Johan 7:28 - Caekäcai Kangthae (Lemi)

²⁸ Isu lä Säthaw üng Ingkäcai-a älo angtu thui kha awng ea “Nang ce lä Kai bung mäny ö te vi. Kai mani mang üng ly te mei näte la nang ce mäny ö te vi. Tungaila Kai lä Kai ma üng aenae hai-a ly te y. Kai bung mätaw saite Kung lä mitang khü vi. Äni bung lä nang ce mäny ö y lyng.

Asang Khongso New Testament

²⁸ Jesuh mah Tempal ah patuk na-ah khoeh puiah hoiah, “Kai hae na panoek o tangtang maw? Naabanghoiah maw kangzoh tihae na panoek o tangtang maw? Kaimah ih akaatawnhhaih hoiah kangzo ai. To-e matoehkung loa loktang tang ni. Nangcae mah anih to na panoek o ai.

Johan 7:28 ပူးပေါင်းရင်းမြစ်များ

Mathai 11:27

“Kai pä-ai ma kai tea haidae hai bälungkähae py king vi dy. Ämi lawngtä lä Säthaw üng cäpaw näte mäny y. Pä-ai lawngtä xyng ni mäny te kae vi. Äpä-ai näte ämi lä mäny y. Kai, Äni üng Cäpaw, ma mäny hai he ngai saite khimi phütä na lä Ä-ai tea mäny ö dy.

Mathai 2:23

Tukha Josefae lä Isu ni änä-awi Maeri hai mangtä Nazare näsaite märü-a awng dy. Areng ma buisaw hai-a thui saite lo cungrü hai hethang hini kätyng vi. Buisaw ma “Khimi ce lä Isu tea Nazare khimi” näkha näpa.

Mathai 26:55

Isu ma khimipui na tea “Damarae bung ne te kätyng aetu aekei, thingbyng süng kha kai bung ne hethang ngai ö te ae. Kai lä käni qütä Säthaw üng Ingkäcai baesung thung-a aety kha Säthaw lo mätu te be. Hokä ea nang ce lä kai bung ne ö y.

Luka 10:22

“Kai Pä-ai ma kai tea haidae hai bälungkähae py king vi dy. Säthaw üng Cäpaw näte ämi la mäny y. Pä-ai lawngtä xyng ni mäny te kae vi. Kai üng Pä-ai tea ämi la mäny y. Kai, äni üng Cäpaw ma qaitä mäny te kae. Kai, äni üng Cäpaw, ma mäny hai he ngai saite khimi phütä na lä Üngai tea mäny ö dy” näpa.

Luka 2:11

Vaidüng ma hini sanphrang Davidae üng märü-a Aeqangkung lä nang ce tähang aepeng pa dy. Äni lä Khrista vi. Areng la vi.

Luka 2:39

Josefae hai Maeri ni lä Säthaw üng Ubädi kätyng sa khüng bawi te kätü-a lä Isu hai äma ce awng saite Kalile khö üng Nazare märü-a vawi ö vi dy.

Luka 2:4

Tukätephüng-a Josefae lä Kalile khö Nazare märü üng hai tho kha Judae khö Davidae üng märü Bethlehem-a ly te by vi. Äni lä sanphrang Davidae ceng kaesui te phüng-a vi.

Luka 2:51

Tupyng-a lä Isu lä änini hai mangtä Nazare märü-a vawi pa by dy. Tukha Isu lä änini üng älo na kähawi-a tängai pa te vi. Änä-awi lä hini angxynlyng na phüng äma üng bälung thung-a sämai khi pa vi dy.

Johan 1:46

Nathanela ma “Nazare märü üng ätete kähawi tho haw ai ae” näkha düng pa. Philip ma “Ly kha kheng by” näpa.

Johan 10:36

“Üngai ma Kai bung re kha älawngpre-a mätaw te vi. Tudylä kai lä Säthaw üng Cäpaw näkha thui te phüng-a, Kai lä Säthaw müng aengang te näkha nang ce lä ätephüng-a käsi prawng ö te mei.

Johan 12:49

Ätephüng-a mei nädylä kai lä kai ma üng aenae hai thui te y. Kai bung mätaw saite Pä-ai ma ätemakä angtu thui ai mei näte kai tea thui te vi.

Johan 14:10

Kai lä Pä-ai tea awng kha Pä-ai la kai tea awng näte nang lä yng y mei. Nang ce tea kai thui te lä, kai ma üng lo y. Kai sa te na la kai tea awng saite Pä-ai lä äma üng kälu sa hai te vi.

Johan 14:31

Kai lä Pä-ai tea bälung aevaw näte älawngpre üng khimi na ma mäny hethang aely ngai. Tukätephüng-a Pä-ai ma kai tea thui te kätyng, Kai lä angxynlyng na sa khaw te kae. “Hini mityng üng aetha kha ly ö si dy” näkha näpa.

Johan 16:3

Khimi ce lä Pä-ai hai Kai ni bung mäny ö y te phüng-a, hini kätyng nang ce tea sa ö vi ai.

Johan 17:25

Käcüng saite Pä-ai ä, Nang bung älawngpre üng khimi na ma mäny ö y. Tungaila Kai lä Nang bung mäny vi. Hini äkähui na lä Kai bung Pä-ai, Nang, ma mätaw näte mäny ö by dy.

Johan 17:3

Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

Johan 3:2

Äni la düngtä-a Isu tea ly kha “Särae ä, nang lä Säthaw ma mätaw saite särae lawngtä vi näte kai ce lä mäny dy. Säthaw lä khimi lawngtä hai mangtä awng y dylä, nang kätyng-a ämi la cangxei saite sa haw y lyng” näkha näpa.

