Johan 20:17 - Caekäcai Kangthae (Lemi)

¹⁷ Isu ma “Kai tea aela hang. Kai lä Pä-ai tea tyng y te vi rawng. Kai üng äkähui na tea ly kha Kai üng ‘Pä-ai’ hai nang ce üng ‘Pä-ai’ kai üng ‘Säthaw’ hai nang ce üng ‘Säthaw’ tea kai lä ly ai näte phüng thui” näkha näpa dy.

Asang Khongso New Testament

¹⁷ Jesuh mah anih khaeah, “Kai namkhoeh kang hmah raeh ah, kawmawtiah Pa khaeah ka caeh ai vop. To-e kam nauk kamzanawk khaeah caeh oloa ‘Kam Pa hoi nangcae ih Ampa, ka Sithaw hoi nangcae ih Sithaw khaeah ka caeh han,’ a ti tiah thui pae oah,” tiah a naa.

Johan 20:17 ပူးပေါင်းရင်းမြစ်များ

Mathai 12:50

Khimi lawngtä lä Känipre üng kai pä-ai üng kängai kätyng sa dylä, kai üng kangby jä-ai, ticaw hai nä-awi na kätyng kae dy” näkha mäthang pa haile dy.

Mathai 25:40

Tukha kai Sanphrang ma äni ce tea ‘Tängai ö. Hini kai üng äkähui na thung-a cäpiky saite lawngtä tähang nang ce ma säbawng te lä kai tea säbawng te kätyng by kae dy’ näkha näpa.

Mathai 28:7

Äkähui na tea ly dawde kha Säthaw ma Isu bung dü te üng mätha haile tyng vi dy. Vaihi Isu lä nang ce maw-a Kalile khö-a ly dy. Äni bung lä honi mityng-a nung ö ai mang kai thui saite älo sämai khü ba” näkha näpa.

Marka 12:26

Dü saite khimi na lä aetha haile ai te phüng, Mosi üng cae tea nang ce lä phai vai y mei. Honi cae-a lä maikang saite angprüng phüng la qa vi. Honi kätü-a Säthaw ma Mosi tea ‘Kai lä Abraham üng Säthaw, Isaika üng Säthaw hai Jaeko üng Säthaw vi’ näpa.

Marka 16:19

Areng Isu lä hokä äkähui na tea thui pyng dylä, Säthaw ma äni bung Känipre mang-a nähaija pa vi dy. Tukha Isu lä Säthaw üng bangtang mang-a aety pa vi dy.

Luka 10:4

Nang ce üng phawisae-i, cawngkö kho painai kanglai na nähai ö y ma. Lolang-a aedaw kha ämi tea la älo awng mang-a aepe ö hang.

Johan 13:1

Cäqengja te pawi käni haetä tyng hethang kätü lä aenai dy. Isu lä älawngpre üng tho kha Pä-ai tea vawi haile hethang kätü tyng te mäny pa vi. Isu lä älawngpre-a awng saite äma üng äkähui na tea bälung aevaw jawjaw te vi. Äni ce tea käni kangteng khytä bälung aevaw jawjaw vi.

Johan 13:3

Pä-ai ma Isu tea äte angxynlyng na sa hethang aenae a pa dy. Isu lä hini na mäny king te vi. Äma lä Säthaw te mang üng ly te vi kha Säthaw tea vawi haile tyng ai näte mäny te vi.

Johan 14:2

Kai üng Pä-ai ing-a awng nae mityng awng mang. Awng nae mityng awng mang y kha lä Kai thui y vi ai dy. Nang ce tähang mityng sa rüng hethang Kai ly ai rawng.

Johan 14:28

Kai lä ly ja ngaila nang ce tea ly haile tyng ai näte Kai thui te nang ce thai pyng te dy. Nang ce ma Kai tea bälung aevaw dylä, Kai üng Pä-ai tea ly te phüng-a, nang ce lä kawng ö by ai. Ätephüng-a mei nädylä, Pä-ai lä Kai qawng-a lengky.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Johan 16:28

Kai lä Pä-ai te üng tho kha älawngpre-a cäqa te kae. Vaihi älawngpre üng tho kha Pä-ai tea vawi haile tyng ai dy” näpa.

Johan 17:11

Kai lä Nang tea vaihi vawi haile tyng vi ai. Älawngpre-a awng y dy. Tungaila äni ce lä älawngpre-a awng vi ai rawng. Caiping saite Pä-ai, Nang, üng ämüng haidae hai äni ce bung aekung hai te vi. Nang hai Kai bungtä awng te kätyng, äma ce tingtawi bungtä awng hethang Nang ma Kai tea hini ämüng py vi dy.

