Lokphong 1:18 - Caekäcai Kangthae (Lemi)

¹⁸ Kai lä Hing saite Kung vi. Kai lä dü pyng te ngaila, vaihi kai lä dungtäsa hing te vi. Dü saite hai Angqaw khaw pyng saite aenae lä kai tea awng te vi.

Asang Khongso New Testament

¹⁸ Kai loa kahing kami ah ka oh; ka duek, to-e vaihi loa dungzan hoi dungzan hanah ka hingh. Kai loa duekhaih hoi taqawk kho nuiah akaatawnkung ah ka oh.

Lokphong 1:18 ပူးပေါင်းရင်းမြစ်များ

Mathai 11:23

Kapernawm märü üng khimi na ä, nang ce tea Säthaw ma tengxyng y mäsang te käthi mei. Tukä sa y lyng. Nang ce bung ngärei thung-a käde vi ai. Makäte phüng-a mei nädylä nang ce üng märü-a kai sa pyng saite kamarae na Sodom märü üng khimi na nung dylä, honi märü lä vaihi khytä awng ai rawng.

Mathai 16:19

Kai lä nang tea Säthaw üng pyng te pre üng saw na py ai. Nang ma älawng qawng-a sa hethang py y saite na lä Säthaw üng Känipre-a la py y by vi ai. Nang ma älawng qawng-a khimi ce tea sa hethang py saite lä, Säthaw ma Känipre-a sa hethang py by ai” näkha näpa.

Luka 24:5

Tukha nawngmädi na lä ri phi pa te phüng-a älawng-a bü ö kae dy. Tukä ea la änini ma ätephüng-a nang ce lä khimi kädü thung-a khimi kanghing bung ha ö te vi mei.

Johan 11:25

Isu ma “Kai lä khimi ce bung hing hai kha mätha haile tyng saite Kung vi. Kai tea yng saite khimi na lä dü ngaila, hing haile tyng vi ai.

Johan 14:19

Qae y te kätü-a älawng üng khimi na lä, kai bung nung ö haw y dy. Tungaila nang ce lä nung ö vi ai rawng. Kai lä hing te phüng-a nang ce la hing ö by vi ai.

Pawlae ma Rom märü üng kangkawng tähang tärü saite cae 6:9

Säthaw ma Khrista bung dü saite thung üng mäning haile tyng kha äni lä manila dü haile tyng y vi ai. Kädü mi lä Äni tea bäja jawjaw y vi dy näte mä-ai lä mäny ö vi dy.

2 Korin 13:4

Khimi ce ma Areng bung thinglang qawng-a täheng te kätü-a, äni lä aethawdi te vi dy. Tungaila vaihi äni lä Säthaw üng haidae hai hing te vi. Kai ce la äni hai bungtä vi te phüng-a, aethawdi ö ngaila, Säthaw üng haidae hai-a Isu hai mangtä hing kha nang ce tähang kälu sa ö ai.

Galati 2:20

Kai lä Khrista hai mangtä thinglang qawng-a dü pyng te kätyng vi. Kai lä leithung jungtä üng kätyng hing te y vi dy. Vaihi Khrista lä kai üng bälung thung-a hing te vi. Vaihi hing te lä Säthaw üng Cäpaw tea ae-y kha hing te kae. Cäpaw lä kai bung bälung aevaw kha kai tähang äma üng hing saite py vi dy.

Kolosa 3:3

Äte makäte phüng-a mei nädylä nang ce lä dü ö pyng te vi dy. Vaihi nang ce üng hing saite lä Säthaw tea Khrista hai mangtä ho ea khai te vi.

Hebrai 1:3

Äcäpaw lä Säthaw üng phung-ang matangtä cangxei hethang hawi mei näte tea mätü kha äma khekhe lä Säthaw üng aeme aeqa saite hai aetawng khaw te vi. Hini älawng hai käni äte angxynlyng na tea lä äma üng haidae awng saite lo hai äma ce üng mityng-a awng jawjaw hethang sa te vi. Äni lä khimi ce üng hunghö na tea mäcai pyng ea Känipre-a awng saite phung-ang kälengky Säthaw üng bangtang mang-a aety vi dy.

