Johan 17:3 - Caekäcai Kangthae (Lemi)

³ Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

Asang Khongso New Testament

³ Ato dungzan hinghaih tihaih ih loa nang khueh to ni Sithaw tangtang tiah panoek hoi nangmah na patoeh ih Jesuh Khrih panoek hae ni.

Johan 17:3 ပူးပေါင်းရင်းမြစ်များ

Marka 9:37

“Kai üng phüng-a hini nade bung lady saite khimi lä kai bung lady te kae dy. Kai bung lady saite khimi lä kai tea ma qaitä lady te cang y kai bung mätaw saite Säthaw tea lady te by kae dy” näpa.

Luka 9:48

Tupyng-a Isu ma äkähui na tea “Kai üng ämüng hai-a hini nade bung lady saite khimi lä kai bung lady te kae dy. Kai tea lady saite khimi lä kai bung mätaw saite Säthaw tea lady te by dy. Nang ce thung-a kaenengky saite na lä Säthaw ma kaesangky-a aedawng hai vi ai” näkha näpa.

Johan 10:36

“Üngai ma Kai bung re kha älawngpre-a mätaw te vi. Tudylä kai lä Säthaw üng Cäpaw näkha thui te phüng-a, Kai lä Säthaw müng aengang te näkha nang ce lä ätephüng-a käsi prawng ö te mei.

Johan 11:42

Nang lä kai üng älo tängai jawjaw te kai mäny vi. Tungaila kai bung nang ma mätaw näte hini mityng-a, awng saite khimi na mäny hethang tähang-a, hini kätyng kai mäkai te vi” näpa.

Johan 14:26

Pä-ai lä kai üng ämüng hai-a, nang ce tähang mätaw saite säbawng te Kung, Muilaw Käcai lä, nang ce tea angxynlyng na mätu pa ai. Kai thui pyng te na sädi dang hai ai mang.

Johan 17:18

Pä-ai, Nang, ma Kai bung älawngpre-a, mätaw te kätyng Kai ma äni ce bung la älawngpre-a mätaw te by dy.

Johan 17:21

Äni ce angxynlyng lä bungtä awng hethang aetang te kae. Pä-ai ä, Nang, lä Kai hai aesui kha Kai la nang hai aesui te kätyng, äni ce bung mä-ai ma hai aesui hai jo ba. Tukä ea ni Pä-ai nang ma Kai bung mätaw te älawngpre üng khimi na ma yng hethang kae.

Johan 17:23

Pä-ai, Nang, ma Kai hai aesui te kätyng Kai la äni ce hai aesui te by. Tukä ea ni äni ce lä käcung-a bungtä lawng ö vi ai. Tupyng-a Pä-ai, Nang, ma Kai bung mätaw kha Kai tea bälung aevaw te kätyng, äni ce tea la Pä-ai ma bälung aevaw saite älawngpre üng khimi angxynlyng na lä mäny haw ö bawi vi ai” näpa.

Johan 17:25

Käcüng saite Pä-ai ä, Nang bung älawngpre üng khimi na ma mäny ö y. Tungaila Kai lä Nang bung mäny vi. Hini äkähui na lä Kai bung Pä-ai, Nang, ma mätaw näte mäny ö by dy.

Johan 17:8

Kai tea Nang ma thui saite angthang Kai lä äni ce tea thui pa kha äni ce lä tängai ö dy. Kai lä Nang ma te üng ly te mäny khü kha Pä-ai, Nang, ma Kai bung mätaw näte äni ce lä yng ö dy.

Johan 3:17

Säthaw lä khimi ce tea dengpy hethang Äcäpaw bung älawng qawng-a mätaw te y. Älawng üng khimi na bung Äcäpaw hai aeqang hethang tähang-a mätaw te kae vi.

Johan 3:34

Säthaw ma mätaw saite lawngtä lä Säthaw üng älo angthang thui vi. Säthaw ma äni tea Muilaw Käcai käkawi-a py pa te vi.

Johan 5:44

Nang ce lä lawngtä hai lawngtä tea aebälaw hethang ngai ö te kae vi. Tungaila lawngtä xyng awng te Säthaw üng bälaw te dang hethang lä aethaw aesa ö y. Tudylä nang ce lä ätemakä sa kha kai tea yng haw ö ai mei.

Johan 6:57

Hing saite Pä-ai ma Kai bung mätaw kha Kai lä Pä-ai phüng-a hing te kätyng Kai üng ängang ca saite khimi na lä Kai phüng-a hing ö vi ai.

Johan 7:29

Kai lä Äni te üng ly kha Äni ma Kai bung mätaw te phüng-a Äni bung mäny te vi” näkha ätüng käleng hai thui pa dy.

Johan 8:19

Äni ce ma “Nang üng Pä-ai lä ma-a awng te vi nang mei” näkha düng pa. Isu ma lä “Kai hai Kai üng Pä-ai bung nang ce lä mäny ö te y. Nang ce lä Kai bung mäny dylä Pä-ai bung la mäny ö vi ai” näpa.

