Lokphong 12:9 - Caekäcai Kangthae (Lemi)

⁹ Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.

Asang Khongso New Testament

⁹ Dragon kalenpui loa tasa bangah vah o. Ato dragon loa zanghnii ih pahui pui, Taqawk, tiaibaloa Diabol, tiah naa pae ih long bum boih kaling kungnawk to ni. Anih loa angmah ih vanminawk hoiah vanto ah long ah pakhrak o.

Lokphong 12:9 ပူးပေါင်းရင်းမြစ်များ

Mathai 13:39

Aeca möti hi saite täre lä Setan angra tea thui te vi. Caw ae saite kätü lä hini älawngpre byng saite kätü tea thui te vi. Caw ae saite khimi na lä Säthaw üng angtawtha na vi.

Mathai 24:24

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä, Säthaw ma re saite khimi na tea mäteng ma yng te tämang rung khytä sa vi ai.

Mathai 25:41

“Tupyng-a Kai Sanphrang lä bangrawi mang üng awng saite na tea ‘Säthaw ma nang ce tea tähang käsi py ai. Kai te üng tho pa öng la. Säthaw ma Setan angra hai äma üng äkähui na tähang sa rüng pa saite dungtäsa mai thung-a ly pa öng la’ näkha näpa.

Mathai 4:1

Tupyng-a Isu bung Muilaw ma daithung kärang-a nähai kha Setan angra ma Isu tea hunghö sa hethang the pa vi dy.

Mathai 4:10

Tukha Isu ma, “Setan angra, kai te üng thoja lä. Caekäcai thung-a tärü te lä ‘Nang üng Areng Säthaw lawngtä xyng tea ni cäphaw kha äni üng mawsawng ni sa hethang kae’” näkha näpa.

Mathai 4:5

Tupyng-a Setan angra lä Isu bung Jerusalem märü käcai-a nähai pa vi. Säthaw üng Ingkäcai üng kaesangky mityng qawng-a aedaw hai pa dy.

Mathai 4:8

Tupyng-a Setan angra ma Isu bung me anghung kaesang-a nähai ea älawng-a awng saite pre angxynlyng na tawngnang te hai aecang phrung saite na mätü pa dy.

Luka 10:18

Isu ma äni ce tea “Kai lä Setan angra bung käni üng anglaw säde te kätyng aeqa te nung vi.

Luka 13:16

Abraham üng cänung hini nawngmädi lä säning hawlai täjaetä Setan angra ma mäkhing pa te to. Äni bung Aehae te Käni-a hikä mäqaw pa saite lä, tämang te y lyng” näkha mäthang pa.

Luka 22:3

Honi kätü-a äkähui lawng hawlai netä na thung üng Iskriota näsaite Judae tea lä Setan angra ma kung pa vi dy.

Luka 22:31

“Simon, Simon, caw aelai te kätyng nang ce tea käny hethang Setan angra lä Säthaw tea mäkai pyng te vi dy.

Luka 8:12

Lolang qawng-a aeqa te ämöti lä Säthaw lo thai saite khimi na tea thui te vi. Tudylä Setan angra lä äni ce bälung thung üng Säthaw lo la pa ja vi. Tukha äni ce lä yng y kha Säthaw lä äni ce bung aeqang pa y.

Johan 12:31

Vaihi ma älawngpre üng khimi na tea tärae cei he kätü lä tyng te dy. Säthaw ma hini älawngpre tea pyng saite Setan angra bung lä mäthoja vi ai.

Johan 14:30

Älawngpre bung pyng saite Setan angra lä, ly sälö te phüng-a, Kai lä nang ce hai älo awng mang-a aepe haw y ai dy. Äni lä kai tea bäja haw y lyng.

Johan 16:11

Säthaw lä älawngpre bung pyng saite Setan angra tea tärae cei pyng te phüng-a, äni ce lä tärae cei te phüng aedawng te tämang ö vi.