Johan 17:25

Käcüng saite Pä-ai ä, Nang bung älawngpre üng khimi na ma mäny ö y. Tungaila Kai lä Nang bung mäny vi. Hini äkähui na lä Kai bung Pä-ai, Nang, ma mätaw näte mäny ö by dy.

Johan 17:5

Pä-ai ä, vaihi nang ma üng maw-a Kai üng phung-ang aetüng hai lawi. Hini älawngpre awng y te kälang-a ma, Nang hai mangtä pyng saite phung-ang lä, Kai tähang py jo lawi ba.

Johan 20:27

Tupyng-a Thawmae tea “Nang üng köbäjung hai hini mityng-a mäthang e. Kai üng kö tea kheng e, nang üng kö hai kai üng mäna-a mäthang. Yng y käla awng hang lawi ba. Yng lawi” näkha näpa.

Johan 7:33

Isu ma khimi ce tea “Kai lä nang ce hai tänaetä awng te kae. Tupyng-a kai ma bung mätaw saite Kung tea vawi haile vi ai.

Pawlae ma Rom märü üng kangkawng tähang tärü saite cae 8:29

Säthaw lä äma re rüng saite khimi ce tea äma üng Cäpaw kätyng lawng tätang hai hethang la aedawng rüng khaw te vi. Tukätephüng-a Äcäpaw lä yng saite kangby jä-ai awng mang te na thung-a Cäpaw äcälöky-a lawng hai te vi.

2 Korin 6:18

Kai lä nang ce üng Äpä-ai-a lawng ai. Nang ce la kai üng cäpaw cänung na lawng ö ai” näkha äte angxynlyng na sa haw saite Areng ma thui te vi dy.

Galati 3:26

Nang ce angxynlyng lä Khrista Isu tea yng te hai-a, Säthaw üng caw nade na-a lawng ö vi dy.

Hebrai 11:16

Tungaila äni ce lä hini qawng-a hawi saite pre tea aethang khai ö te vi. Honi pre lä Känipre-a qaitä awng te kae vi. Tukätephüng-a äni ce lä Säthaw tea äma ce üng Säthaw näkha ka ö te phüng-a Säthaw lä aejae te y. Säthaw lä äni ce tähang märü sa kha khai rüng te vi dy.

Hebrai 8:10

‘Tungaila kai lä khawngdüng-a Isrelae khimi na hai hini aenai saite älo Kangthae sa ai’ näkha Areng lä thui vi. ‘Kai lä äni ce üng kaedawng saite thung-a kai üng ubädi na tea mäkung vi ai. Äni ce üng bälung thung-a honi na kai lä tärü ai. Kai lä äni ce üng Säthaw-a lawng kha äni ce la kai üng khimi na-a lawng ö ai.

1 Piter 1:3

Mä-ai üng Areng Isu Khrista üng Pä-ai Säthaw tea kawng te lo thui ö si. Äni lä mä-ai tea tengxyng y bäheng te phüng-a, Isu Khrista bung kädü thung üng mäning haile te hai-a mä-ai tea aepeng saite kangthae py vi dy. Tukätephüng-a mä-ai lä aethang khai saite kanghing awng ö te vi.

1 Johan 3:2

Kai üng bälung aevaw saite rawijae na ä, vaihi mä-ai lä Säthaw üng caw nade na ö vi. Tungaila vaimaw mang-a mä-ai lä ätemakä aelawng ai mei näte mäny ö te y rawng. Tungaila Khrista tyng haile te kätü-a, mä-ai lä äma kätyng aelawng ai näte mä-ai lä mäny ö te vi. Ätephüng-a mei nädylä äni üng tätang khaw lawng saite tea mä-ai lä nung ö ai.

Lokphong 21:3

Areng aety nae üng ätüng käleng thai te lä, “Vaihi Säthaw üng tai nae lä khimi ce hai mangtä vi. Äni lä khimi ce hai mangtä awng ai. Äni ce lä Äni üng khimi na-a aelawng ö ai. Säthaw äma ma la äni ce hai mangtä awng khe kha äni ce üng Säthaw-a lawng ai.

Lokphong 21:7

Kai lä bäja saite khimi na tea hini angxynlyng na py ai. Kai lä äni ce üng Säthaw-a aelawng kha äni ce la Kai üng cäpaw na-a aelawng ö ai.