Johan 19:34 - Caekäcai Kangthae (Lemi)

³⁴ Tungaila reisae lawngtä ma Isu üng mäna-a täri hai thung kha qengtäma äthi hai tui lä tho pa vi dy.

Asang Khongso New Testament

³⁴ Risa longto mah Jesuh ih panak to tazae hoiah a thunh moa vaipang ta-ah a thii hoi tui to tacawt roep.

Johan 19:34 ပူးပေါင်းရင်းမြစ်များ

Mathai 27:62

Aerü rüng te käni pyng-a Aehae saite käni tyng ea, mäthykung käleng na hai Pharisai na lä Pilata tea ly ö dy.

Johan 19:33

Tungaila reisae na lä Isu tea tyng ea Isu lä dü pyng pa te nung kha äkho-a thingbyng hai mäkhae pa y.

Johan 20:20

Hokä thui pyng ea äma üng äkö tämaw hai mäna tämaw na äkähui na tea mätü pa dy. Äkähui na lä Isu bung nung kha tengxyng y anghawtho ö pa vi dy.

Angtawtha 22:16

Tukätephüng-a äte tea aering kha awng te mei. Aetha kha baptismae la lawi. Nang üng hunghö na aelawi hethang Areng tea aetang lawi’ näkha näpa.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

1 Korin 6:11

Angcü üng hai ma nang ce thung üng khimi phütä lä honi kätyng käsi na sa ö te vi. Tungaila Säthaw lä nang ce üng hunghö na tea bäse pang kha cai hai te vi. Areng Isu Khrista hai Säthaw üng Muilaw hai-a nang ce lä Säthaw üng maw-a khimi käcüng-a lawng ö vi dy.

Ephesi 5:26

Mä-ai tea cai hai hethang Khrista lä hikä sa te vi dy. Tui hai-a mäse te kätyng-a Säthaw üng lo hai Khrista lä kangkawng tea mäcai te by vi dy.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Hebrai 9:13

Sobei thi, raebawi thi, hai raebawi cäpi tea maisawi kha dang saite baiphö na tea reitae kätyng pawprae saite khimi na tea käthüng ö te vi. Honi lä äni ce ärang mang üng tea cai hai te kae.

Hebrai 9:22

Tätang khaw, Mosi üng Ubädi kätyng äte angxynlyng na lä äthi hai-a cai hethang dang ö vi. Äthi bälawng y dylä Säthaw lä hunghö tea bälawi y lyng.

1 Piter 3:21

Hini tui lä baptismae phüng tea thui te äsäny vi dy. Vaihi Säthaw ma nang ce tea lä baptismae hai-a aeqang te vi. Baptismae üng tui lä nang ce üng ätabung üng pawprae saite na tea mäse te y. Nang ce lä baptismae la te hai käsi kähawi mäny saite bälung käcai hai-a Säthaw tea älo aedo ö te vi. Honi baptismae phüng-a Isu Khrista üng aetha haile tyng saite hai-a Säthaw lä mä-ai bung aeqang te vi.

1 Johan 5:6

Isu Khrista lä hini älawngpre-a ly kha Johan ma äni tea tui hai baptismae py pa vi dy. Isu lä tui hai baptismae la te cang y, honi pyng-a Isu Khrista üng dü saite kätü-a, äthi tho te vi. Honi na lä tüngkhaw vi näkha Muilaw Käcai lä mä-ai tea mätü pa te vi. Ätephüng-a mei nädylä Muilaw Käcai lä khimi ce tea mitang khaw saite tea mätü jawjaw te vi.

1 Johan 5:8

Muilaw Käcai ma mä-ai hai älo aepe kha Johan lä Isu tea tui hai baptismae py ea Isu üng dü te kätü-a lä äthi tho te vi. Honi kätyng Muilaw Käcai, tui lä hai äthi äsäny-a aelawng kha honi äthungtä na lä mä-ai tea mätü saite mangtä kae.

Lokphong 1:5

Isu Khrista lä sasi thui khü kha ae-y nae hawi khaw saite Kung vi. Säthaw ma äni bung lä kädü thung üng mätha angcü pa te vi. Äni lä älawngpre üng sanphrang angxynlyng na tea pyng saite Kung vi. Isu Khrista lä mä-ai tea bälung aevaw kha äma üng äthi hai-a mä-ai üng hunghö na aelawi hai te vi dy.

Lokphong 7:14

Kai ma äni tea, “Areng ä, Nang lä mäny vi” näkha mäthang vi dy. Äni ma kai tea, “Hini khimi na lä sakälö khü phi saite na aeting kha bäja ö saite na vi. Äni ce lä äma ce üng kä-o na tea Beram caw üng äthi hai mäcai ping ö pyng saite na vi dy.