Johan 6:68 - Caekäcai Kangthae (Lemi)

⁶⁸ Simon Peterae ma “Areng ä, kai ce lä ämi tea ly ö ai mei. Dungtäsatä kähing py saite älo lä nang tea ni awng te kae be.

Asang Khongso New Testament

⁶⁸ Simon Piter mah, “Angraeng, ami khaeah to maw ka caeh o tih loa? Nang ni loa dungzan hinghaih ka paek lok to na tawnh.

Johan 6:68 ပူးပေါင်းရင်းမြစ်များ

Mathai 16:16

Simon Peterae ma “Nang lä Hing saite Säthaw üng Cäpaw Mesia vi” näkha mäthang pa dy.

Marka 8:29

Isu ma äni ce tea “Tudylä nang ce lä makä dawng ö a. Nang ce lä kai tea ämi näkha nä ö mei” näkha düng pa. Peterae ma “Nang lä Mesia vi” näkha mäthang pa dy.

Luka 9:20

Tupyng-a Isu ma “Tudylä nang ce lä kai tea ämi näkha nä ö mei” näpa. Tukha Peterae ma “Nang lä Säthaw mätaw saite Mesia vi” näpa.

Johan 12:49

Ätephüng-a mei nädylä kai lä kai ma üng aenae hai thui te y. Kai bung mätaw saite Pä-ai ma ätemakä angtu thui ai mei näte kai tea thui te vi.

Johan 12:50

Pä-ai üng hini älosai phüng-a, khimi ce lä dungtäsa hing saite dang vi. Tukha kai thui saite lo lä, Pä-ai ma thui hai te vi” näkha ätüng käleng hai thui pa dy.

Johan 17:8

Kai tea Nang ma thui saite angthang Kai lä äni ce tea thui pa kha äni ce lä tängai ö dy. Kai lä Nang ma te üng ly te mäny khü kha Pä-ai, Nang, ma Kai bung mätaw näte äni ce lä yng ö dy.

Johan 5:24

“Tängai ö, nang ce tea kai ma thui saite lo thai kha kai bung mätaw saite Kung tea yng te khimi ce lä dungtäsa hing te dang vi. Säthaw ma äni tea dengpy y käla ma kädü thung üng hing te mang-a aekae hai pa vi dy.

Johan 6:40

Äcäpaw bung nung kha yng saite khimi angxynlyng na lä dungtäsa hing te dang hethang Pä-ai lä ngai te vi. Kai ma äni ce bung kangkhüng üng käni-a lä aetha ö hai tyng pa vi ai” näkha näpa.

Johan 6:63

Säthaw üng Muilaw lä kähing py te vi. Khimi ce üng aethaw hai äte haetä la sa haw y. Kai thui te lo hai-a nang ce lä Säthaw üng Muilaw dang te vi. Honi Muilaw ma nang ce tea hing te py te vi.

Angtawtha 13:26

“Isrelae kangby jä-ai na ä, Abraham üng kaesui hai Säthaw tea yng saite ceng kälang khimi na ä, Säthaw lä khimi bung makä sa kha aeqang mei näte angthang mä-ai tea mäny hai te vi dy.

Angtawtha 4:12

Honi Isu ma qaitä ni khimi ce bung aeqang haw te kae. Älawng qawng-a awng saite khimi na tähang Säthaw lä Isu lawngtä xyng bung mätaw te vi” näkha Peterae ma thui pa.

Angtawtha 5:20

“Nang ce lä ly kha Säthaw üng Ingkäcai baesung thung-a dungtäsa hing saite phüng khimi ce tea thui pa ö lawi” näpa.

Angtawtha 7:38

Daithung kärang-a, aekäcö saite Isrelae khimi na hai Mosi lä mangtä awng te vi. Sinai me anghung-a, Säthaw üng angtawtha ma, Mosi te mang hai-a, mä-ai üng kangsi na tea älo aepe te vi. Säthaw ma mä-ai tähang älo kanghing lä Mosi tea py pa.

Angtawtha 8:37

Philip ma “Nang ma Areng Isu tea bälung mitang hai yng khü dylä, kai ma baptismae nang tea py ai mang” näpa. Mätawngky ma “Areng Isu lä Säthaw üng Cäpaw näte kai lä yng vi” näkha mäthang pa dy.