Lokphong 1:4 - Caekäcai Kangthae (Lemi)

⁴ Hini cae lä Johan ma Asia pre cäpi-a awng saite kangkawng säritä tea tärü te vi. Vaihi awng saite, cangkhawng üng hai ma awng angci saite hai vaimaw mang-a la awng jawjaw kha tyng hethang awng saite Säthaw, Isu Khrista hai äma üng Areng aety nae maw-a awng saite Muilaw Käcai üng cungrü saite säritä te üng tähang kähawi hai awngneng saite lä nang ce tea awng sy.

Asang Khongso New Testament

⁴ Asia prae thungih kaom Khrihca kangkom sarihto khaeah kai Johan mah ca kang tarik o: Vaihi ka om li, ka om boah hoi hmabang ah doeh ka om poe hankoi Sithaw hoi angmah anghnuthaih tangkhang hma-ih kaom pakhra sarihto khae hoitoah,

Lokphong 1:4 ပူးပေါင်းရင်းမြစ်များ

Johan 1:1

Angcü-a ma älo awng. Honi älo lä Säthaw hai mangtä awng te vi. Honi älo la Säthaw äma vi dy.

Angtawtha 19:10

Hini kä säning netä tütü sa kha Asia pre cäpi-a, awng saite Judae khimi na hai Käri khimi na angxynlyng lä, Säthaw üng älo angthang thai ö pa vi dy.

Angtawtha 2:9

Mä-ai lä Parthai pre, Medai pre, Elamitai pre, Mesopotamia pre, Judae khö, Kapadokia khö, Ponta khö, Asia pre cäpi, Phrukia khö, Pamphulia khö, Aikuta pre, Sarene märü teng üng Lebia khö hai, Rom märü na mang üng hai ly ö bawi te vi.

Pawlae ma Rom märü üng kangkawng tähang tärü saite cae 1:7

Säthaw ma bälung aevaw kha äma üng khimi na khe khe-a lawng hai hethang re saite Rom märü üng nang ce tea kai lä cae tärü te vi. Mä-ai üng Pä-ai Säthaw hai Areng Isu Khrista ma nang ce tea tähang kähawi hai awngneng saite py sy.

1 Korin 1:3

Mä-ai üng Pä-ai Säthaw hai Areng Isu Khrista ma nang ce tea tähang kähawi hai awngneng saite py sy.

2 Korin 1:2

Mä-ai üng pä-ai Säthaw hai Areng Isu Khrista ma tähang kähawi hai awneng saite lä nang ce tea py sy.

Hebrai 13:8

Isu Khrista lä jangni üng hai, vaini la, dungtäsa la lang te awng y vi.

Jako 1:17

Hawi saite hai cungrü saite lasawng qütä lä Känipre üng tho te vi. Känipre kaevang tea sa saite Säthaw lä mä-ai tea hini lasawng na py te vi. Äni lä aethui saite kaekhui kätyng aemäqa te y vi.

Lokphong 1:1

Hini lä Isu Khrista üng täphawng saite phüng na tea tärü te cae vi. Qae y tea ma äni üng mawsawng na tea tyng ai te phüng mätü hethang hini täphawng saite lä Isu Khrista tea Säthaw ma py pa te vi dy. Khrista lä äma üng mawsawng Johan tea äma üng Känipre angtawtha bung mätaw kha hini na tea mäny hai te vi.

Lokphong 1:11

Honi ätüng ma, “Nang nung saite lä angxynlyng na cae-u thung-a tärü kha Ephesi, Samurana, Perkamon, Thetaria, Sardis, Philadelphia hai Leodikia märü na thung-a awng saite kangkawng säritä tea tha ba” näkha nä vi.

Lokphong 1:17

Äni bung nung te kätü-a lä, äni üng khokung-a kai lä ri kha khimi kädü kätyng-a aetüng dung vi dy. Äni lä äma üng äkö bangtang mang hai kai qawng-a thyng kha “Ri y ma. Kai lä Kangmangky hai Kangkhüngky vi.

Lokphong 1:20

Kai üng äkö bangtang-a nang nung saite tengpaw säritä na hai sui maibung kaesang säritä na üng ho saite äphüng lä hikä vi. Maibung kaesang säritä na lä kangkawng säritä na vi. Tengpaw säritä na lä kangkawng säritä na üng Känipre angtawtha na vi.

Lokphong 1:8

Säthaw ma, “Kai lä Kangmangky hai Kangkhüngky vi. Kai lä vaihi awng saite, cangkhawng üng hai ma awng angci saite hai vaimaw mang-a awng jawjaw kha tyng hethang awng saite Kung la vi. Kai lä haidae lengky saite Säthaw vi” näpa.

