Johan 17:11 - Caekäcai Kangthae (Lemi)

¹¹ Kai lä Nang tea vaihi vawi haile tyng vi ai. Älawngpre-a awng y dy. Tungaila äni ce lä älawngpre-a awng vi ai rawng. Caiping saite Pä-ai, Nang, üng ämüng haidae hai äni ce bung aekung hai te vi. Nang hai Kai bungtä awng te kätyng, äma ce tingtawi bungtä awng hethang Nang ma Kai tea hini ämüng py vi dy.

Asang Khongso New Testament

¹¹ Vaihi nangcae khaeah kangzoh han; kai loa long ah ka om mak ai boah, to-e anihcae loa long ah om o vop tih. Kacai Pa! nang hoi kai loa bum maeto ah oh batih toengah anihcae doeh bum maeto ah oh thaih toeng hanah nang paek ih na hmin hmuensak thaihaih hoiah kasueng ta-ah toepkawt rae ah.

Johan 17:11 ပူးပေါင်းရင်းမြစ်များ

Mathai 10:16

“Käsui na thung-a beram na bung mätaw te kätyng kai lä nang ce bung khimi käsi na thung-a mätaw te vi. Tukätephüng-a nang ce lä Bärui na kätyng bälungkähae awng ö. Bähö na kätyng tämang saite sa hang.

Mathai 5:48

Tukätephüng-a Känipre üng Pä-ai Säthaw lä cungrü te kätyng nang ce la cungrü-a awng ö jo.

Mathai 6:9

Tukha nang aetang te kätü-a hini kä thui ö. ‘Känipre üng kai ce üng Pä-ai ä, nang üng ämüng käcai tea khimi ce ma tämö khai sy.

Johan 13:1

Cäqengja te pawi käni haetä tyng hethang kätü lä aenai dy. Isu lä älawngpre üng tho kha Pä-ai tea vawi haile hethang kätü tyng te mäny pa vi. Isu lä älawngpre-a awng saite äma üng äkähui na tea bälung aevaw jawjaw te vi. Äni ce tea käni kangteng khytä bälung aevaw jawjaw vi.

Johan 13:3

Pä-ai ma Isu tea äte angxynlyng na sa hethang aenae a pa dy. Isu lä hini na mäny king te vi. Äma lä Säthaw te mang üng ly te vi kha Säthaw tea vawi haile tyng ai näte mäny te vi.

Johan 14:20

Kai aetha haile te käni-a, kai Pä-ai tea awng ea nang ce lä kai tea awng te kätyng kai la nang ce tea awng näte nang ce mäny ö ai mang.

Johan 16:28

Kai lä Pä-ai te üng tho kha älawngpre-a cäqa te kae. Vaihi älawngpre üng tho kha Pä-ai tea vawi haile tyng ai dy” näpa.

Johan 16:33

Nang ce lä Kai hai aesui kha awngneng hethang tähang hini phüng na Kai thui pyng te vi dy. Nang ce lä älawngpre-a mätangca saite na aeting ö vi ai. Tungaila aethaw aela kha awng ö. Kai lä älawngpre tea bäja te vi dy” näkha näpa.

Johan 17:23

Pä-ai, Nang, ma Kai hai aesui te kätyng Kai la äni ce hai aesui te by. Tukä ea ni äni ce lä käcung-a bungtä lawng ö vi ai. Tupyng-a Pä-ai, Nang, ma Kai bung mätaw kha Kai tea bälung aevaw te kätyng, äni ce tea la Pä-ai ma bälung aevaw saite älawngpre üng khimi angxynlyng na lä mäny haw ö bawi vi ai” näpa.

Johan 17:25

Käcüng saite Pä-ai ä, Nang bung älawngpre üng khimi na ma mäny ö y. Tungaila Kai lä Nang bung mäny vi. Hini äkähui na lä Kai bung Pä-ai, Nang, ma mätaw näte mäny ö by dy.

Johan 17:6

“Pä-ai ma hini älawng üng Kai tea py saite khimi na bung Pä-ai tea mäny hai te vi dy. Hini khimi ce lä Nang hai aesui kha Nang lä äni ce bung Kai tea a pyng te vi dy. Äni ce lä Nang üng älo tängai jawjaw ö dy.

Johan 7:33

Isu ma khimi ce tea “Kai lä nang ce hai tänaetä awng te kae. Tupyng-a kai ma bung mätaw saite Kung tea vawi haile vi ai.

Angtawtha 3:21

Jangni-a Säthaw ma lä buisaw käcai na hai-a, älo aedo hai rüng te kätyng angxynlyng sa bälai bawi y te khytä Isu lä Känipre-a awng he kae vi.

Pawlae ma Rom märü üng kangkawng tähang tärü saite cae 12:5

Honi kätyng-a mä-ai lä aetawng y saite khimi awng mang ö ngaila, Khrista tea lä bungtä te phüng-a, mä-ai angxynlyng na lä ätabung haetä üng aesui saite kaepreng na vi.

Pawlae ma Rom märü üng kangkawng tähang tärü saite cae 9:17

Caekäcai thung-a Säthaw lä Aikuta pre üng Faraw sanphrang tea, “Kai lä nang tea sanphrang sa hai te lä kai üng phung-ang nang te mang hai-a mätü kha älawngpre angxynlyng-a kai üng angthang aepreng hai hethang vi” näkha näpa.

