaw lä äni ce tea kaeling kaemae sa saite Setan angra bung keng hai maikang saite tuilipui thung-a kädephae vi dy. Honi mityng-a lä mawikäsi hai äma üng buisaw käjüng aesa saite ni bung la kädephae pyng te by vi dy. Äni ce lä kärung käni dungtäsa naw mätang saite aeting jawjaw ö vi ai.

Lokphong 3:10

Nang ce lä änawngsa hethang kai üng särilo tea tängai ö te vi dy. Tukätephüng-a kai lä älawng qawng-a khimi qütä tea käny hethang mätang bälai tyng te kätü-a nang ce bung lä kai ma aedung hai ai.