Johan 8:37 - Caekäcai Kangthae (Lemi)

³⁷ Nang ce lä Abraham üng kaesui na näte kai lä mäny. Tungaila nang ce lä Kai üng älo thui saite tea tängai y te phüng-a, Kai bung bädü he ngai ö te vi.

Asang Khongso New Testament

³⁷ Nangcae loa Abraham ih cadii ni tito kang panoek o. To-e kang patuk ih to talawk han na koeh o ai pongah kai hae hum hanah nang patoem o.

Johan 8:37 ပူးပေါင်းရင်းမြစ်များ

Mathai 13:15

Ätephüng-a mei nädylä hini khimi ce üng bälung lä tangkö ö te vi. Äni ce lä känawkhing pang ö te vi. Äni ce üng ämi lä bäjö ö te phüng-a vi. Tukä y dylä, äni ce lä känawkhing hai thai ö ai. Äni ce üng ämi hai nung haw kha bälung hai la mäny va haw ö vi ai. Äni ce lä hini kätyng awng kha kai tea aekö haile dylä, äni ce üng känaw käsaw hawi sa ö vi ai.’

Mathai 3:9

Nang ce lä ‘Kai ce Abraham hai kaesui na kae vi’ näkha thui ö vi. Honi kä thui te hai lä Säthaw ma dengpy te üng aelawi haw y lyng. Säthaw lä hini kälung na tea mäteng ma Abraham kaesui kaebeng-a bälawng haw te vi.

Johan 10:31

Tukha Judae khimi na ma Isu tea käde hethang kälung aekhü haile ö dy.

Johan 11:53

Honi käni üng hai aetawng kha äni ce lä Isu bung bädü hethang aeceng ö pa vi dy.

Johan 5:44

Nang ce lä lawngtä hai lawngtä tea aebälaw hethang ngai ö te kae vi. Tungaila lawngtä xyng awng te Säthaw üng bälaw te dang hethang lä aethaw aesa ö y. Tudylä nang ce lä ätemakä sa kha kai tea yng haw ö ai mei.

Johan 7:1

Tupyng-a Isu lä Kalile khö-a khölawng tho dy. Judae mätawngky na lä äni bung bädü hethang aeceng ö pa te phüng-a Judae khö-a khölawng tho hethang ngai pa y.

Johan 7:19

Mosi ma nang ce tähang Ubädi py pyng te vi dy. Tungaila nang ce thung üng ämi lawngtä la honi Ubädi bäjui ö te y. Nang ce lä ätephüng-a kai bung bädü hethang aethawsa ö te vi mei” näkha näpa.

Johan 7:25

Jerusalem märü üng khimi phütä na ma “Isu bung Judae mätawngky na ma bädü hethang aethawsa te y mei.

Johan 8:33

Äni ce ma “Kai ce lä Abraham üng kaesui na vi. Manila ämi üng mawsawng tangnae sa kha awng vai ö te y. Nang lä ätephüng-a ‘Kai ce tea aelawi ö vi ai mang’ näte vi mei” näkha düng pa ö dy.

Johan 8:43

Ätephüng-a Kai thui saite lo nang ce lä thaikaw ö y te vi mei. Kai thui saite älo nang ce lä thai he ngai y te phüng-a vi.

Johan 8:56

Nang ce üng pä-ai Abraham lä Kai tyng te käni nung ai näte phüng aedawng kha kawngphi te vi. Kai tyng saite käni tea äni lä nung khe kha kawngphi te vi” näkha näpa.

Johan 8:59

Honi kätü-a äni ce lä Isu tea käthu hethang kälung na aekhü ö pa vi dy. Tungaila Isu lä kangru-a aeho kha Säthaw üng Ingkäcai thung üng thoja pa vi dy.

Johan 8:6

Äni ce lä Isu tea käsi nung hethang ngai te phüng-a hini kätyng düng pa lükae te vi. Tukha Isu lä bü ea älawng qawng-a äköbäjung hai cae tärü kha awng pa dy.

Angtawtha 13:26

“Isrelae kangby jä-ai na ä, Abraham üng kaesui hai Säthaw tea yng saite ceng kälang khimi na ä, Säthaw lä khimi bung makä sa kha aeqang mei näte angthang mä-ai tea mäny hai te vi dy.

Pawlae ma Rom märü üng kangkawng tähang tärü saite cae 9:7

Hini kätyng Abraham üng kaesui kaebeng angxynlyng na la Säthaw üng caw nade na y lyng. Säthaw lä Abraham tea, “Nang üng cäpaw Isaika hai-a nang lä kaesui kaebeng tätang na dang ai” näkha näpa.

1 Korin 2:14

Muilaw Käcai awng y saite khimi lä Säthaw üng Muilaw ma mä-ai tea mätu saite na tea yng hethang ngai te y vi. Hini mätu saite na lä kangthö lo na vi näkha äni lä dawng kha thaikaw haw y. Ätephüng-a mei nädylä Muilaw Käcai awng saite khimi qaitä ni Muilaw Käcai ma thui hai hethang ngai saite lo tea thaikaw haw te vi.

1 Johan 2:14

Kai üng caw nade na ä, nang ce lä mä-ai üng Pä-ai Säthaw tea mäny ö te phüng-a, nang ce tea kai lä cae tärü te vi. Pä-ai na ä, angcü üng awng saite Areng bung mäny ö te phüng-a nang ce tea kai lä cae tärü te vi. Anghyngli na ä, nang ce lä aethaw awng kha Säthaw üng lo lä nang ce üng bälung thung-a awng ea Setan angra tea bäja ö te phüng-a kai lä cae tärü te vi.