Johan 21:22 - Caekäcai Kangthae (Lemi)

²² Isu ma “Kai cäqa haile tyng te khytä, äni tea hing hethang kai ngai hai dylä, nang üng aely y lyng. Nang lä kai leithung-a hui lawi” näkha näpa.

Asang Khongso New Testament

²² Jesuh mah anih khaeah, “Kangzoh khoekto ah anih to hinghsak hanah ka koeh nahaeloa nangmah kawmaw na naa tih loa? Nang loa kai hnukah na baang ah,” tiah a naa pae.

Johan 21:22 ပူးပေါင်းရင်းမြစ်များ

Mathai 16:24

Tupyng-a Isu ma äkähui na tea “Khimi lawngtä kai leithung hui hethang ngai dylä, äma üng kängai sai na khaisö kha dü hethang aerü rüng ea äma üng thinglang aepö kha kai leithung hui he kae.

Mathai 24:27

Anglaw säde te kätyng käni käse mang üng hai käni kädüng khytä käni khösang aevang pheng te kätyng vi ai. Kai, Khimi üng Cäpaw, ly haile tea hikä vi ai.

Mathai 24:3

Isu lä Olive kung na awng saite me anghung qawng-a aety kha awng ea äkähui na lä ly kha “Nang thui saite na lä mata kätü-a tyng ai rawng mei. Nang ly haile kha hini älawngpre teng te kätü-a mäny hethang äte kamarae na tho ai mei. Kai ce tea thui jo ba ä” näkha düng pa.

Mathai 24:44

Nang ce kätü qütä aerü rüng kha awng hethang kae by. Ätephüng-a mei nädylä Kai, Khimi üng Cäpaw, lä nang ce ma aethang khai y te kätü-a tyng vi ai.

Mathai 25:31

“Kai, Khimi üng Cäpaw, lä kai ma üng phung-ang hai Säthaw üng angtawtha angxynlyng na hai mangtä ly te kätü-a phung-ang awng saite Areng aety nae qawng-a aety ai.

Mathai 8:22

Tungaila Isu ma äni tea “Nang lä kai leithung vaihi ma hui lawi. Kädü na ma äma ce üng äro tea bärung ö raw kae sy” näkha näpa.

Marka 9:1

Tukha Isu ma äni ce tea “Tängai ö. Hi-a awng saite khimi phütä na lä Säthaw üng pre pyng te haidae tyng te nung y kälang-a dü y vi ai rawng” näkha näpa.

Johan 21:19

(Isu ma hini kätyng thui pa te lä, Peterae lä Säthaw üng phung-ang aetüng hai hethang ätemakä sa kha dü ai mei näte phüng thui rüng pa te vi.) Tupyng-a Isu ma Peterae tea “Kai leithung hui lawi” näkha näpa.

Johan 21:21

Peterae lä honi äkähui na bung nung kha “Areng ä, hini lä makä awng ai mei” näkha düng pa.

1 Korin 11:26

Nang ce lä hini täkaw ca kha hini bynglyng thung üng cäpje tui nei saite kätü qütä, Areng tyng haile te khytä äni üng dü saite phüng thui ö te vi.

1 Korin 4:5

Tukätephüng-a Säthaw ma khai saite kätü tyng y te kälang-a lä, khimi ce tea tärae cei ö hang. Areng tyng haile te kätü-a, ämi lä kähawi-a sa mei, sa y mei, näte Areng ma thui vi ai. Äni lä käving thung-a ho saite na kaevang-a täphawng vi ai. Areng ma khimi ce lä äma ce üng bälung thung-a dawng saite na khimi qütä tea mäny hai vi ai. Honi kätü-a, Säthaw lä khimi qütä tea äma ce hai aeteng khaw te kätyng bälaw qi pa vi ai.

1 Thesalon 2:19

Mä-ai üng Areng Isu Khrista ly haile te kätü-a, äni üng maw-a mä-ai lä aedaw te kätü-a, mä-ai üng aethang khai saite, anghawtho saite hai sanphrang lökhu kätyng ävang dang hethang awng saite na lä nang ce vi dy. Nang ce bung kai ce lä aethaw hai haw ö te vi.

Jako 5:7

Yng saite kangby jä-ai na ä, tukätephüng-a Areng ly haile te khytä aering ö. Lai sa saite na lä älawng üng ävang ting saite äthai na dang te khytä, angcü hai kangkhüng üng khö tui na tea khung kha aering te phüng aedawng ö.

Jako 5:8

Nang ce lä mä-ai üng Areng ly haile hethang kätü lä aenai te phüng-a cakhi-a änawngsa ö.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.

Lokphong 2:25

Tungaila kai ly y rytä nang ce üng yng saite tea lä cakhi ö hethang kae.

Lokphong 22:20

Hini na tea thui saite Kung lä, “Qae y tea ma kai ly tätang ai” nä vi. Hini kätyng sy. Areng Isu ä, ly lawi mai ba.

Lokphong 22:7

Areng Isu ma, “Tängai ö. Kai lä qae y tea ma ly ai. Hini cae-u thung-a awng saite buisaw lo na tea tängai te khimi lä tähang hawi” näkha nä vi.

Lokphong 3:11

Kai lä qae y tea ma ly ai. Nang ce üng yng saite tea lä süng ö khi ba. Tudylä nang ce tea ävang kätyng areng lökhu kai ma py ai. Honi lökhu tea lä ämi ma laja y lyng.