Johan 8:44

Nang ce üng pä-ai lä Setan angra kae vi. Tukha nang ce pä-ai üng aely kängai kätyng nang ce lä sa hethang aethawsa ö te vi. Setan angra lä angcü üng hai ma khimi bädü te kae vi. Äni tea älo mitang lä awng te y vi kha älo kaeling thui te lä äma üng rawraw kae vi. Äni lä khimi älo kaeling na üng pä-ai kae vi.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

Angtawtha 5:3

Peterae ma Anania tea “Anania ä, nang lä lai jaw ea dang saite phawisae kaehütä nang ma tähang khai mai kha Muilaw Käcai tea kaeling sa vi dy. Ätephüng-a hini kätyng sa hethang nang üng bälung thung-a Setan angra tea mityng pyng hai te vi mei.

Pawlae ma Rom märü üng kangkawng tähang tärü saite cae 16:18

Äni ce lä mä-ai üng Areng Isu Khrista üng kälu sa saite na ö y lyng. Äma ce üng ngai saite na tea dang hethang sa ö te kae. Äni ce lä älo käneng na, mäthaw saite älo na hai khimi bälung kähawi na tea kaeling kaemae sa ö te vi.

Pawlae ma Rom märü üng kangkawng tähang tärü saite cae 16:20

Awngneng te py saite üng Säthaw lä Setan angra bung nang üng kho täkui-a qae y tea ma ketibu vi ai. Mä-ai üng Areng Isu Khrista üng tähang kähawi lä nang ce hai mangtä awng jawjaw sy.

2 Korin 11:14

Äni ce sa saite na lä cangxei hethang awng te y. Setan angra äma lä Känipre kaevang üng angtawtha lawng hethang käjüng aesa te vi dy.

2 Korin 11:3

Tungaila Setan lawng saite bärui lä äma üng kaeling kaemae sa te hai Evi tea hunghö sa hai hethang the te kätyng khimi phütä ma nang ce tea älang tämang hai kha nang ce lä Khrista bung bälung aevaw saite tea kädephae ö ai näte kai lä bälung mawng te vi.

2 Korin 12:7

Tukha Säthaw ma kai tea mätü te cangxei phi saite aetüng te na phüng-a, kai lä bälung lengphi y hethang Säthaw ma kai üng ätabung thung-a nawphi saite bäthaw tea ru hai te vi. Säthaw ma Setan angra üng angtawtha bung kai tea bo hai hethang py pa vi dy.

2 Korin 2:11

Setan angra ma mä-ai tea bäja haw y hethang kai ce lä hini kätyng sa hethang kae ö te vi. Mä-ai lä Setan angra üng käsi mawlang kaedawng tea mäny te vi.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

Ephesi 4:14

Tupyng-a mä-ai lä nade na kätyng y lyng. Kaesyng y-a mätu saite hai kaeling kaemae sa saite na lä mä-ai tea the haw ö y dy. Mä-ai lä aeli pui hai tuileng ma bäja rungrang saite bälawng haetä kätyng y vi dy.

2 Thesalon 2:3

Nang ce lä khimi ce ma kaeling kaemae sa saite tea yng ö hang ba. Ätephüng-a mei nädylä Areng Isu ly haile be y te kälang-a, khimi awng mang saite na ma Säthaw tea aety saite kätü lä tyng ai rawng. Honi kätyng awng te kätü-a, Säthaw üng Ubädi tea elekhei sa saite kung lä tho vi ai. Äni bung lä Säthaw ma täphra ai.

1 Timote 2:14

Setan lä Adam tea kaeling thui te y. Nawngmädi tea ni thui te kae. Tukha nawngmädi lä hunghö sa te kung-a aelawng te vi dy.

2 Timote 3:13

Käsi sa te hai kaeling sa te khimi na lä sa tämang ö rae ai mang. Äni ce lä khimi ce tea kaeling sa te kätyng khimi kälang na ma la äni ce tea kaeling sa ö by ai.

