Lokphong 11:8 - Caekäcai Kangthae (Lemi)

⁸ Änini üng äro lä märü käleng pui üng lolang qawng-a bäsawng hawi pa vi ai. Honi lä khimi ce ma Areng bung thinglang qawng-a bädü saite märü vi. Honi märü üng khimi na lä si bärai te phüng-a, Sodom märü y dylä Aikuta pre kätyng ämüng mäthi ö te vi.

Asang Khongso New Testament

⁸ Anih hnit ih a qok loa vangpui kalen thungih lam pongah angsong tih, ato vang loa anih hnit ih Angraeng to kraws ah takhinghaih ih vang to ni. Ato vangpui patuenghaih ih ahmin loa Sodom tiaibaloa Izipt ni.

Lokphong 11:8 ပူးပေါင်းရင်းမြစ်များ

Mathai 10:15

Tängai ö, Säthaw ma khimi angxynlyng na tea tärae cei te kätü-a, Sodom hai Komorae märü na-a awng saite khimi na qawng-a cang y honi märü üng khimi na tea lä dengpy vi ai.

Angtawtha 9:4

Äni lä älawng qawng-a, aetüng praw kha äni hai älo aepe te tüng thai pa vi. Ätüng lä “Sawlae, Sawlae, nang lä ätephüng-a, kai tea sakälö khü te vi mei” näkha düng pa.

Hebrai 13:12

Hini phüng-a Isu lä äma üng äthi khekhe hai-a khimi ce üng hunghö tea mäcai hai hethang märü üng hawngkhae kätho ärang mang-a dü te by vi dy.

Hebrai 6:6

Honi pyng-a äni ce lä Khrista tea yng saite na käde phae ö te vi. Honi khimi na tea lä ae-ui haile tyng hai hethang säbawng haw y lyng. Ätephüng-a mei nädylä äni ce lä Säthaw üng Cäpaw bung thinglang qawng-a täheng tynglyng kha khimi ce maw-a Khrista tea kaejae pa ö te phüng-a vi.

2 Piter 2:6

Säthaw lä Sodom hai Komorae märü tea dengpy kha honi märü känetä tea baiphö-a lawng te khytä maikang hai king pa te vi dy. Äni lä hikä sa te hai-a, äma tea mäthi y saite khimi na tea lä makä sa kha dengpy ai mei näte mätü te vi dy.

Judae 1:7

Sodom, Komorae märü käleng hai särawng dawngpa märü üng khimi na tea aedawng haile ö ba. Äni ce la honi Känipre üng angtawtha na kätyng hunghö sa ö te by vi. Honi märü na lä nawngmäcaw tingtawi täkübäjang aesa linglawng ö te vi. Säthaw lä äni ce angxynlyng tea dungtäsa mai hai dengpy ai. Äni ce tea dengpy saite lä mä-ai tea sädi py te vi dy.

Lokphong 11:13

Honi tänaetä kätü-a ma, pangtälü käleng naw kha märü käleng pui üng phü hawtä-a phütä lä phra vi. Tukha khimi lawng sang säritä na lä dü ö vi dy. Dü y saite khimi na lä tengxyng y ri kha Känipre Säthaw üng phung-ang leng saite tea bälaw ö vi dy.

Lokphong 11:9

Älawngpre qütä üng khimi na, ceng qütä, älo cawngkhang aepe saite na hai amäjy qütä üng khimi na lä änini üng äro tea käni thungtä hai kaehütä kheng ö vi ai. Honi änini üng äro bung lä aevui hethang py ö y ai.

Lokphong 14:20

Cäpje thai na tea märü üng ärang mang-a ke kha Cäpje thai tui aeti nae thung üng äthai tui jüng-a äthi na tho vi dy. Honi äthi lä Säthaw üng dengpy saite tea thui te vi. Honi äthi lä meng cungvai netä lawng kha äkäthu lä pe bangawtä tingtang awng pa vi dy.

Lokphong 14:8

Äbaeni üng Känipre angtawtha lä angcü üng angtawtha leithung hui kha, “Babilon märü käleng lä aene vi dy. Babilon märü käleng lä aene vi dy. Nawngmädi kangdei ma mätyng saite mai aekhaw te ra tea älawngpre angxynlyng na üng khimi na lä nei ö te vi. Tukha äni ce lä äni hai täkübäjang sa ö vi dy” näkha thui vi dy.

Lokphong 16:19

Babilon märü käleng lä phü thungtä-a aelawng kha pre angxynlyng na üng märü na la aene ö king vi dy. Säthaw lä Babilon märü käleng tea aedawng haile kha mai aekhaw saite ra bynglyng thung-a mäkawi ea nei hai pa vi dy. Hini lä honi märü tea Säthaw üng tengxyng y kädawtho saite tea mätü pa te vi dy.

Lokphong 17:1

Tupyng-a kaephi säritä na awng saite Känipre angtawtha lawng säritä thung üng lawngtä lä kai tea ly kha, “Ly lawi, aethang saite nawngmädi kangdei tea Säthaw üng dengpy saite kai ma mätü ai. Honi nawngmädi kangdei lä awng mang saite tävaw käleng na teng-a sa saite märü käleng tea näte vi.

Lokphong 17:18

“Nang ma nung saite nawngmädi lä älawngpre üng sanphrang angxynlyng na tea pyng saite märü käleng pui üng älawngsai vi” näpa.

Lokphong 17:5

Nawngmädi üng löpeng-a lä älawngsai ho saite ämüng tärü vi dy. Honi ämüng lä “Nawngmädi Kangdei angxynlyng na üng Änä-awi, Babilon märü Käleng pui vi. Honi lä täkübäjang sa saite angxynlyng na üng Äkung vi” näkha awng vi.

Lokphong 18:10

Äni ce lä äni üng mätang bälai saite tea ri te phüng-a, kähanglaw mang aedaw ö vi. Äni ce ma, “Haidae awng saite Babilon märü käleng ä, Tähang si dy. Tähang si dy. Nang lä tänaeritä säla-a ma Säthaw ma dengpy te vi dy” näkha näpa.

Lokphong 18:18

Honi märü käleng tea kang saite maikhü tea äni ce ma nung kha hang te lä, “Hini märü käleng kätyng äte märü kälang la awng vai y dy lyng” näkha nä ö vi dy.

Lokphong 18:2

Äni lä ätüng käleng hai, “Babilon märü käleng lä aene vi dy. Babilon märü Käleng lä aene vi dy. Honi märü-a angra na, khönan na hai känyng he hawi saite angxynlyng na awng vi. Kädü kärawng ngang na ca saite tävaw na üng mityng vi dy.

Lokphong 18:21

Tupyng-a aethaw awngky saite Känipre angtawtha lawngtä lä caw ke nae kälung käleng kätyng awng saite kälung käleng tea aekhü ea pangle thung-a kädeja pyng-a, “Babilon märü käleng tea la aethaw paitae hai hini kätyng kädephae by ai. Manila nang ce la äni tea lä nung haile tyng ö y vi ai.

Lokphong 18:24

Säthaw lä Babilon märü tea dengpy vi dy. Ätephüng-a mei nädylä äni lä buisaw na hai Säthaw tea yng saite khimi kälang angxynlyng na bung bädü pa ö te phüng-a vi. Älawngpre angxynlyng na üng khimi na bung bädü saite lä Babilon märü üng hunghö sa te na vi dy.