Lokphong 1:5 - Caekäcai Kangthae (Lemi)

⁵ Isu Khrista lä sasi thui khü kha ae-y nae hawi khaw saite Kung vi. Säthaw ma äni bung lä kädü thung üng mätha angcü pa te vi. Äni lä älawngpre üng sanphrang angxynlyng na tea pyng saite Kung vi. Isu Khrista lä mä-ai tea bälung aevaw kha äma üng äthi hai-a mä-ai üng hunghö na aelawi hai te vi dy.

Asang Khongso New Testament

⁵ oep kaom panoek haih bomkung saksi, duekhaih thung hoitoah angthawksak let ah ka om hmaloe, longnui sangpahrangnawk ukkung ah doeh kaom Jesuh Khrih khae hoi-ih tahmenhaih hoi monghaih to nangcae khaeah oh na soe. Aicae hae ang palung moa a duekhaih ranghoiah aicae ih zaehaih thung hoitoah ang loihsak o boah.

Lokphong 1:5 ပူးပေါင်းရင်းမြစ်များ

Mathai 20:28

Kai, Khimi üng Cäpaw, tea khimi ce ma mawsawng sa hai hethang ly te y vi. Kai lä khimi ce üng mawsawng-a awng hethang hai khimi ce bung awng mang-a aeqang hethang hai Kai üng hing saite khaisö hethang ly te kae vi” näkha näpa.

Mathai 28:18

Isu lä äkähui lawng hawlai netä na äteng-a ly kha “Säthaw ma Känipre-a hai älawngpre üng aenae angxynlyng na kai tea py vi dy.

Johan 13:1

Cäqengja te pawi käni haetä tyng hethang kätü lä aenai dy. Isu lä älawngpre üng tho kha Pä-ai tea vawi haile hethang kätü tyng te mäny pa vi. Isu lä älawngpre-a awng saite äma üng äkähui na tea bälung aevaw jawjaw te vi. Äni ce tea käni kangteng khytä bälung aevaw jawjaw vi.

Johan 13:34

Kai lä nang ce tea särilo kangthae py dy. Nang ma ce tingtawi bälung aevaw ö. Kai lä nang ce tea bälung aevaw te kätyng nang ma ce tingtawi lawng lawngtä tea bälung aevaw hethang kae.

Johan 15:9

Pä-ai ma kai tea bälung aevaw te kätyng kai lä nang ce tea bälung aevaw te by vi. Nang ce lä kai üng bälung aevaw te thung-a awng ö jawjaw ba.

Johan 18:37

Pilata ma “Tudylä Nang lä Sanphrang vi mei” näkha düng pa. Isu ma “Nang ma thui te kätyng Kai lä Sanphrang vi. Kai lä Älo mitang phüng thui hethang tähang-a aepeng kha hi älawng qawng-a cäqa te dy. Älo mitang hai aesui saite khimi na lä Kai üng älo na tängai ö te vi” näkha näpa.

Johan 3:11

Tängai khü ba. Mä-ai lä mä-ai ma mäny khe saite phüng thui vävawi te vi. Nung saite phüng thui te kae. Tungaila kai ce üng thui saite nang ce lä tängai he ngai ö y vi.

Johan 3:16

Säthaw lä älawng khimi ce tea bälung aevaw te phüng-a Äcäpaw lawngtä xyng bung py vi. Äcäpaw tea yng saite khimi angxynlyng na lä muilaw dü y käla dungtäsa hing te dang vi.

Johan 3:32

Äni lä äma nung te hai thai saite phüng thui ngaila äni üng angthang tea ämi la yng pa ö y.

Angtawtha 20:28

Tukätephüng-a nang ce lä mä-ai ma ce tea sädi hai awng ö. Muilaw Käcai ma nang ce tähang a saite kangkawng tea kähawi-a rui ö. Beram rui saite Kung ma beram rui te kätyng nang ce lä, Säthaw üng kangkawng tea kähawi-a, rui kha kheng ö. Ätephüng-a mei na dylä, Säthaw lä äma üng Cäpaw thi hai-a honi kangkawng bung rang te vi.

