Johan 16:33 - Caekäcai Kangthae (Lemi)

³³ Nang ce lä Kai hai aesui kha awngneng hethang tähang hini phüng na Kai thui pyng te vi dy. Nang ce lä älawngpre-a mätangca saite na aeting ö vi ai. Tungaila aethaw aela kha awng ö. Kai lä älawngpre tea bäja te vi dy” näkha näpa.

Asang Khongso New Testament

³³ Kai hoiah angpaehhaih ranghoiah monghaih na hnuk o thaih hanah hi lok hae kang thuih o. Long mah patang raihaih to na paek o tih. To-e misa hoihsak oh! Long hae ka pazawk boah!” tiah a thuih.

Johan 16:33 ပူးပေါင်းရင်းမြစ်များ

Mathai 9:2

Khimi phütä na ma kökho kädü lawngtä bung Isu tea nähai pa. Äni lä i nae qawng-a aesawng pa te vi. Isu lä hini khimi ce üng yng saite nung kha naw saite khimi tea “Änang ä, aethawsi hang. Nang üng hunghö bung kai ma bälawi vi dy” näkha näpa.

Luka 19:38

“Areng üng ämüng hai ly saite sanphrang tea Säthaw ma tähang kähawi py sy. Känipre-a lä awngneng te awng sy. Aesangky saite Säthaw üng phung-ang la leng sy” näkha ätüng kaesa hai thui ö dy.

Luka 2:14

“Aesangky saite Säthaw tea bälaw ö si. Älawng qawng üng Säthaw ma bälung aevaw saite khimi na tea lä awngneng te awng jo sy” näkha thui pa ö dy.

Johan 12:31

Vaihi ma älawngpre üng khimi na tea tärae cei he kätü lä tyng te dy. Säthaw ma hini älawngpre tea pyng saite Setan angra bung lä mäthoja vi ai.

Johan 14:1

Isu ma “Nang ce lä bälungbi ö hang. Säthaw tea phai yng ö. Kai tea la yng ö.

Johan 14:27

“Nang ce bälung awng derui saite Kai ma khai pa dy. Kai üng awngneng saite nang ce tea py dy. Älawng üng khimi na lä hini awngneng saite py haw y. Nang ce lä bälungbi ö hang. Ri ö hang.

Johan 16:11

Säthaw lä älawngpre bung pyng saite Setan angra tea tärae cei pyng te phüng-a, äni ce lä tärae cei te phüng aedawng te tämang ö vi.

Angtawtha 14:22

Märü qütä änini lä Yng saite khimi na hai aeting ea Säthaw üng Angthang Kähawi thui kha Isu tea yng jawjaw hethang aethaw py pa hawi dy. Tukha änini ma “Mä-ai Isu tea yng saite na lä Säthaw üng pre-a kung y te kälang-a, mätangbälai saite na aeting ö vi ai” näkha Yng saite khimi na tea thui pa dy.

Angtawtha 23:11

Honi kärung-a Areng lä Pawlae teng-a aedaw kha “Ri hang. Nang lä Jerusalem märü üng khimi na tea kai üng phüng thui pyng te kätyng, Rom märü üng khimi na tea la thui he kae te by vi” näkha näpa.

Angtawtha 27:22

Tungaila vaihi lä aethawsi ö hang. Nang ce thung-a ämi la dü y lyng. Tui sangphaw ma qaitä ni pra he kae mang.

Angtawtha 27:25

Tukätephüng-a aethawsi ö hang. Kai lä Säthaw tea Yng saite khimi vi. Tukha kai tea Säthaw üng angtawtha ma thui te kätyng lä, tyng khaw vi ai näte kai lä yng vi.

Angtawtha 9:31

Honi kätü-a Judae khö, Kalile khö hai Samari khö mityng qütä-a kangkawng na lä awngneng pa vi dy. Kangkawng üng khimi na lä Areng Isu tea ri te bälung hai-a, awng kha Muilaw Käcai ma, äni ce tea säbawng kha aethaw py pa vi. Tukha yng saite na lä awng mang rae pa ö vi dy.

2 Korin 1:3

Mä-ai üng Areng Isu Khrista üng Pä-ai Säthaw tea mä-ai lä bälaw ö si. Äni lä khimi angxynlyng na tea bäheng saite Pä-ai vi. Äni lä khimi ce tea säbawng khaw saite Säthaw vi.

2 Korin 13:11

Kai üng kängby jä-ai na ä, kangkhüng üng cibai sa saite lo lä nang ce lä nawsaw hawi kha anghawtho ö sy. Cungrü hethang aethawsa ö. Kai ma nang ce tea thui pyng saite tea tängai ea bälung haetä awng kha awngneng te hai-a ma awng ö. Hini kätyng nang ce sa dylä, bälung aevaw te hai awngneng te käpy Kung, Areng Säthaw, lä nang ce hai mangtä awng ai.

2 Korin 2:14

Mä-ai üng Säthaw tea mä-ai bälaw ö si. Säthaw lä mä-ai bung Khrista üng bäja saite pawi-a qa hai jawjaw hethang phüng-a vi. Mä-ai ly saite mityng qütä-a, Säthaw lä Khrista üng Angthang Kähawi thui hai jawjaw te vi. Honi lä ämui kähawi kätyng lawng hai hethang vi.

2 Korin 4:7

Kai ce lä sui tangkae awng saite sätüng na kätyng vi. Hini hai-a kai ce lä äte angxynlyng na qawng-a lengky saite haidae lä Säthaw hai aesui te vi näte mätü te vi. Hini lä kai ce hai aesui te y.

2 Korin 6:4

Kai ce lä Säthaw üng mawsawng na lawng vi näte älang cawngkhang hai-a mätü ö te vi. Kai ce lä mätang bälai saite, rae saite na, xhuxa saite na hai aeting te kätü-a, änawngsa kha khung ö te vi.