Hebrai 2:14

Honi caw nade na lä äthi hai ängang awng saite khimi na vi te phüng-a, Isu lä honi na kätyng äthi ängang awng saite khimi-a aelawng khe te by vi dy. Äni üng dü saite hai-a Setan angra üng haidae tea täphra haw te vi dy. Honi Setan angra tea lä khimi ce bung bädü hai hethang haidae awng vi.

1 Piter 5:8

Nang ce lä aeküng kha canglailing te hai awng ö. Nang ce üng täre Setan angra lä lawng lawngtä tea täphra hethang ämaw ähawng sa saite xangsi täkai kätyng aevi kha mäqang te vi.

1 Johan 5:19

Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.

Judae 1:9

Säthaw üng angtawtha käleng Mikhela mäteng ma hini kätyng sa te y. Äni lä Mosi üng äro aelawng te phüng Setan angra hai älo ae-e hawi te kätü-a, käsi prawng saite älo haetä la thui vawng te y. Tungaila äni ma Setan angra tea “Areng ma nang tea pring te lo thui kae sy” näkha thui kae vi.

Lokphong 12:12

Tukätephüng-a käni khösang na hai äqawng-a awng saite angxynlyng na ä, anghawtho ö lawi. Älawng hai pangle lä tähang si bärai na ly. Ätephüng-a mei nädylä Setan angra lä nang ce tea cäqa pyng te vi dy. Äni üng kätü lä äje cäcaw xyng awng saite tea äni lä mäny te phüng-a, tengxyng y kädawtho vi dy” näkha nä vi.

Lokphong 12:3

Käni khösang-a lä cangxei saite kälang haetä tho be vi dy. Älö säritä hai täki hawtä awng saite näka kangthing käleng metä lä äma üng älö na qawng-a areng lökhu säritä aekhu qi te vi.

Lokphong 12:7

Honi pyng-a Känipre-a lä täre aety ö vi dy. Känipre angtawtha käleng Mikhela hai äni üng Känipre angtawtha na lä näka käleng tea täre aety ö vi dy. Näka käleng hai äma üng äpy angtawtha na lä äni ce tea täre aety haile tyng ö vi dy.

Lokphong 12:8

Tungaila, äni ce lä bäja ö y. Näka hai äma üng angtawtha na lä Känipre üng tho hethang kae ö vi dy.

Lokphong 13:14

Äni lä mawikäsi angcü üng tähang sa saite cangxei te na hai-a älawng qawng üng khimi angxynlyng na tea kaeling kaemae sa te vi. Aekei hai tämaw dang ngaila dü y käla hing saite honi mawikäsi tea tämö khai hai hethang khimi ce tea äni üng mimi sa hai pa te vi dy.

Lokphong 16:14

Äni ce lä kamarae na sa saite angra na vi. Äni ce lä älawngpre üng sanphrang angxynlyng na tea käcüng hethang tho ö vi dy. Äni ce lä äte angxynlyng na sa haw saite Säthaw üng käni pui-a täre aety ö ai.

Lokphong 18:2

Äni lä ätüng käleng hai, “Babilon märü käleng lä aene vi dy. Babilon märü Käleng lä aene vi dy. Honi märü-a angra na, khönan na hai känyng he hawi saite angxynlyng na awng vi. Kädü kärawng ngang na ca saite tävaw na üng mityng vi dy.

Lokphong 18:23

Nang ce lä manila maibung üng kaevang nung haile tyng ö y vi ai. Särai anglaw na aepawng saite ätüng na la thai ö y vi ai dy. Honi märü hai kaepai sa saite na lä älawngpre angxynlyng na thung-a aenae awngky ö vi dy. Honi märü lä älawngpre angxynlyng na üng khimi na tea angra üng haidae hai the vi dy” näkha nä vi.