Johan 3:33

Tungaila äni üng angthang yng saite khimi na ma lä ‘Säthaw lä mitang khü vi’ näkha thui te vi.

Johan 5:32

Tungaila kai üng phüng äte te lo thui saite lawngtä awng. Äni üng ätete lo lä tüngkhaw vi näte kai lä mäny te vi.

Johan 5:43

Kai lä Pä-ai üng ämüng hai tyng ea la nang ce lä kai bung mäkung ö y vi. Khimi kälang ma äma üng ämüng hai ly dylä nang ce lä mäkung ö vi ai.

Johan 6:42

Äni ce ma “Hini lä Josefae üng cäpaw Isu y mei. Äni üng änä-awi ni äpä-ai bung lä mä-ai mäny saite y vi mei. Ätephüng-a ‘Kai lä Känipre üng cäqa te’ näkha thui vi mei” näkha thui pa ö dy.

Johan 7:14

Pawi käni kaehütä tyng ea Isu lä Säthaw üng Ingkäcai-a ly kha älo angtu thui pa dy.

Johan 8:14

Isu ma “Kai lä Kai ma üng phüng thui te vi. Tungaila Kai üng thui te lo yng hethang kae. Ätephüng-a mei nädylä Kai lä mani mityng üng ly te mei, mani mityng-a vawi ai mei näte mäny te vi. Tungaila nang ce lä Kai mani mityng üng ly te mei, mani mityng-a vawi ai mei näte mäny ö te y.

Johan 8:16

Tungaila Kai tärae cei si nädylä Kai üng sa te lä tüng khaw vi. Ätephüng-a mei nädylä kai lä kai ma qaitä y. Kai bung mätaw saite Pä-ai hai mangtä awng te phüng-a vi.

Johan 8:19

Äni ce ma “Nang üng Pä-ai lä ma-a awng te vi nang mei” näkha düng pa. Isu ma lä “Kai hai Kai üng Pä-ai bung nang ce lä mäny ö te y. Nang ce lä Kai bung mäny dylä Pä-ai bung la mäny ö vi ai” näpa.

Johan 8:26

Nang ce üng phüng kai lä thui hethang hai nang ce tea tärae cei hethang awng mang te vi. Kai bung mätaw saite Kung lä mitang khü vi. Äni te üng thai saite älo ni Kai lä älawng khimi ce tea thui te kae vi” näkha näpa.

Johan 8:42

Isu ma “Säthaw lä nang ce üng Pä-ai vi dylä nang ce lä Kai tea bälung aevaw ö vi ai. Kai lä Säthaw te mang üng ly kha vaihi hi-a awng te kae be. Kai ma üng aely ngai te kätyng-a ly te y lyng. Säthaw ma Kai bung mätaw te kae vi.

Johan 9:29

Kai ce lä Säthaw ma Mosi tea älo aepe te mäny vi. Tungaila hini khimi lä mani mityng üng ly te mei näte mäteng ma kai ce mäny y” näpa.

Angtawtha 17:23

Kai lä nang ce üng märü-a aeke prei kha angra na tea cäphaw saite mityng na kheng te kätü-a, ‘Mäny y saite angra tähang’ näkha cae tärü saite maicang haetä tea nung te vi. Hikä nang ce mäny y käla, cäphaw saite phüng tea vaihi kai lä thui hethang ngai.

Pawlae ma Rom märü üng kangkawng tähang tärü saite cae 1:28

Hini khimi ce lä äma ce üng bälung thung-a, Säthaw üng phüng mänykaw saite tea aedawng haile he ngai ö te y vi. Tukätephüng-a Säthaw lä äni ce sa hethang kae y saite na sa hai he äni ce üng aetütü te bälung kaedawng na a pa vi dy.

Pawlae ma Rom märü üng kangkawng tähang tärü saite cae 3:4

Hokä y lyng. Khimi qütä lä kaeling kaemae sa ngaila Säthaw lä mitang khaw te lo thui jawjaw vi. Caekäcai thung-a lä, “Nang üng thui saite kätü-a, tüngkhaw saite lo thui te tea khimi qütä ma nung vi ai. Khimi ce ma nang tea cy te kätü-a, nang lä bäja jawjaw vi ai” näkha thui vi.

2 Korin 1:18

Säthaw lä älo mitang aepe te kätyng kai lä nang ce tea älo aedo te kätü-a, “Älawng vi” “Älawng y vi” näkha qengtä kätü-a ma thui te y.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

Titas 1:2

Tukätephüng-a äni ce lä dungtäsa hing saite tea aethang khai ö khü te vi. Ätephüng-a mei nädylä Säthaw ma älawng sa y te kälang-a äma üng khimi na lä dungtäsa hing ö ai näkha älo aedo pyng te vi dy. Äni lä manila älo bälai te awng vai y.

Hebrai 6:18

Säthaw lä äma üng älo aedo saite kätü-a täking saite lo la thui pa te vi dy. Honi känetä lä mäqa haw y saite na vi. Säthaw lä kaeling kaemae sa haw y te phüng-a, mä-ai lä Säthaw tea bälung ae-y khü ö te vi. Säthaw ma mä-ai bung aedung hai hethang äni tea aehui ö te vi. Säthaw ma py te aethang khai saite tea mä-ai lä kähawi-a süng khü hethang aethaw dang ö te vi.

1 Johan 5:10

Säthaw üng Cäpaw tea yng saite khimi lawngtä lä honi angthang tea tätang khaw vi näkha äma üng bälung thung-a mäny te vi. Tungaila Säthaw tea yng y saite khimi lä Säthaw ma kaeling kaemae sa te kae näkha thui te vi. Ätephüng-a mei nädylä Säthaw lä äma üng Cäpaw phüng thui te tea äni lä yng y.