Johan 16:11 - Caekäcai Kangthae (Lemi)

¹¹ Säthaw lä älawngpre bung pyng saite Setan angra tea tärae cei pyng te phüng-a, äni ce lä tärae cei te phüng aedawng te tämang ö vi.

Asang Khongso New Testament

¹¹ moa lokcaekhaih kawng to na dawn pazae o, kawmawtiah hi long ukkung hae lokcaek ah oh boah pongah ah.

Johan 16:11 ပူးပေါင်းရင်းမြစ်များ

Mathai 12:18

Säthaw ma “Hini lä kai üng mawsawng vi. Kai ma äni bung re te vi. Äni lä kai ma bälung aevaw saite lawngtä vi. Tukha äni lä kai tea bälung kawng anghawtho hai phi te vi. Kai lä äni tea kai üng Muilaw py vi ai. Tudylä kai üng mawsawng ma ceng kälang na makä sakha, khimi käcüng-a aelawng hethang phüng thui pa ai.

Mathai 12:36

“Säthaw ma khimi ce tärae cei te kätü-a lä, nang ce lä ävang ting y aepe saite älo angxynlyng na phüng täphawng he kae.

Luka 10:18

Isu ma äni ce tea “Kai lä Setan angra bung käni üng anglaw säde te kätyng aeqa te nung vi.

Johan 12:31

Vaihi ma älawngpre üng khimi na tea tärae cei he kätü lä tyng te dy. Säthaw ma hini älawngpre tea pyng saite Setan angra bung lä mäthoja vi ai.

Johan 14:30

Älawngpre bung pyng saite Setan angra lä, ly sälö te phüng-a, Kai lä nang ce hai älo awng mang-a aepe haw y ai dy. Äni lä kai tea bäja haw y lyng.

Johan 16:12

“Nang ce tea Kai thui hethang lä awng mang te vi rawng. Tungaila nang ce lä vaihi thaikaw he y rawng lyng.

Angtawtha 10:42

Kai ce ma nung khe saite hini na khimi ce tea thui hethang mätaw te vi. Säthaw ma Isu bung hing saite hai, dü saite khimi na tea tärae cei kha Areng-a awng hai hethang re pa te phüng-a, mä-ai lä honi phüng thui hethang kae te vi.

Angtawtha 24:25

Tungaila Pawlae lä Säthaw maw-a, käcüng saite phüng hai, bälung üng kängai saite aeküng hethang phüng hai, Säthaw ma tärae cei te kätü tyng hethang phüng na thui pa ea lä aecörae mätawngky Feli lä ri phi vi dy. Äni ma, “Vaihi nang lä ly haw dy. Kai ma aevaw saite käni-a nang bung ka haile ai mang ba” näpa.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

Pawlae ma Rom märü üng kangkawng tähang tärü saite cae 16:20

Awngneng te py saite üng Säthaw lä Setan angra bung nang üng kho täkui-a qae y tea ma ketibu vi ai. Mä-ai üng Areng Isu Khrista üng tähang kähawi lä nang ce hai mangtä awng jawjaw sy.

Pawlae ma Rom märü üng kangkawng tähang tärü saite cae 2:16

Tudylä kai ma thui saite Angthang Kähawi kätyng Säthaw lä Isu Khrista hai-a khimi ce üng kangru-a dawng saite na tea tärae cei te Käni lä hini kä tyng vi ai.

1 Korin 4:5

Tukätephüng-a Säthaw ma khai saite kätü tyng y te kälang-a lä, khimi ce tea tärae cei ö hang. Areng tyng haile te kätü-a, ämi lä kähawi-a sa mei, sa y mei, näte Areng ma thui vi ai. Äni lä käving thung-a ho saite na kaevang-a täphawng vi ai. Areng ma khimi ce lä äma ce üng bälung thung-a dawng saite na khimi qütä tea mäny hai vi ai. Honi kätü-a, Säthaw lä khimi qütä tea äma ce hai aeteng khaw te kätyng bälaw qi pa vi ai.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

Ephesi 2:2

Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

Kolosa 2:15

Säthaw lä phung-ang leng saite angra na tea Khrista üng thinglang hai-a bäja te tea Känipre üng angtawtha na hai khimi ce maw-a mätü pa vi dy.

Hebrai 2:14

Honi caw nade na lä äthi hai ängang awng saite khimi na vi te phüng-a, Isu lä honi na kätyng äthi ängang awng saite khimi-a aelawng khe te by vi dy. Äni üng dü saite hai-a Setan angra üng haidae tea täphra haw te vi dy. Honi Setan angra tea lä khimi ce bung bädü hai hethang haidae awng vi.

Hebrai 6:2

Hini na lä: Hawi y saite kälu na üng ae-ui kha Säthaw tea yng saite, Baptismae la saite, yng saite khimi na tea äkö thyng saite, dü saite üng aetha haile saite, dungtäsa tärae cei saite na vi.

Hebrai 9:27

Khimi qütä lä qengtä dü hethang kae kha honi pyng-a Säthaw ma äni ce tea tärae cei vi ai.

2 Piter 3:7

Hini kätyng-a Säthaw lä vaihi awng saite älawng hai käni tea lä äma üng särilo hai-a mai hai täphra hethang khai pa te vi. Äni ce bung lä Säthaw ma äma tea yng y saite na bung tärae cei kha täphra hethang kätü khytä khai pa te vi.

1 Johan 3:8

Hunghö na sa jawjaw saite na lä Setan angra hai aesui saite na vi. Ätephüng-a mei nädylä Setan angra lä angcü üng hai ma hunghö na sa te phüng-a vi. Tukätephüng-a Säthaw üng Cäpaw lä Setan angra üng kälu na tea täphra hethang ly te vi dy.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.