Johan 5:39 - Caekäcai Kangthae (Lemi)

³⁹ Caekäcai phai dylä dungtäsa hing te dang ai müng näkha aedawng te hai Caekäcai tea phai kha dawng mäsüng khü ö te vi. Honi Caekäcai lä Kai üng phüng tea thui saite lo kae vi.

Asang Khongso New Testament

³⁹ Cabu Kacai thungah hoihdak ta-ah na pakrong o bit ah, kawmawtiah Cabu Kacai thungah dungzan hinghaih to ka hnuh o tih, tiah na dawn o. Cabu Kacai mah a thuih ih boiboih loa kai ih kawng hae ni.

Johan 5:39 ပူးပေါင်းရင်းမြစ်များ

Mathai 22:29

Isu ma äni ce tea “Nang ce lä Caekäcai tea mäny ö y. Säthaw üng haidae phüng la mäny ö y. Tukätephüng-a nang ce lä dawng tämang ö te dy.

Marka 10:3

Isu ma äni ce tea “Mosi üng Ubädi thung-a nawngpui nawngpaw aekhai te phüng makä tärü mei” näkha näpa.

Marka 12:10

Caekäcai thung-a tärü saite lä, ‘Ing sa saite khimi na ma khaisö saite kälung lä aely kälengky saite kälung-a aelawng vi.

Luka 16:29

“Abraham ma ‘Nang üng kangby na tea canglailing kha awng hethang Mosi üng Ubädi hai buisaw na üng thui saite lo na awng pyng te vi dy. Honi lo na tängai ö kae sy’ näpa.

Luka 16:31

Abraham ma äni tea ‘Mosi üng Ubädi hai buisaw na ma thui saite älo tea äni ce tängai y dylä kädü thung üng khimi lawng lawngtä aetha tyng kha thui ea la äni ce yng ö y lyng’” näpa näkha thui pa.

Luka 24:25

Tupyng-a Isu ma änini tea “Nang ni lä äte la dawng kaw hawi y te vi. Säthaw üng buisaw na lo tea yng hethang nang ni lä rae bärai hawi te vi.

Luka 24:27

Tukha Isu lä Mosi hai buisaw angxynlyng na ma äma phüng Caekäcai-a thui saite lo na hai aetawng kha änini tea thui mäcai pa dy.

Luka 24:44

Tupyng-a Isu ma äni ce tea “Kai lä nang ce hai mangtä awng te thüng-a thui saite lä ‘Mosi üng Ubädi hai buisaw lo na mang hai Sam cae-u mang hai kai üng phüng tärü saite angxynlyng na lä cung hai bawi he kae’ näte hini lo na lä vaini ma cung bawi te vi dy” näpa.

Johan 1:45

Philip la Nathanela hai aeting ea “Mosi üng Ubädi cae-u thung-a hai buisaw na ma la tärü kha thui rüng saite lawngtä bung kai ce lä aeting vi dy. Äni lä Nazare märü üng ly saite Josefae üng cäpaw Isu vi” näpa.

Johan 5:32

Tungaila kai üng phüng äte te lo thui saite lawngtä awng. Äni üng ätete lo lä tüngkhaw vi näte kai lä mäny te vi.

Johan 5:36

Baptismae Johan üng ätete lo thui te qawng-a lengky saite ätete lo lä kai tea awng. Honi na khüng hai hethang Pä-ai ma kai kö thung-a a saite kälu vi. Kai vaihi sa saite kälu lä kai bung Pä-ai ma mätaw kha mätü te vi dy.

Johan 5:40

Tungaila nang ce lä hing te dang hethang tähang-a kai tea ly he ngai ö y.

Johan 5:46

Mosi lä kai üng phüng tärü te khimi vi. Mosi tea nang ce yng tätang dylä kai tea la yng tätang ö by vi ai.

Johan 7:52

Äni ce ma “Nang lä Kalile khimi by vi nang mei. Caekäcai thung-a kheng kae-e. Kalile khö üng buisaw lawngtä la tho y näte nang mäny vai mei” näpa.

Angtawtha 13:27

Jerusalem märü üng khimi na hai äni ce üng mätawngky na ma Isu lä Aeqangkung näte mäny ö pa y vi. Aehae te Käni qütä äma ce phai saite buisaw na üng cae, älo la mäny ö va y vi. Tungaila äni ce lä Isu bung bädü te hai-a buisaw na üng lo tüngkhaw te vi dy.

Angtawtha 17:11

Beri märü üng khimi na lä, Thesalonika märü üng khimi na qawng-a, bälunghaeky ö vi. Tukha Beri märü üng khimi na lä Pawlae thui saite Angthang Kähawi tea kähawi-a tängai ö te vi. Äni ce lä Pawlae thui saite lo kätyng tüng mei, tüng y mei näte mäny haw hethang Caekäcai tea käni qütä phai ö vi.

Angtawtha 26:27

Akripa Sanphrang ä, nang lä buisaw na üng älo yng cäkae mei. Nang yng te phüng kai lä mäny te vi” näkha näpa.

Pawlae ma Rom märü üng kangkawng tähang tärü saite cae 1:2

Jangni üng hai ma Säthaw lä äma üng buisaw na te mang hai-a Angthang Kähawi tähang älo aedo te vi. Buisaw na lä hini älo aedo saite tea Caekäcai thung-a tärü ea khai vi dy.

Pawlae ma Rom märü üng kangkawng tähang tärü saite cae 3:2

Judae khimi lawng te lä ävang käting awng mang vi. Angcüky-a Säthaw lä Judae khimi na tea äma üng angthang py te vi.

Kolosa 3:16

Khrista üng lo angthang tea kätü qütä aedawng ö ba. Nang ce lä lawngtä tea lawngtä Khrista üng Angthang aemätu kha bälunghae saite angxynlyng na hai aemäcü ö. Nang ce üng bälung mäke angxynlyng na hai Säthaw tea Sam ae-awi na, Säthaw tea bälaw saite ae-awi na, Säthaw üng Angthang hai ae-awi na thui kha kawng ö lawi.

Hebrai 11:16

Tungaila äni ce lä hini qawng-a hawi saite pre tea aethang khai ö te vi. Honi pre lä Känipre-a qaitä awng te kae vi. Tukätephüng-a äni ce lä Säthaw tea äma ce üng Säthaw näkha ka ö te phüng-a Säthaw lä aejae te y. Säthaw lä äni ce tähang märü sa kha khai rüng te vi dy.

Hebrai 11:35

Nawngmädi na lä yng saite phüng-a, kädü thung üng hing haile tyng saite äma ce üng engthung dü saite na tea dang haile tyng ö vi dy. Khimi phütä na lä sakälö khü kha bädü he ngai saite na äkö thung üng lawi hai hethang ngai ö y. Äni ce lä hini kähing qawng-a hawiky saite kähing tea dang hethang dü ö vi dy.

Lokphong 19:10

Kai lä äni tea cäphaw hethang äni üng maw-a aebo vi dy. Tungaila äni ma, “Tukä lä sa hang. Kai lä nang ce hai yng saite kälang na kätyng mawsawng lawngtä by vi. Äni ce lä Isu üng täphawng saite lo mitang tea hui saite na kae vi. Säthaw tea phai cäphaw kae. “Isu Khrista üng täphawng saite lo mitang lä buisaw na tea thui hai pa te vi” näkha thui vi dy.