1 Korin 1:10

Kai üng kangby jä-ai na ä, mä-ai üng Areng Isu Khrista ma kai tea äma üng aenae hai thui hethang py vi dy. Nang ce lä lawng lawngtä ae-e ö hethang kae y dy lyng. Kangkawng thung-a aetäphü hethang kae y vi dy. Nang ce lä bälung mangtä, dawng saite la mangtä awng ö lawi näkha kai lä nang ce tea mäci khü te vi dy.

Galati 3:28

Isu Khrista hai bungtä lawng te phüng-a khimi angxynlyng na lä mangtä kae. Äni üng maw-a lä Judae khimi hai Käri khimi, mawsawng tangnae hai khimi kaelawi, nawngmäcaw hai nawngmädi lä mangtä bawi te kae vi.

Ephesi 4:4

Mä-ai yng saite na lä khimi lawngtä üng ätabung kaesui kaebeng kätyng vi. Mä-ai üng bälung thung-a aeta saite Muilaw Käcai lä lawngtä kae. Hini kätyng Säthaw lä nang ce bung ka te kätü-a, aethang khai saite haetä py te kae.

Filipi 2:9

Tukätephüng-a Säthaw lä mityng kaesangky-a äni bung mäsang kha, ämüng kälang angxynlyng na qawng-a lengky saite ämüng py pa vi dy.

Hebrai 1:3

Äcäpaw lä Säthaw üng phung-ang matangtä cangxei hethang hawi mei näte tea mätü kha äma khekhe lä Säthaw üng aeme aeqa saite hai aetawng khaw te vi. Hini älawng hai käni äte angxynlyng na tea lä äma üng haidae awng saite lo hai äma ce üng mityng-a awng jawjaw hethang sa te vi. Äni lä khimi ce üng hunghö na tea mäcai pyng ea Känipre-a awng saite phung-ang kälengky Säthaw üng bangtang mang-a aety vi dy.

Hebrai 9:24

Khrista lä khimi ce üng äkö hai sa saite Mityng Käcai-a kung te y lyng. Älawngpre-a awng saite Mityng Käcai lä Känipre-a awng saite Mityng Käcai täthei vi dy. Äni lä mä-ai üng jüng-a Säthaw üng maw-a tyng hethang Känipre-a kung te vi dy.

Jako 4:4

Nang ce lä täkübäjang sa ö saite kätyng vi. Nang ce lä honi älawngpre üng hawi y saite älang tea bälung aevaw dylä, Säthaw tea esäre te vi dy näte nang ce lä mäny ö y mei. Hini älawngpre üng rawijae aesa hethang ngai saite khimi lä Säthaw üng täre-a lawng te vi dy.

1 Piter 1:5

Kangkhüng üng käni-a, Säthaw lä äma üng aeqang saite täphawng te kätü khytä, nang ce üng yng saite phüng-a äma üng haidae hai-a nang ce bung aedung pa vi dy.

1 Johan 3:12

Äkangby Abela bung bädü kha Setan hai aesui saite Ka-i-na kätyng aelawng ö hang. Ätephüng-a Ka-i-na ma äkangby tea bädü mei nädylä, äni lä kähawi y na sa kha äkangby lä kätüng na sa te phüng-a vi.

1 Johan 5:19

Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.

Judae 1:1

Kai, Judae, Isu Khrista üng mawsawng hai Jaeko üng kangby ma hini cae tärü dy. Mä-ai üng Pä-ai Säthaw ma re ea äma üng bälung aevaw saite thung-a awng kha Isu Khrista ma aedung hai saite khimi angxynlyng na tea hini cae tärü te vi.

Judae 1:24

Säthaw lä aethaw leng phi te phüng-a nang ce tea aetüng y rung khytä säbawng haw te vi. Nang ce tea sa tämang saite üng cai hai kha anghawtho phi saite hai-a äma üng phung-ang awng saite maw-a nähai haw te vi.

Lokphong 15:4

Areng ä, nang üng ämüng bälaw kha tämö khai y saite lä ämi awng ai mei. Nang lawngtä xyng ni cai te kae vi. Pre angxynlyng na üng khimi na lä nang tea ly kha cäphaw ö ai. Ätephüng-a mei nädylä nang sa saite lä cüng vi näte khimi qütä mäny ö vi” näkha thui ö vi dy.

Lokphong 19:12

Äni üng ämi na lä mai kätyng aengaw vi. Äni üng älö-a lä areng lökhu na aekhu vi. Äni üng qawng-a lä ämüng haetä tärü vi dy. Tungaila honi ämüng tea lä äma qaitä ni mäny kae vi.

Lokphong 4:8

Honi hing saite me bälitä na lä mäkhi tärutä awng ö qi vi dy. Äni ce mäkhi üng äthung äqawng-a lä ämi na ceicei awng ö qi vi dy. Äni ce ma kärung käni aehae y käla ae-awi thui ö te lä: “Cangkhawng üng hai ma awng angci saite, vaihi awng saite hai vaimaw mang-a la awng jawjaw ea tyng hethang awng kha äte angxynlyng na sa haw saite Areng Säthaw lä, Käcai, Käcai, Käcai vi” näkha thui ö vi.