2 Korin 7:4

Kai lä nang ce tea bälung ae-y phi kha nang ce phüng tengxyng y aethaw te vi. Mätang bälai saite aeting te kätü-a, nang ce ma kai ce tea aethaw py kha tengxyng y anghawtho te vi.

Galati 1:4

Mä-ai üng Pä-ai Säthaw aely kängai-a mä-ai üng hunghö sa te phüng-a, Isu Khrista lä dü pa te vi dy. Hini hai-a käsi kaedawng saite hai kähawi y sa saite khimi na kätyng awng y hethang äni lä mä-ai bung aeqang te vi.

Galati 6:14

Kai tähang aethaw nae lä mä-ai üng Areng Isu Khrista üng thinglang haetä xyng kae vi. Khrista üng thinglang hai-a hini älawngpre hai aesui saite na lä kai tähang äly leng te y. Kai la hini älawngpre üng khimi ce tähang äly leng te y.

Filipi 4:7

Tukä dylä nang ce tea Säthaw ma awngneng saite py ai. Honi awngneng saite tea lä khimi ce üng kaedawng hai mäny lei haw te y vi. Nang ce lä Isu Khrista üng khimi na lawng te phüng-a, hini awngneng saite lä nang ce üng bälung hai kaedawng saite na tea rui kha aedung hai pa ö ai mang.

Kolosa 1:20

Säthaw lä äma üng Cäpaw tähang hai Känipre-a awng saite angxynlyng na hai älawngpre-a awng saite angxynlyng na äma tea tyng hai hethang aely ngai te vi. Äma üng Cäpaw lä thinglang qawng-a äthi lawng hai te, hai äte angxynlyng na tea Säthaw lä äma hai aede hethang älang sa pa te vi dy.

1 Thesalon 3:4

Tätang khaw, nang ce hai kai ce lä mangtä awng te thüng-a, mä-ai lä mätang bälai te aeting ai te phüng, nang ce tea thui rüng ö te vi dy. Honi lä mä-ai aeting tätang khaw te tea nang ce lä mäny ö khaw saite vi.

1 Thesalon 3:7

Tudylä yng saite kangby jä-ai na ä, kai ce üng mätang bälai kha bälung aethawsi te kätü-a, kai ce lä nang ce üng yng saite phüng-a aethaw dang ö vi dy.

2 Thesalon 3:16

Awngneng te kä py Kung, Areng Isu, ma nang ce tea aeting saite angxynlyng na thung-a awngneng saite py jawjaw sy. Areng lä nang ce angxynlyng hai mangtä awng sy.

2 Timote 3:12

Tätang khaw-a thui si nädylä, Isu Khrista hai bungtä awng te hai-a Säthaw üng bälung kängai-a sa saite khimi qütä lä sakälö khü saite aeting khaw ai.

Hebrai 11:25

Äni lä tänaetä hunghö hai-a anghawtho te qawng-a, Säthaw üng khimi na hai mangtä mätang bälai hethang awng saite tea re vi dy.

Hebrai 7:2

Abraham lä täre aety kha dang saite angxynlyng na üng phü hawtä thung üng phütä lä Melkhizede tea py pa vi dy. Melkhizede näte ämüng üng älawngsai lä, “Cüng saite sanphrang vi.” Salem märü üng pyng saite phüng-a, äni la “Awngneng saite sanphrang” näkha ämüng awng te vi.

1 Piter 5:9

Nang ce üng yng te cakhi kha äni tea aedung ö. Ätephüng-a mei nädylä hini älawngpre angxynlyng na üng yng saite äpy na lä nang ma ce kätyng mätang bälai saite na tea nang ce lä mäny ö te vi.

1 Johan 2:13

Pä-ai na ä, angcü üng hai awng saite Areng bung nang ce lä mäny ö te phüng-a, nang ce tea kai lä cae tärü te vi. Anghyngli na ä, nang ce lä Setan angra tea bäja ö te phüng-a nang ce tea kai lä cae tärü te vi.

1 Johan 4:4

Kai üng bälung aevaw saite caw nade na ä, nang ce lä Säthaw hai aesui saite na vi te phüng-a, buisaw kaeling na tea bäja ö vi dy. Ätephüng-a mei nädylä nang ce üng äthung-a awng saite Muilaw Käcai lä hini älawngpre-a pyng saite Setan üng haidae qawng-a lengky te phüng-a vi.

1 Johan 5:4

Ätephüng-a mei nädylä Säthaw üng caw nade na qütä lä hini älawngpre üng hawi y saite na tea bäja haw ö te phüng-a vi. Mä-ai lä Isu Khrista tea yng te phüng-a, hini älawngpre üng hawi y saite na tea bäja haw ö te vi dy.

Lokphong 12:11

Äni ce lä Beram caw üng äthi hai, äni ce thui saite Säthaw üng lo mitang hai-a Setan tea bäja ö vi dy. Äni ce lä dü hethang ri y käla äma ce üng hing saite tea la mäsai ö y vi dy.

Lokphong 3:21

Kai lä bäja kha kai Pä-ai üng Areng Aety nae qawng-a äni hai mangtä aety te kätyng, bäja saite khimi tea lä Kai üng aety nae qawng-a kai hai mangtä aety hethang kai ma py ai.

Lokphong 7:14

Kai ma äni tea, “Areng ä, Nang lä mäny vi” näkha mäthang vi dy. Äni ma kai tea, “Hini khimi na lä sakälö khü phi saite na aeting kha bäja ö saite na vi. Äni ce lä äma ce üng kä-o na tea Beram caw üng äthi hai mäcai ping ö pyng saite na vi dy.