Lokphong 1:9

Kai lä nang ce üng kangby jä-ai Johan vi. Isu üng äkähui qütä aeting saite mätang bälai te tea nang ce kätyng kai la aeting kha änawngsa te by vi. Khrista bung Sanphrang-a khai saite äma üng äkähui qütä lä mätang bälai saite aeting hethang kae. Kai lä Isu phüng hai Säthaw üng Angthang thui te phüng-a, khimi ce ma kai bung lä Patmos angrai sälawng-a tha te vi dy.

Lokphong 16:5

Tui tea rui saite angtawtha mätawngky lawngtä ma, “Areng ä, nang lä vaihi la awng, jangni la awng saite Käcai vi. Nang üng tärae cei saite lä tüng bärai vi.

Lokphong 2:12

“Perkamon märü üng kangkawng üng Känipre angtawtha tea hini kätyng cae tärü ba: “Hini lä äbaw känetä cörü saite aekei sawngseng awng te Kung üng thui saite älo na vi.

Lokphong 2:18

“Thetaria märü kangkawng üng Känipre angtawtha tea hini kätyng cae tärü ba. “Hini lä Säthaw üng Cäpaw te üng älo na vi. Äni üng ämi na lä mai kätyng aengaw te vi. Äni üng äkho lä mäcai ping saite süng kangseng kätyng awng vi.

Lokphong 2:8

“Samurana märü kangkawng üng Känipre angtawtha tea hini kätyng cae tärü ba: “Hini lä kädü thung üng hing haile tyng kha Kangmangky hai Kangkhüngky-a awng saite Kung üng älo na vi.

Lokphong 22:16

“Kai, Isu, lä kangkawng na thung-a awng saite nang ce tea hini na thui hai hethang Kai ma üng Känipre angtawtha bung mätaw vi dy. Kai lä sanphrang Davidae amäjy thung üng vi. Ang bärai saite Kädang Tengpaw la vi.”

Lokphong 22:8

Hini angxynlyng na thai kha nung saite lä kai, Johan, vi. Honi na thai kha nung pyng te kätü-a, hini na mätü saite Känipre angtawtha üng khokung-a aebo kha kai lä äni tea cäphaw hethang sa vi dy.

Lokphong 3:1

“Sardis märü kangkawng üng Känipre angtawtha tea hini kätyng cae tärü ba: “Hini lä Säthaw üng Muilaw üng cungrü saite säritä tea pyng kha tengpaw säritä tea süng saite Kung üng älo na vi. Nang ce sa saite na tea kai lä mäny. Khimi ce ma nang ce lä hing vi näkha dawng ngaila, nang ce lä kai leithung hui ö y te phüng-a, khimi kädü na kae vi.

Lokphong 3:14

“Leodikia kangkawng üng Känipre angtawtha tea hini kätyng cae tärü ba. “Hini lä Cakhi kha mitang khü-a sasi tho saite üng älo na vi. Äni üng ämüng lä Amen näkha mäthi te vi. Äni lä Säthaw ma sa saite angxynlyng na üng langdüng vi.

Lokphong 3:7

“Philadelphia kangkawng üng Känipre angtawtha tea hini kätyng cae tärü ba. “Hini lä käcai hai lo mitang-a awng saite Kung te üng älo na vi. Äni tea lä sanphrang Davidae üng aenae näsaite kätho saw awng vi. Honi saw hai pä-awng saite kätho tea lä, ämi ma la aekhae haw y. Aekhae saite kätho tea lä, ämi la pä-awng haw y lyng.

Lokphong 4:5

Areng aety nae üng anglaw säde saite, khö bärü saite ätüng, hai bärei mäkhawi saite tüng na tho vi dy. Honi aety nae maw-a lä maito säritä aekhaw kha aevang vi dy. Honi na lä Säthaw üng Muilaw üng cungrü saite säritä na vi dy.

Lokphong 4:8

Honi hing saite me bälitä na lä mäkhi tärutä awng ö qi vi dy. Äni ce mäkhi üng äthung äqawng-a lä ämi na ceicei awng ö qi vi dy. Äni ce ma kärung käni aehae y käla ae-awi thui ö te lä: “Cangkhawng üng hai ma awng angci saite, vaihi awng saite hai vaimaw mang-a la awng jawjaw ea tyng hethang awng kha äte angxynlyng na sa haw saite Areng Säthaw lä, Käcai, Käcai, Käcai vi” näkha thui ö vi.

Lokphong 5:6

Tupyng-a Beram caw lä areng aety nae äsäla ung-a hing saite me bälitä hai mätawngky na ma säveng kha aedaw te tea kai lä nung vi dy. Äni lä löci aesa he ra saite beram kätyng awng vi dy. Beram caw lä täki säritä hai ämi säritä awng vi dy. Honi ämi na lä Muilaw Käcai üng cungrü saite säritä vi. Säthaw ma äni bung lä älawngpre qütä-a mätaw saite na vi dy.

Lokphong 8:2

Tupyng-a Säthaw üng maw-a aedaw saite Känipre angtawtha lawng säritä bung kai lä nung vi dy. Äni ce lä baw säritä dang ö vi dy.