Johan 5:19 - Caekäcai Kangthae (Lemi)

¹⁹ Isu ma Judae mätawngky na tea “Tängai ö. Kai Äcäpaw, lä kai ma üng kängai kätyng-a äte haetä la sa haw y. Pä-ai sa saite nung kha hini kätyng sa te kae. Pä-ai sa saite na ni kai, Äcäpaw, la sa te kae.

Asang Khongso New Testament

¹⁹ Topongah Jesuh mah anihcae khaeah, “Loktang ta-ah kang thuih: Capa loa angmah khueh ah tidoeh sah thaih ai. Ampa mah sak ih a hnuk ih khueh to ni loa a sak. Pa mah sak ih to Capa mah doeh a sak toeng.

Johan 5:19 ပူးပေါင်းရင်းမြစ်များ

Mathai 26:39

Tupyng-a Isu lä äjecäcaw ly kha älawng qawng-a aebo ea “Ä-ai ä, nang lä äte angxynlyng na tea sa haw te kae. Hini mätangbälai saite kai aeting y hethang säbawng kü jo. Tungaila kai üng aely kängai kätyng hang sy. Nang ma üng aely kängai kätyng kae sy” näkha aetang pa dy.

Luka 21:15

Ätephüng-a mei nädylä nang ce tea nang ma ce üng bälungkae-i na ma e haw y hethang kai ma bälungkähae hai älo na py ai mang.

Johan 10:18

Kai ma üng aely hai y dylä ämi la Kai bung bädü haw y. Kai ma üng aely hai ea ni Kai bung bädü haw te kae. Kai lä Kai ma üng hing saite aepy he aenae awng te vi. Kai ma tea hing haile hethang aenae la awng. Hini kätyng sa hethang Pä-ai ma Kai tea py te vi dy” näkha näpa.

Johan 12:49

Ätephüng-a mei nädylä kai lä kai ma üng aenae hai thui te y. Kai bung mätaw saite Pä-ai ma ätemakä angtu thui ai mei näte kai tea thui te vi.

Johan 12:50

Pä-ai üng hini älosai phüng-a, khimi ce lä dungtäsa hing saite dang vi. Tukha kai thui saite lo lä, Pä-ai ma thui hai te vi” näkha ätüng käleng hai thui pa dy.

Johan 14:10

Kai lä Pä-ai tea awng kha Pä-ai la kai tea awng näte nang lä yng y mei. Nang ce tea kai thui te lä, kai ma üng lo y. Kai sa te na la kai tea awng saite Pä-ai lä äma üng kälu sa hai te vi.

Johan 2:19

Isu ma “Hini Säthaw üng Ingkäcai bung aephei ö. Kai ma käni thungtä-a sa haile pa ai mang” näpa.

Johan 3:3

Isu ma “Tängai ba, äbaeni aepeng haile y saite khimi lä Säthaw ma Sanphrang sa saite nung haw y lyng” näpa.

Johan 5:21

Pä-ai lä khimi kädü na bung mäning haile te kätyng-a Kai, Äcäpaw, la kai ma aely ngai saite na bung hing te py te by vi.

Johan 6:38

Ätephüng-a mei nädylä kai lä kai ma üng ngai te kätyng sa hethang Känipre mang üng cäqa te y. Kai bung mätaw saite Pä-ai üng aely ngai te kätyng sa hethang cäqa te kae.

Johan 8:28

Tukha Isu ma “Nang ce lä Kai, Khimi üng Cäpaw, bung thinglang qawng-a bang saite kätü-a, Kai lä ämi mei näte nang ce mäny ö ai. Kai ma üng aely ngai te kätyng äte haetä la sa te y kha Pä-ai ma mätu te kätyng älo thui te kae vi näte nang ce lä mäny ö ai mang.

Johan 9:4

Käni aevang saite kätü-a kai bung mätaw saite Säthaw üng kälu mä-ai ce lä sa hethang kae te vi. Ämi lawngtä lä kälu sa he dang y te käving lä tyng vi ai.

Angtawtha 2:24

Tungaila Säthaw ma Isu bung kädü thung üng mätha haile tyng vi dy. Äni bung mätang te thung üng aelawi hai te vi. Kädü mi lä äni tea mäkhing haw y te phüng-a vi.