Pawlae ma Rom märü üng kangkawng tähang tärü saite cae 3:25

Khrista üng dü saite äthi hai-a, Säthaw lä khimi ce üng hunghö na tea bälawi haw hethang Säthaw lä äni bung löci kätyng sa pa vi dy. Khrista üng dü pa saite hai-a Säthaw lä äni ce üng hunghö na tea bälawi pa vi dy. Säthaw ma hikä sa te lä äma üng cüng saite tea mätü khekhe te vi. Jangni üng hai äni lä änawngsa kha khimi ce üng hunghö na tähang dengpy pa te y vi. Tungaila vaihi äni lä äma üng cüng saite mätü hethang Isu Khrista bung hikä dü hai hethang mätaw pa te vi dy. Honi kätyng Säthaw lä äma cüng vi näkha Isu tea yng saite khimi qütä bung lä khimi käcüng-a mäthi te vi dy.

Pawlae ma Rom märü üng kangkawng tähang tärü saite cae 8:37

Mä-ai tea bälung aevaw saite Khrista hai-a mä-ai lä äte angxynlyng na tea bäja king te vi dy.

1 Korin 6:11

Angcü üng hai ma nang ce thung üng khimi phütä lä honi kätyng käsi na sa ö te vi. Tungaila Säthaw lä nang ce üng hunghö na tea bäse pang kha cai hai te vi. Areng Isu Khrista hai Säthaw üng Muilaw hai-a nang ce lä Säthaw üng maw-a khimi käcüng-a lawng ö vi dy.

Galati 2:20

Kai lä Khrista hai mangtä thinglang qawng-a dü pyng te kätyng vi. Kai lä leithung jungtä üng kätyng hing te y vi dy. Vaihi Khrista lä kai üng bälung thung-a hing te vi. Vaihi hing te lä Säthaw üng Cäpaw tea ae-y kha hing te kae. Cäpaw lä kai bung bälung aevaw kha kai tähang äma üng hing saite py vi dy.

Ephesi 2:4

Tungaila Säthaw lä mä-ai bung bälung aevaw phi kha mä-ai tea lä bäheng bärai te vi.

Ephesi 5:2

Khrista lä mä-ai tea bälung aevaw kha mä-ai tähang dü pa te kätyng-a khimi kälang na tea la bälung aevaw ö lawi. Khrista lä äma üng hing saite lä löci aesa hethang Säthaw tea py pa te vi dy. Honi löci lä Säthaw tähang ämui hawi te vi.

Kolosa 1:18

Khrista lä kangkawng üng älö vi. Kangkawng la äni üng ätabung by vi. Äni lä kangkawng tea kähing py saite Kung vi. Äni bung Säthaw ma kädü thung üng angcüky-a mätha kha dungtäsa hing hai pa vi dy. Tukäte hai-a Khrista lä älawng hai käni khösang na üng aely kälengky saite lawngtä vi.

1 Timote 6:13

Hing hethang äte angxynlyng na py saite Säthaw hai Pontia Pilata mätawngky üng maw-a älo mitang tho saite Isu Khrista üng maw-a, nang tea kai lä särilo thui te vi.

1 Timote 6:15

Säthaw ma üng khai rüng saite käni-a, Khrista lä ly haile ai. Säthaw lä bälaw hethang aeteng khaw saite lawngtä xyng awng te Sanphrang vi. Äni lä sanphrang na üng Sanphrang hai areng na üng Areng vi.

Hebrai 10:29

Säthaw üng Cäpaw tea mäthi y saite khimi na lä ätemakä aelawng ai mei näte nang ce lä aedawng ö mei. Hunghö üng cai hai pa saite Säthaw üng aenai te üng äthi tea ävang käting y kätyng mäthi saite khimi hai tähang kähawi üng Muilaw Käcai tea cy saite khimi tea lä Säthaw ma honi qawng-a siky saite deng py ai.