Hebrai 12:2

Mä-ai lä Isu tea kheng khü jawjaw ö si. Äni lä mä-ai üng yng saite tea aetawng angcü hai kha cungrü-a sa pa saite Kung la vi. Äni lä thinglang qawng-a täheng saite üng saerae dang te tea khung vi dy. Ätephüng-a mei nädylä hokä äni sa te lä ämaw mang-a anghawtho ai näte tea Äni lä mäny te phüng-a vi dy. Vaihi äni lä Säthaw üng aety nae bangtang mang-a aety te vi.

Hebrai 7:16

Säthaw üng mäthykung lawngtä lä khimi ce üng reitae-a awng te kätyng y lyng. Äte makäte phüng-a mei nädylä äni lä Levi amäjy thung üng y te phüng-a vi. Tungaila bynglei y hing saite üng haidae hai-a mäthykung-a lawng te vi.

Hebrai 7:25

Tukätephüng-a Isu hai-a Säthaw tea ly saite khimi na bung lä dungtäsa cungrü-a aeqang haw bawi ö te vi. Ätephüng-a mei nädylä äni lä khimi ce bung aeqang he Säthaw tea aetang haw jawjaw hethang dungtäsa hing te vi dy.

Lokphong 10:6

Dungtäsatä awng jawjaw kha käni, älawng, pangle na hai äte angxynlyng na tea sa saite Säthaw üng ämüng hai-a Känipre angtawtha ma aenai kha thui vi dy. Äni ma, “Säthaw lä kätü tea mänawng hai y lyng.

Lokphong 15:7

Tupyng-a hing saite me bälitä thung üng metä ma dungtäsa hing jawjaw saite Säthaw üng kädaw kawipy saite sui kaephi säritä Känipre angtawtha lawng säritä tea py pa vi dy.

Lokphong 2:8

“Samurana märü kangkawng üng Känipre angtawtha tea hini kätyng cae tärü ba: “Hini lä kädü thung üng hing haile tyng kha Kangmangky hai Kangkhüngky-a awng saite Kung üng älo na vi.

Lokphong 20:13

Tupyng-a pangle käleng pui thung-a dü saite na lä Säthaw üng tärae cei saite thung-a ly ö vi dy. Dü saite hai Angqaw khaw üng awng saite khimi kädü na lä tyng by vi dy. Äni ce angxynlyng na tea lä äma ce sa saite kätyng-a Säthaw ma tärae cei pa ö vi dy.

Lokphong 20:14

Tupyng-a Säthaw lä dü saite hai Angqaw khaw bung lä mai tuilipui thung-a kädephae vi dy. Hini mai tuilipui lä äbaeni üng dü saite vi.

Lokphong 3:7

“Philadelphia kangkawng üng Känipre angtawtha tea hini kätyng cae tärü ba. “Hini lä käcai hai lo mitang-a awng saite Kung te üng älo na vi. Äni tea lä sanphrang Davidae üng aenae näsaite kätho saw awng vi. Honi saw hai pä-awng saite kätho tea lä, ämi ma la aekhae haw y. Aekhae saite kätho tea lä, ämi la pä-awng haw y lyng.

Lokphong 4:9

Honi hing saite na lä Areng aety nae qawng-a aety kha dungtäsa hing jawjaw saite Kung tea bälaw saite, tämö khai saite hai kawng saite lo thui ö vi dy.

Lokphong 5:14

Tudylä hing saite me bälitä na lä, “Amen” näkha mäthang ö vi dy. Tukha mätawngky na lä aebo kha Säthaw hai Beram caw tea cäphaw ö vi dy.

Lokphong 6:8

Tukha kai kheng ea lä cäphö kädapae saite metä bung kai lä nung vi dy. Honi qawng-a aedang saite kung üng ämüng lä Kädü khaw vi dy. Angqaw khaw lä äni leithung-a hui vi dy. Änini tea lä Säthaw ma älawng qawng üng phü bälitä-a phütä na tea bädü hethang aenae py pa vi dy. Honi lä täre aety saite, tähung täkang tho saite, anghawi kaelae tyng saite hai tawngbawi käpryng na hai-a bädü hethang aenae änini lä dang hawi vi dy.

Lokphong 9:1

Tupyng-a äbangaw üng Känipre angtawtha lä äma üng baw tea üng vi dy. Käni khösang üng älawng-a aeqa saite tengpaw haetä hai aetawng saite Känipre angtawtha bung kai lä nung vi. Honi angtawtha tea lä Angqaw khaw käthu üng kätho saw dang te vi dy.