Johan 6:37 - Caekäcai Kangthae (Lemi)

³⁷ “Ä-ai ma kai tähang py saite khimi angxynlyng na lä kai tea ly ö vi ai. Kai tea ly saite khimi na bung lä kai ma mäkung jawjaw ai.

Asang Khongso New Testament

³⁷ Pa mah ang paek ih kami boih loa kai khaeah angzo o ueloa ami doeh kai khaeah kangzo boih loa ka haek mak ai.

Johan 6:37 ပူးပေါင်းရင်းမြစ်များ

Mathai 11:28

“Kälu sa qyng kha mäsae saite na kai tea ly ö. Nang ce aehae hethang kai ma säbawng ai.

Mathai 24:24

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä, Säthaw ma re saite khimi na tea mäteng ma yng te tämang rung khytä sa vi ai.

Johan 17:11

Kai lä Nang tea vaihi vawi haile tyng vi ai. Älawngpre-a awng y dy. Tungaila äni ce lä älawngpre-a awng vi ai rawng. Caiping saite Pä-ai, Nang, üng ämüng haidae hai äni ce bung aekung hai te vi. Nang hai Kai bungtä awng te kätyng, äma ce tingtawi bungtä awng hethang Nang ma Kai tea hini ämüng py vi dy.

Johan 17:2

Pä-ai ma Kai, Äcäpaw, tea a saite khimi na tea dungtäsa hing te py hethang tähang-a, khimi angxynlyng na tea pyng saite aenae lä Kai tea py vi dy.

Johan 17:24

“Pä-ai ä, nang ma py saite hini khimi ce bung Kai awng saite mityng-a, mangtä awng hai hethang Kai lä ngai te vi. Älawngpre awng y te kälang üng hai, nang ma Kai tea bälung aevaw te phüng-a, Kai tea py saite phung-ang lä äkähui na tea nung hai hethang ngai te vi.

Johan 17:6

“Pä-ai ma hini älawng üng Kai tea py saite khimi na bung Pä-ai tea mäny hai te vi dy. Hini khimi ce lä Nang hai aesui kha Nang lä äni ce bung Kai tea a pyng te vi dy. Äni ce lä Nang üng älo tängai jawjaw ö dy.

Johan 6:39

Kai bung mätaw saite Kung üng kängai lä äni ma kai tea py saite khimi lawngtä bung la hai y vi ai. Kangkhüng käni-a kai ma hing haile tyng bawi vi ai.

Johan 6:65

Isu ma “Pä-ai ma üng aely kängai hai y dylä ämi lä kai tea tyng haw y” näkha kai thui vai te vi.

Johan 9:34

Äni ce ma “Nang lä aepeng te üng hai hunghö awng saite khimi kae. Kai ce tea ätemakä angtu thui vawng mei” näkha ämi bäjö vai saite bung lä Judae na üng ingkäcai thung üng mäthoja pa dy.

Pawlae ma Rom märü üng kangkawng tähang tärü saite cae 5:20

Khimi ce lä äma ce üng hunghö sa saite na tengxyng y nung rae haw hethang Säthaw lä Mosi hai-a Ubädi py pa te vi. Tungaila hunghö sa te nyng saite kätü-a lä Säthaw üng tähang kähawi lä awng mang rae te vi.

Filipi 1:29

Nang ce lä Khrista tea yng te cang y äni tähang mätang hethang Säthaw ma khai te vi.

1 Timote 1:16

Tungaila Säthaw lä kai hunghö sa saite na thung üng käsiky tea bäheng phi te vi. Ätephüng-a mei nädylä Isu Khrista üng änawng saky saite phüng lä kai te mang hai-a khimi ce tea mätü hethang ngai hai te vi. Tukha äni tea yng saite khimi na lä äma ce tea hini kätyng änawngsa ai näte tea mäny hethang ngai hai te vi. Ätephüng-a mei nädylä Säthaw ma khimi ce tea lä dungtäsa hing saite dang hethang ngai hai te vi.

2 Timote 2:19

Tungaila Säthaw tea yng khü te khimi na üng yng saite lä ingkäleng haetä üng aenyng nae ca te kätyng cakhi te vi. Säthaw üng tärü saite na lä “Areng lä äma tea yng saite khimi na bung mäny vi” näte hai “Khimi lawngtä ma kai lä Areng leithung hui te vi näkha thui dylä, käsi sa saite tea khaisö hethang kae te vi” näte awng vi.

Hebrai 4:15

Mä-ai üng Mäthykung Kälengky lä mä-ai üng aethaw awng saite tea mäny kha bäheng te vi. Setan lä mä-ai tea hunghö sa hai hethang the te kätyng äni tea la älang qütä the te by vi. Tungaila äni lä hunghö awng te y.

Hebrai 7:25

Tukätephüng-a Isu hai-a Säthaw tea ly saite khimi na bung lä dungtäsa cungrü-a aeqang haw bawi ö te vi. Ätephüng-a mei nädylä äni lä khimi ce bung aeqang he Säthaw tea aetang haw jawjaw hethang dungtäsa hing te vi dy.

1 Johan 2:19

Hini khimi na lä mä-ai thung üng thoja ö te vi. Tätang khaw-a nädylä äni ce lä mä-ai hai aesui ö te y lyng. Äni ce mä-ai hai aesui dylä, mä-ai hai mangtä awng jawjaw ö vi ai. Tungaila mä-ai thung üng tho kha ly ja vi dylä, mä-ai hai aesui te y näte tea mätü ö te vi dy.

Lokphong 22:17

Muilaw Käcai hai aepawng saite nawngmädi anglaw ma, “Ly lawi” näkha thui vi. Hini tea thai saite angxynlyng na ma la, “ly lawi” näkha thui ö vi. Tui aehe saite khimi lä ly lawi sy. Kähing py saite tui tea ngai te khimi lä äjawng-a nei mai sy.