Hebrai 9:14

Tungaila Khrista üng äthi lä hini qawng-a cang y sa haw te vi. Äni lä dungtäsa Muilaw hai-a äma ma löci sa te vi dy. Äni lä Säthaw tähang cungrü-a löci aesa saite vi dy. Tukätephüng-a äni üng äthi lä tengxyng y haidae awng kha mä-ai üng käsi kähawi mänykaw saite bälung kaedawng na tea ävang ting y saite reitae thung üng cai hai te vi. Vaihi mä-ai lä Säthaw kähing tea mawsawng sa haw ö te vi dy.

1 Piter 1:19

Nang ce bung aelawi hai hethang, Säthaw lä Isu Khrista üng ävang ting saite äthi py te vi dy. Khrista lä angvawi awng y saite beram caw kätyng lawng te vi dy.

1 Johan 1:7

Tungaila Säthaw lä kaevang-a awng te kätyng mä-ai la kaevang-a awng nädylä, mä-ai lä lawng lawngtä tea rawijae sa ö te vi dy. Säthaw üng Cäpaw Isu üng äthi lä mä-ai üng hunghö angxynlyng na tea mäcai pang te vi dy.

1 Johan 4:10

Hini mitang khaw-a bälung aevaw saite lä mä-ai üng Säthaw tea bälung aevaw saite tea y vi. Äni ma mä-ai tea bälung aevaw saite lä Äcäpaw bung mä-ai üng hunghö na bälawi hai hethang mätaw saite vi.

Lokphong 11:15

Tupyng-a äsäritä Känipre angtawtha lä äma üng baw tea üng vi dy. Käni mang üng ätüng käleng na lä, “Älawngpre-a pyng hethang haidae lä vaihi mä-ai üng Areng hai äni üng Mesia tea awng vi. Äni lä dungtäsa pyng jawjaw ai” näkha nä vi.

Lokphong 11:3

“Kai lä mäny khe kha älo mitang thui saite lawng netä bung mätaw ai. Änini lä bälungsi kha bälung hawi y saite mätü hethang kä-o kämawng aelawng ea käni rui sang cungvai netä hai rui tärutä tütü Säthaw üng angthang thui hawi ai” näpa.

Lokphong 17:14

Äni ce lä Beram caw tea täre aety ö ai. Tungaila Beram caw ma lä äni ce tea bäja vi ai. Ätephüng-a mei nädylä äni lä areng na üng Areng hai sanphrang na üng Sanphrang lawng te phüng-a vi. Äni üng ka saite, re saite, yng khü saite äkähui na lä äni hai mangtä awng ö ai” näkha näpa.

Lokphong 19:11

Tupyng-a Känipre aepä-awng te tea kai lä nung kha ho-a lä Cäphö Kanglung metä awng vi. Honi qawng-a aedang saite üng ämüng lä Yng cakhi saite hai lo mitang vi. Äni üng tärae cei te hai täre tea aety saite na lä tüngkhaw vi.

Lokphong 19:16

Äni üng kä-o käsa hai äphai qawng-a tärü saite ämüng lä, “Sanphrang na üng Sanphrang, areng na üng Areng” näkha awng vi.

Lokphong 2:13

Nang ce lä Setan angra üng aety nae mityng-a awng saite tea kai lä mäny. Nang ce lä kai tea ae-y khü ö te vi. Setan angra üng awng saite nang üng märü-a kai üng lo sasi thui khü saite Antipa bung khimi ce ma sakälö khü kha bädü te kätü-a mäteng ma, kai tea yng saite nang ce lä khaisö ö te y vi dy.

Lokphong 3:14

“Leodikia kangkawng üng Känipre angtawtha tea hini kätyng cae tärü ba. “Hini lä Cakhi kha mitang khü-a sasi tho saite üng älo na vi. Äni üng ämüng lä Amen näkha mäthi te vi. Äni lä Säthaw ma sa saite angxynlyng na üng langdüng vi.

Lokphong 7:14

Kai ma äni tea, “Areng ä, Nang lä mäny vi” näkha mäthang vi dy. Äni ma kai tea, “Hini khimi na lä sakälö khü phi saite na aeting kha bäja ö saite na vi. Äni ce lä äma ce üng kä-o na tea Beram caw üng äthi hai mäcai ping ö pyng saite na vi dy.