Lokphong 1:16 - Caekäcai Kangthae (Lemi)

¹⁶ Äni lä äma üng äkö bangtang mang-a tengpaw säritä süng vi dy. Äni üng täbawng mang lä äbaw känetä cörü saite aekei sawngseng haetä tho vi. Äni üng mimai lä käni anghungtü üng taw te kaevang kätyng säde vi dy.

Asang Khongso New Testament

¹⁶ A bantang ban hoiah sakae sarihto a sinh moa pakhaa thung hoitoah a haa hnetto hnukhma kanoe maek songsen to tacawt. A mikhmai loa athun ih ni batiah aang.

Lokphong 1:16 ပူးပေါင်းရင်းမြစ်များ

Mathai 17:2

Äni ce üng maw-a Säthaw ma Isu üng ämaw äcae lä lang hai pa vi dy. Äni üng mimai la käni kätyng ang pa vi. Äni üng kä-o na lä kälung ping kha ang pa vi.

Angtawtha 26:13

Sanphrang ä, hokä ly te kätü, käni anghung-a, käni mang üng kaevang haetä lä kai hai mangtä ly saite äpy tea säveng lükü kha aevang pheng te kai lä nung vi dy. Honi kaevang lä käni qawng-a angky vi.

Ephesi 6:17

Säthaw üng aeqang saite lä reisae na üng süng lökhu kätyng vi. Honi tea lä aekhu ö ba. Säthaw üng losai lä Muilaw Käcai üng aekei sawngseng kätyng vi. Hini tea nang ce lä kähawi-a süng ö khü ba.

Hebrai 4:12

Säthaw üng lo lä hing kha haidae awng vi. Äbaw känetä awng saite aekei sawngseng qawng-a cöky vi. Säthaw üng lo lä khimi ce üng bälung hai Säthaw ma py saite kähing tea täphü haw te vi. Ähu äxingxü hai angxing na tea täphü haw te vi. Bälung kaedawng hai khimi üng aely kängai saite na tea la cei haw te vi.

Lokphong 1:20

Kai üng äkö bangtang-a nang nung saite tengpaw säritä na hai sui maibung kaesang säritä na üng ho saite äphüng lä hikä vi. Maibung kaesang säritä na lä kangkawng säritä na vi. Tengpaw säritä na lä kangkawng säritä na üng Känipre angtawtha na vi.

Lokphong 10:1

Tupyng-a aethaw awng bärai saite angtawtha kälang lawngtä Känipre mang üng cäqa käthu te kai lä nung vi. Äni lä khö angnüng bung kä-o kätyng aelawng kha älö-a lä kungbäje kätyng säveng pa vi dy. Äni üng mimai lä käni kätyng ang te vi. Äni üng äkho na lä mai ing aeling na kätyng vi dy.

Lokphong 12:1

Tupyng-a käni khösang-a lä cangxei saite käleng haetä tho vi dy. Käni tea kä-o kätyng aelawng saite nawngmädi lawngtä awng kha äni üng äkho täkui-a lä law awng te vi. Äni üng älö-a lä tengpaw hawlai netä awng saite areng lökhu tea aekhu pa vi dy.

Lokphong 19:15

Pre qütä üng khimi na tea bäja hethang äni üng täbawng mang aekei sawngseng käcörü haetä tho vi dy. Areng lä äni ce tea süng pawngpai hai pyng ai. Äni lä Cäpje tui aeti nae khaw-a Cäpje thai na tea aethaw hai aeti vi ai. Hini lä äte angxynlyng na sa haw saite Säthaw üng kädawtho phi saite phüng tea thui te vi.

Lokphong 19:21

Äni ce üng reisae na bung lä cäphö kanglung aedang saite Kung üng täbawng mang tho saite aekei sawngseng hai bädü pa ö vi dy. Tävaw angxynlyng na lä honi na üng ängang tea ca kha äjo kawi bawi ö vi dy.

Lokphong 2:1

“Ephesi märü kangkawng üng Känipre angtawtha tea hini kätyng cae tärü ba: “Hini lä sui maibung kaesang säritä säla-a aeke kha äma üng äkö bangtang-a tengpaw säritä süng saite Kung te üng älo na vi.

Lokphong 2:12

“Perkamon märü üng kangkawng üng Känipre angtawtha tea hini kätyng cae tärü ba: “Hini lä äbaw känetä cörü saite aekei sawngseng awng te Kung üng thui saite älo na vi.

Lokphong 2:16

Tukätephüng-a nang ce lä ae-ui ö lawi. Ae-ui te awng y dylä, qae y tea ma ly dawde kha honi sa tämang saite na tea lä kai täbawng üng aekei sawngseng hai kai ma aety ai.

Lokphong 3:1

“Sardis märü kangkawng üng Känipre angtawtha tea hini kätyng cae tärü ba: “Hini lä Säthaw üng Muilaw üng cungrü saite säritä tea pyng kha tengpaw säritä tea süng saite Kung üng älo na vi. Nang ce sa saite na tea kai lä mäny. Khimi ce ma nang ce lä hing vi näkha dawng ngaila, nang ce lä kai leithung hui ö y te phüng-a, khimi kädü na kae vi.