Lokphong 19:20

Areng lä mawikäsi hai äni üng jüng-a cangxei mätü saite buisaw kaeling bung lä ne vi dy. Buisaw kaeling lä mawikäsi üng äsäny awng saite hai mawikäsi üng mimi tea cäphaw saite khimi na tea cangxei te na hai-a kaeling kaemae sa pa vi dy. Areng lä änini lawng netä bung keng maikang saite maipui tuilipui thung-a kanghing-a ma käde hawi mei pa vi dy.

Lokphong 2:13

Nang ce lä Setan angra üng aety nae mityng-a awng saite tea kai lä mäny. Nang ce lä kai tea ae-y khü ö te vi. Setan angra üng awng saite nang üng märü-a kai üng lo sasi thui khü saite Antipa bung khimi ce ma sakälö khü kha bädü te kätü-a mäteng ma, kai tea yng saite nang ce lä khaisö ö te y vi dy.

Lokphong 2:24

“Thetaria kangkawng üng phütä na lä Jezebel näsaite nawngmädi üng mätu saite leithung hui ö te y vi. Khimi ce ma näsaite ‘Setan angra üng ho saite kaedawng tea’ nang ce lä mäny ö y. Tukätephüng-a nang ce tea äte kälang särilo na hai-a kai lä hui hai y lyng.

Lokphong 2:9

Nang ce üng mätang te hai mätangca saite na kai lä mäny. Tungaila nang ce üng yng saite na lä tawngnang ö te vi. Mä-ai ma tea Judae khimi näkha thui saite na lä Säthaw ma re saite khimi na kätyng sa y te na ma nang ce tea käsi prawng saite na kai lä mäny vi. Äni ce lä Setan angra üng äkähui thung üng na kae.

Lokphong 20:10

Tupyng-a Säthaw lä äni ce tea kaeling kaemae sa saite Setan angra bung keng hai maikang saite tuilipui thung-a kädephae vi dy. Honi mityng-a lä mawikäsi hai äma üng buisaw käjüng aesa saite ni bung la kädephae pyng te by vi dy. Äni ce lä kärung käni dungtäsa naw mätang saite aeting jawjaw ö vi ai.

Lokphong 20:8

Setan angra lä älawngpre angxynlyng na qawng-a aehi sangxang saite üng khimi na tea kaeling kaemae sa hethang ly vi ai. Hini pre na üng Säthaw üng täre na tea lä Koka hai Makoka näkha khimi ce ma mäthi ö vi. Setan lä äni ce angxynlyng na tea täre aety hai hethang mangtä käcüng ö vi ai. Äni ce üng khimi rui na tea to dylä, pangle pyng üng täpung älawng ngangdi na kätyng vi.

Lokphong 3:9

Tängai ö. Setan angra üng äkähui na lä Judae khimi tätang na y käla ma Judae khimi na näkha kaeling thui ö vi. Kai lä äni ce bung nang ce üng maw-a ly kha khokung-a aebo hai ö ai. Nang ce tea kai ma bälung aevaw saite lä äni ce angxynlyng na ma mäny ö ai.

Lokphong 9:1

Tupyng-a äbangaw üng Känipre angtawtha lä äma üng baw tea üng vi dy. Käni khösang üng älawng-a aeqa saite tengpaw haetä hai aetawng saite Känipre angtawtha bung kai lä nung vi. Honi angtawtha tea lä Angqaw khaw käthu üng kätho saw dang te vi dy.

Lokphong 9:20

Hini mätang bälai saite känaw käsaw na hai-a dü y saite khimi na lä äma ce üng sa tämang saite na tea ae-ui ö y lyng. Äni ce lä angra na tea cäphaw jawjaw ö te vi. Äni ce lä sui, tangkae, süng kangseng, kälung, thingkawng na hai sa saite mimi na tea cäphaw jawjaw ö te vi. Honi mimi na lä ämi la nung haw te y, känawkhing hai la thaikaw te y, aeke haw ö te y vi.