1 Korin 15:34

Lo mitang phüng tea kähawi-a dawng kha nang ce üng tämang saite lang mang-a hui jawjaw ö vi hang lawi. Kai lä nang ce thung-a Säthaw bung mäny y saite khimi na awng vi näte thui hethang kae. Hini phüng-a nang ce lä saerae hethang kae ö te vi.

1 Korin 8:4

Tukätephüng-a kai lä nang ce tea mimi na tea löci sa pyng te mawi ca saite phüng, thui hethang ngai. Mimi hai aesui saite äte khömang la älawng-a awng y näte hai Säthaw lä lawngtä xyng awng näte tea mä-ai yng saite na lä mäny ö te vi.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

Filipi 3:10

Kai üng ngai saite angxynlyng na lä Khrista tea mäny hethang, äni üng aetha haile saite haidae mäny hethang, äni üng mätang saite na kätyng mätang by hethang hai äni üng dü te kätyng dü te thung-a qa by hethang na vi.

Filipi 3:8

Hikä cang y kai üng Areng Isu Khrista tea mäny te lä honi ätete angxynlyng na qawng-a ävang tingky te phüng-a, honi na tea lä aetütü saite na kätyng-a kai lä dawng kae. Kai lä Khrista tähang-a äte angxynlyng na tea khaisö pyng te vi dy. Honi angxynlyng na tea kai lä angnüng angsaw kätyng dawng te kae vi dy. Kai lä Khrista bung kähawi-a mäny king haw hethang tähang vi.

1 Thesalon 1:9

Khimi angxynlyng na lä kai ce ly te kätü-a, nang ce ma bälung kähawi hai lady te phüng thui ö bawi te vi. Nang ce lä hing saite Säthaw tätang tea aekö haile tyng ö vi dy. Nang ce lä makä sa kha mimi na bung khaisö ea Säthaw tea cäphaw hethang phüng lä khimi qütä ma thui ö te vi.

2 Thesalon 1:8

Säthaw lä Äma tea elekhei sa saite na hai mä-ai üng Areng Isu üng Angthang Kähawi tängai y saite na tea lä dengpy ai.

Hebrai 3:1

Säthaw ma re saite yng te kangby jä-ai na ä, Areng Isu üng äphüng aedawng ö lawi. Äni bung lä mä-ai üng thui te yng saite üng Mäthykung Kälengky lawng hethang Säthaw ma mätaw te vi dy.

2 Piter 1:2

Säthaw lä äma tea hai mä-ai üng Areng Isu Khrista bung nang ce üng mäny saite hai-a tähang kähawi hai awngneng saite lä nang ce tea cungrü-a py sy.

2 Piter 1:3

Mä-ai lä Säthaw üng aely kängai-a hing haw hethang äma üng haidae hai angxynlyng na mä-ai tea py vi dy. Äni üng phung-ang hai hawi saite hai-a mä-ai bung re saite Säthaw tea mäny te hai-a honi angxynlyng na mä-ai lä dang ö te vi dy.

2 Piter 1:8

Nang ce lä hini aeme aeqa saite käcai-a awng rae awng rae dylä, mä-ai üng Areng Isu Khrista bung mäny saite lä nang ce tähang aetütü-a lawng ö y vi ai. Tukha nang ce lä khimi ce tea kähawi-a säbawng haw ö vi ai.

1 Johan 1:2

Honi älo lä khimi-a aelawng kha khimi angxynlyng na ma äni tea nung haw ö te vi. Kai ce lä nung pyng kha nang ce tea thui ö te vi. Honi dungtäsa kähing py saite lawngtä lä angcü üng hai ma awng kha mä-ai üng Pä-ai Säthaw hai mangtä awng te vi. Vaihi Säthaw lä äni bung mä-ai tea mätü te vi dy.

1 Johan 1:3

Kai ce nung kha thai saite na nang ce tea la thui te ö by vi. Hokä ea ni mä-ai lä mangtä rawijae aesa hethang dang ö ai. Mä-ai lä Pä-ai Säthaw hai Äcäpaw Isu Khrista hai rawijae aesa ö saite na vi.

1 Johan 2:23

Äcäpaw bung aephae saite kung lä Äpä-ai hai bungtä awng haw y lyng. Isu lä Säthaw üng Cäpaw näkha cüngpra-a thui dylä äni lä mä-ai üng Pä-ai Säthaw hai bungtä kae vi dy.

1 Johan 4:6

Mä-ai lä Säthaw üng khimi na vi. Säthaw bung mäny saite na lä mä-ai üng mätu saite lo na tea tängai ö vi. Säthaw hai aesui y saite khimi na lä mä-ai üng mätu saite na tea tängai ö y. Hini kätyng khimi lawngtä lä lo mitang tea Muilaw hai-a thui te, y dylä khimi ce tea kaeling kaemae sa hethang Setan ma py saite haidae hai-a thui te tea mä-ai lä mäny haw ö te vi.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.