Johan 9:39 - Caekäcai Kangthae (Lemi)

³⁹ Tukha Isu ma “Kai lä älawng tea tärae cei hethang ly te dy. Ämi aevang saite na lä ämi bäjö kha ämi bäjö saite na lä ämi aevang vi ai” näkha näpa.

Asang Khongso New Testament

³⁹ Jesuh mah, “Hi long ah hae lokcaek hanah kangzoh; ato loa mikmaengnawk mah mik amtueng moa mik kamtuengnawk mah mikmaengh haih hanih ni,” tiah a naa.

Johan 9:39 ပူးပေါင်းရင်းမြစ်များ

Mathai 11:5

Ämi kangjö na ämi nung haw ö dy. Äkho kangbai na aeke haw ö dy. Ängang käsi mang saite na la hawi sa pa dy. Känaw pang saite na la thai haile tyng ö dy. Dü saite na lä aetha haile tyng ö dy. Mätang saite khimi na Angthang Kähawi thai ö by dy.

Mathai 15:14

Äni ce tähang bälungbi hang. Äni ce lä mikangjö na tea lolang mätü saite ämi kangjö hai aetawng vi. Mikangjö lawngtä ma äkälang mikangjö tea lolang mätü dylä, änini lawng netä lä angrawng thung-a aeqa hawi vi ai.”

Mathai 6:23

Tungaila nang ämi hawi y dylä, nang üng ätabung angxynlyng na lä käving thung-a awng kha Säthaw üng kängai mäny haw y dy.

Luka 1:79

Mesia lä hunghö käving thung-a awng saite khimi na hai, dü he ri saite khimi na tea kaevang py kha Säthaw üng Angthang kätüng thui pa ai. Äni lä mä-ai tea awngneng saite lolang thung-a ly hethang bähawi pa vi ai” näkha Zakhari lä thui pa.

Luka 13:30

Tängai ö. Angcü-a kälengky saite khimi na lä kangkhüng-a lä cäpiky-a awng ö vi ai. Vaihi cäpiky-a awng saite khimi na lä kangkhüng-a lä kälengky-a awng ö lae vi ai” näpa.

Luka 2:34

Tupyng-a Simon ma äni ce tea tähang kähawi py pa kha Isu üng nä-awi Maeri tea “Säthaw ma hini nade bung re kha äni phüng-a Isrelae khimi awng mang te na lä pra ai. Awng mang te na lä aeqang te dang ö ai. Äni lä Säthaw üng kamarae-a aelawng vi ai. Tungaila khimi ce lä äni tea e pa ö vi ai.

Luka 4:18

“Areng üng Muilaw Käcai lä kai hai mangtä awng dy. Khimi kangtang na tea Angthang Kähawi thui hethang Säthaw ma kai bung re te phüng-a vi. Thawng thung üng khimi ce tea bälawi vi ai näte phüng thui hethang, ämi kangjö na ämi nung haile hethang, Säthaw ma kai bung mätaw te vi. Sakälö khü pa saite khimi na aelawi hethang, Areng ma äma üng khimi ce bung qae y tea ma, aeqang ai dy näte thui pa hethang, Säthaw ma kai bung mätaw te vi dy” näkha phai pa.

Luka 7:21

Honi kätü khaw-a Isu lä känaw käsaw awng saite na hai, angra kung saite khimi na tea hawi sa pa te vi. Ämi kangjö na tea la nung hai pa dy.

Johan 12:31

Vaihi ma älawngpre üng khimi na tea tärae cei he kätü lä tyng te dy. Säthaw ma hini älawngpre tea pyng saite Setan angra bung lä mäthoja vi ai.

Johan 12:46

Kai tea yng saite angxynlyng na lä, käving thung-a awng y hethang kai lä kaevang-a aelawng kha älawng qawng-a cäqa te dy.

Johan 3:17

Säthaw lä khimi ce tea dengpy hethang Äcäpaw bung älawng qawng-a mätaw te y. Älawng üng khimi na bung Äcäpaw hai aeqang hethang tähang-a mätaw te kae vi.

Johan 3:19

Säthaw üng dengpy te lä hini dy. Kaevang lä älawngpre-a tyng ngaila khimi ce lä hunghö sa te phüng-a kaevang qawng käving tea bälung aevaw ö ky te vi.

Johan 8:12

Tukha Isu ma khimipui na tea “Kai lä älawngpre khimi ce üng kaevang vi. Kai leithung hui saite na lä manila käving thung-a ly y dy lyng. Äni ce lä kähing py saite kaevang dang ö vi ai” näkha näpa.

Johan 8:15

Nang ce lä khimi ce üng kaedawng hai-a tärae cei ö te kae vi. Kai lä ämi tea la tärae cei vai te y.

Johan 9:25

Äni ma “Kai lä äni hunghö sa mei näte mäny y. Tungaila kai haetä mäny te awng. Kai lä jangni-a ämi bäjö kha vaihi aevang te mäny kae” näpa.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

2 Korin 2:16

Tungaila Säthaw ma dengpy hethang awng saite khimi na tähang, mä-ai lä kädü üng tho saite ämui kärawng kätyng vi. Säthaw ma aeqang saite khimi na tähang, mä-ai lä hing saite üng ämui kähawi na vi. Tätang khaw-a thui hethang nädylä, ämi lawngtä la äma ma hai-a hini kälu tea lä sa haw y lyng.

Ephesi 5:14

Ätephüng-a mei nädylä, kaevang lä äte angxynlyng na tea täphawng king pa te vi. Tukätephüng-a khimi ce ma ae-awi hai thui ö te lä, “I saite ä, i aelaw lawi. Dü saite ä, aetha lawi. Khrista üng kaevang lä nang tea aevang vi ai” näkha nä vi.

2 Thesalon 2:10

Tukha äni lä käsi cawngkhang na hai pra saite lang-a awng te khimi na tea kaeling kaemae sa vi ai. Hini khimi ce lä Isu Khrista üng tüng saite lo Angthang tea tängai hethang ngai y te phüng-a, Säthaw lä äni ce bung aeqang haw pa ö y.

1 Piter 2:9

Tungaila nang ce lä Säthaw ma re saite khimi na, Sanphrang üng mäthykung na, cai saite khimi na hai, Säthaw hai aesui saite khimi na vi. Äni ma nang ce bung lä käving thung üng käthoja kha äma üng cangxei saite kaevang thung-a khai vi dy. Tukätephüng-a nang ce lä Säthaw üng cangxei saite kälu phüng tea thui haw ö te vi.

1 Johan 2:11

Tungaila khimi lawngtä lä rawijae tea esäre dylä, käving thung-a awng te kae vi rawng. Äni lä käving thung-a aeke kha mamang-a ly te mei näte mäny y vi. Ätephüng-a mei nädylä käving lä äni tea ämi kangjö kätyng lawng hai pa te phüng-a vi.