Johan 5:37 - Caekäcai Kangthae (Lemi)

^37-38 Kai bung mätaw saite Pä-ai ma lä kai üng phüng thui te vi. Nang ce lä Pä-ai üng ätüng qengtä la thai vai te y vi. Ämaw äcae la nung ö vai te y. Nang ce üng bälung thung-a Säthaw üng älo awng y. Ätephüng-a mei nädylä nang ce üng Pä-ai ma mätaw saite tea yng y te phüng-a vi.

Asang Khongso New Testament

³⁷ Topacoengah matoehkung Pa mah doeh kai zuengah panoek haih bomkung ah a oh. A lok na thaih o vaih ai moa a kraang doeh na hnuh o vaih ai;

Johan 5:37 ပူးပေါင်းရင်းမြစ်များ

Mathai 17:5

Tungaila Peterae lä hini lo kä thui te thüng-a khö angnüng kanglung lä tho kha äni ce tea bu pa dy. Tukha khö angnüng thung mang tho te ätüng lä “Hini lä kai ma bälung aevaw saite Kai üng Cäpaw vi. Äni lä kai tea anghawtho hai te vi. Äni üng älo tängai ö” näkha näpa.

Mathai 3:17

Käni mang Säthaw üng ätüng lä “Hini lä kai ma bälung aevaw saite Cäpaw vi. Äni tähang kai lä kawngphi vi” näkha näpa.

Marka 1:11

Tukha käni mang üng ätüng lä “Nang lä kai üng bälung aevawky saite Cäpaw vi. Nang lä kai tea kawng hai ky saite vi” näkha näpa.

Luka 24:27

Tukha Isu lä Mosi hai buisaw angxynlyng na ma äma phüng Caekäcai-a thui saite lo na hai aetawng kha änini tea thui mäcai pa dy.

Luka 3:22

Tukha Säthaw üng Muilaw Käcai lä bähö kätyng aeja käthu ea äni qawng-a cu pa vi. Tukä ea käni mang Säthaw üng ätüng lä Isu tea “Nang lä kai üng bälung aevawky saite Cäpaw vi. Nang lä kai tea kawng hai ky saite vi,” näkha näpa.

Johan 1:18

Ämi la Säthaw bung nung vai te y. Tungaila Pä-ai üng äteng-a awng saite Äcäpaw lawngtä xyng ma Säthaw bung khimi ce tea mäny hai pa te vi.

Johan 14:9

Isu ma “Philip ä, Kai lä nang ce hai mangtä awng te qae vi dy. Nang ce lä vaihi khytä, Kai bung mae te y vi rawng mei. Kai bung nung saite khimi lä Kai üng Pä-ai bung nung te by kae dy. Kai üng Pä-ai bung kai ce tea mätü näkha ätephüng-a nang lä thui te mei.”

Johan 15:24

Kai lä ämi la sa vai y saite kamarae äni ce maw-a sa y kha lä äni ce üng hunghö lä äni ce tea awng jawjaw hethang y. Vaihi äni ce lä hini kai sa saite kamarae na nung ngaila Kai hai Kai Pä-ai tea esäre ö te vi.

Johan 5:32

Tungaila kai üng phüng äte te lo thui saite lawngtä awng. Äni üng ätete lo lä tüngkhaw vi näte kai lä mäny te vi.

Johan 6:27

Aekang y saite käcakänei na tähang aethawsa ö y ma. Dungtäsa kähing py saite käcakänei na tähang aethawsa ö. Kai, Khimi üng Cäpaw, ma nang ce tähang hini käcakänei na py ai mang. Ätephüng-a mei nädylä kai üng Pä-ai Säthaw lä kai tea bälung kähawi mätü king te vi dy” näkha näpa.

Johan 8:18

Kai lä Kai ma üng phüng thui te lawngtä kha Kai bung mätaw saite Pä-ai lä Kai phüng thui saite äkälang lawngtä vi” näkha näpa.

1 Timote 1:17

Dungtäsa pyng saite Sanphrang, dungtäsa hing saite, ämi ma la nung haw y saite, lawngtä xyng awng saite, Säthaw tea dungtäsa tämö khai te hai bälaw jawjaw sy. Amen.

1 Timote 6:16

Dungtäsa hing saite lawngtä xyng lä Äni vi. Ämi lawngtä ma la äteng-a ly haw y kaevang pheng saite thung-a Äni lä awng te vi. Äni bung lä ämi lawngtä ma la nung vai y, nung la nung haw y. Khimi ce ma Äni tea tämö khai ö kha Äma üng haidae lä dungtäsa awng jawjaw ai. Amen.

1 Johan 4:12

Säthaw bung ämi la nung vai te y. Tungaila mä-ai lä lawng lawngtä tea bälung aevaw ö vi nädylä, Säthaw lä mä-ai hai bungtä awng te vi dy. Äni üng bälung aevaw saite lä mä-ai üng äthung-a cungrü hai ö te vi.

1 Johan 4:20

Khimi lawngtä ma, “Kai lä Säthaw tea bälung aevaw vi” näkha thui kha äma üng yng saite rawijae na tea esäre te vi rawng nädylä äni lä kaeling kaemae sa te lawngtä kae vi. Nung haw saite äma üng rawijae na tea bälung aevaw y saite khimi lä, nung haw y saite Säthaw tea la bälung aevaw haw y lyng.

1 Johan 5:9

Mä-ai lä khimi ce üng thui saite angthang na tea thai kha yng ö saite na vi. Tungaila Säthaw üng thui saite angthang lä honi qawng-a lengky vi. Ätephüng-a mei nädylä Säthaw lä äma üng Cäpaw phüng thui khe te phüng-a vi.