Lokphong 12:7 - Caekäcai Kangthae (Lemi)

⁷ Honi pyng-a Känipre-a lä täre aety ö vi dy. Känipre angtawtha käleng Mikhela hai äni üng Känipre angtawtha na lä näka käleng tea täre aety ö vi dy. Näka käleng hai äma üng äpy angtawtha na lä äni ce tea täre aety haile tyng ö vi dy.

Asang Khongso New Testament

⁷ Topacoengah van ah misa angtukhaih ih to a oh. Mikhael hoi angmah ih vanminawk mah dragon to a tuk o moa dragon hoi angmah ih vanminawk mah doeh tuk o let toeng;

Lokphong 12:7 ပူးပေါင်းရင်းမြစ်များ

Mathai 13:41

Kai, Khimi üng Cäpaw, älawng qawng-a Kai ma üng angtawtha na bung mätaw vi ai. Tukha äni ce lä khimi ce tea käsi sa hai saite hai hunghö na sa saite khimi angxynlyng na tea Säthaw pre thung üng mätho ö vi ai.

Mathai 16:27

Kai, Khimi üng Cäpaw, lä Äpä-ai üng phung-ang hai Säthaw üng angtawtha käcai na hai mangtä ly vi ai. Honi kätü-a khimi angxynlyng na äma ce sa te kätyng ävang py pa vi ai.

Mathai 24:31

Tukha Kai, Khimi üng Cäpaw, lä kähanglawky üng re saite khimi na bung käcüng hai hethang Känipre üng angtawtha na bung baw tüng käleng-a üng kha mätaw ai.

Mathai 25:41

“Tupyng-a Kai Sanphrang lä bangrawi mang üng awng saite na tea ‘Säthaw ma nang ce tea tähang käsi py ai. Kai te üng tho pa öng la. Säthaw ma Setan angra hai äma üng äkähui na tähang sa rüng pa saite dungtäsa mai thung-a ly pa öng la’ näkha näpa.

Mathai 26:53

Kai lä kai Pä-ai tea säbawng hethang mäkai dylä, Kai pä-ai ma äma üng angtawtha na bung awng mang-a mätaw ai näte nang ce lä mäny ö y mei.

2 Korin 12:7

Tukha Säthaw ma kai tea mätü te cangxei phi saite aetüng te na phüng-a, kai lä bälung lengphi y hethang Säthaw ma kai üng ätabung thung-a nawphi saite bäthaw tea ru hai te vi. Säthaw ma Setan angra üng angtawtha bung kai tea bo hai hethang py pa vi dy.

Ephesi 6:12

Mä-ai lä khimi ce hai täre aety ö te y. Käni khösang üng haidae hai aenae awng saite angra na, hini älawng käving pre tea pyng saite angra käleng na, älawng qawng-a aenae awng saite na hai täre aety ö te vi.

2 Thesalon 1:7

Tukha nang ce hai kai ce mangtä vaihi mätang bälai saite khimi na tea lä Säthaw ma säbawng ai. Hini na lä Areng Isu Khrista Känipre mang üng ly haile be te kätü-a, tyng khaw vi ai. Äni üng haidae awng saite angtawtha na lä Äma hai mangtä maibälai hai tho ö ai.

Hebrai 2:10

Säthaw lä äni hai-a äni tähang äte angxynlyng na tea sa kha pyng hai pa te vi. Äni lä Isu bung mätang bälaica aeting te hai-a cungrü hai pa te vi. Tukätephüng-a caw nade awng mang te na bung lä äma üng phung-ang thung-a qa hai hethang nähai pa vi dy. Tukha Isu lä äni ce bung aeqang saite Areng vi.

2 Piter 2:4

Tukätephüng-a jangni-a Känipre üng angtawtha phütä na ma hunghö sa te kätü-a, Säthaw lä äni ce tea dengpy te vi. Säthaw lä äni ce bung ving saite angqaw khaw käthu-a kädephae kha pä-ung pa ö vi dy. Äni lä äni ma tärae cei te käni tyng te khytä äni ce bung honi thawng käving thung-a pä-ung ö vi ai.

Judae 1:9

Säthaw üng angtawtha käleng Mikhela mäteng ma hini kätyng sa te y. Äni lä Mosi üng äro aelawng te phüng Setan angra hai älo ae-e hawi te kätü-a, käsi prawng saite älo haetä la thui vawng te y. Tungaila äni ma Setan angra tea “Areng ma nang tea pring te lo thui kae sy” näkha thui kae vi.

Lokphong 12:8

Tungaila, äni ce lä bäja ö y. Näka hai äma üng angtawtha na lä Känipre üng tho hethang kae ö vi dy.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.

Lokphong 13:7

Äni lä Säthaw üng khimi käcai na hai täre aety kha äni ce tea bäja hethang, pre qütä-a awng saite khimi qütä, älo cawngkhang aepe saite qütä hai ceng qütä na tea pyng hai hethang aenae dang vi dy.

Lokphong 20:2

Äni lä Näka cangkhawng üng bärui bung ne kha säning sangtä tähang süng rui hai mäkhing ea khai pa vi dy. Honi lä Setan angra vi.