Pawlae ma Rom märü üng kangkawng tähang tärü saite cae 6:4

Mä-ai lä baptismae la te hai-a Khrista hai mangtä dü kha äni hai mangtä ö te vi. Tukätephüng-a Khrista lä Äpä-ai üng phung-ang hai-a dü te üng hai hing haile tyng te kätyng mä-ai la hing saite kangthae-a hing haw ö te by vi dy.

Pawlae ma Rom märü üng kangkawng tähang tärü saite cae 8:11

Isu bung kädü thung mätha haile tyng saite Säthaw üng Muilaw lä nang ce thung-a awng te vi. Honi kätyng Khrista tea dü saite üng mätha haile tyng saite Areng lä nang ce thung-a awng saite äni üng Muilaw hai-a dü haw saite nang ce üng ätabung tea la hing hai vi ai.

1 Korin 15:12

Kai ce thui saite angthang lä Säthaw ma kädü üng mäning haile saite Khrista üng angthang vi. Tukätephüng-a nang ce thung üng ämi lawngtä la “Dü saite thung üng hing haile saite lä awng te y” näkha thui haw y lyng.

2 Korin 4:14

Areng Isu bung mäning haile tyng pa saite Säthaw ma Isu hai bungtä kai ce bung mäning haile tyng by ai näte kai ce lä mäny ö te vi. Äni lä nang ce hai kai ce bung äni üng maw-a ka vi ai.

2 Korin 5:10

Mä-ai angxynlyng lä Khrista ma tärae cei hethang äni üng maw-a aedaw ö hethang kae. Hini älawngpre-a mä-ai lä awng te thüng-a, mä-ai sa saite aeteng khaw te ävang na, y dylä Säthaw lä mä-ai tea dengpy vi ai.

Ephesi 2:5

Tudylä mä-ai lä Säthaw üng lo tängai y te phüng-a dü saite khimi na kätyng awng te kätü-a, äni ma mä-ai bung lä Khrista hai mangtä hing hai te vi dy. Säthaw lä tähang kähawi hai-a nang ce bung aeqang te vi dy.

Ephesi 3:16

Säthaw lä äma üng leng bärai te phung-ang kätyng Muilaw Käcai üng haidae hai-a nang ce üng bälung thung-a aethaw py hethang kai lä aetang te vi dy.

Filipi 3:21

Äni lä äte angxynlyng na tea pyng hethang haidae awng te vi. Honi aenae hai-a hini älawngpre hai aesui saite mä-ai üng ätabung tea lä äni ma mäqa pa vi ai. Mä-ai üng ätabung kangthae lä Khrista üng ätabung täthei-a aetawng ö vi ai. Honi ätabung kangthae hai-a Säthaw lä äma üng haidae hai phung-ang mätü pa vi ai.

Filipi 4:13

Kai tea aethaw py saite Khrista hai-a kai lä äte angxynlyng na tea sa haw te vi.

Kolosa 1:11

Nang ce lä cüng saite hai änawngsa te awng mang haw hethang Säthaw lä äma üng awng saite haidae angxynlyng na hai nang ce tea aethaw py hethang kai ni lä aetang hawi jawjaw mang. Tukätephüng-a nang ce lä anghawtho ö ai.

Kolosa 1:16

Khrista hai-a Säthaw lä äte angxynlyng na sa vi dy. Käni hai älawng, nung haw saite hai nung haw y saite angxynlyng na, phung-ang leng saite änang na hai Känipre üng angtawtha angxynlyng na tea Khrista tähang sa pa te vi dy.

1 Thesalon 4:14

Isu Khrista lä dü kha aetha haile tyng saite tea mä-ai lä yng ö te vi. Tukätephüng-a äni tea yng kha dü pyng saite khimi angxynlyng na bung lä Säthaw ma Isu hai mangtä awng hai hethang la vi ai näte mä-ai lä yng ö te vi.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.

Lokphong 2:23

Kai lä nawngmädi leithung äcaw na kätyng hui saite na tea la bädü ai. Tupyng-a kai lä khimi qütä üng kaedawng na hai bälung mäke na tea mäny saite Kung vi näte kangkawng angxynlyng na ma mäny ö ai. Nang ce üng sa ö qi saite na kätyng-a kai lä py ai.