Johan 15:8 - Caekäcai Kangthae (Lemi)

⁸ Nang ce lä äthai awng mang-a aethai te hai-a, Pä-ai üng phung-ang aetüng hai pa dy. Honi hai-a nang ce lä kai üng äkähui-a, aelawng ö te dy.

Asang Khongso New Testament

⁸ Pa ih lensawkhaih loa nangcae mah zetpui a thaihhaih ranghoiah amtueng ah oh; totiah to kai ih hnukbang ah coeng o tih.

Johan 15:8 ပူးပေါင်းရင်းမြစ်များ

Mathai 5:16

Honi kätyng nang ce üng kaevang khimi ce maw-a aevang sy. Tukä dylä, khimi ce lä nang ce üng kälu kähawi nung kha Känipre-a awng saite nang üng Pä-ai tea bälaw ö ai.

Mathai 5:44

Tungaila vaihi nang ce tea kai ma: Nang ma ce üng täre na tea bälung aevaw ö. Nang ce tea mätang bälai-a sa saite khimi na tähang aetang pa ö.

Mathai 9:8

Hini tea khimi ce ma nung te kätü-a lä ri kha cangxei ö phi pa vi dy. Äni ce lä khimi lawngtä tea hini aenae käleng py pa te Säthaw tea bälaw ö vi dy.

Luka 6:35

Nang ce üng täre na tea bälung aevaw kha äni ce tea kähawi phai sa pa ö ba. Äni ce te üng ätete dang haile tyng hethang aedawng y käla ma aekhi ö. Tudylä nang ce lä ävang käleng dang kha Aesangky Säthaw üng caw na-a aelawng ö ai mang. Ätephüng-a mei nädylä, Säthaw lä äma üng säbawng te tea mänykaw y saite na hai käsi sa saite khimi na tea la bälung hawi khai te vi.

Johan 13:35

Nang ma ce tingtawi bälung aevaw dylä, khimi angxynlyng na ma nang ce lä Kai üng äkähui tätang na vi näte mäny ö ai mang” näpa.

Johan 15:5

“Kai lä Cäpje kung hai aetawng vi. Nang ce lä cangpre na hai aetawng vi. Khimi lawngtä lä kai hai aesui kha kai lä äni hai aesui ea ni, äthai aethai mang vi ai. Kai ma nang ce tea säbawng y dylä nang ce äte la sa haw y lyng.

Johan 8:31

Isu lä äma tea yng saite Judae khimi na tea “Nang ce lä kai thui te kätyng sa ö dylä kai üng äkähui tätang na vi dy.

1 Korin 10:31

Nang ce lä ca saite läsy, nei saite läsy, sa saite läsy, Säthaw üng phung-ang tähang sa ö hethang kae.

1 Korin 6:20

Säthaw lä nang ce bung ävang py kha rang te vi dy. Tukätephüng-a nang ce lä Säthaw üng phung-ang leng hethang nang ma ce üng ätabung tea tawng ö hethang kae.

Filipi 1:11

Isu Khrista ma nang ce tea cüng hai te phüng-a, nang ce lä kälu kähawi na sa haw ö vi ai. Tukätephüng-a khimi ce lä Säthaw üng phung-ang tea bälaw ö ai.

Titas 2:10

Ingkung na te üng ätete cawngkhang na la bäru ö hang. Ingkung lä äma ce üng mawsawng na tea ae-y king haw hethang kae. Hokä mawsawng ma awng dylä äma üng ingkung lä mä-ai üng Aeqangkung Säthaw üng Angthang Kähawi tea tängai hethang ngai ai.

Titas 2:5

Bälung cai kha mä-ai ma üng kängai tea aeküng hethang hai äma ce üng engthung-a aethaw rae kha awng hethang kae. Khimi kälang na tea bäheng hethang hai äma ce nawngpaw na üng älo na tängai hethang mätu he kae. Tudylä ämi ma la Säthaw üng lo Angthang tea lä käsi prawng haw y vi ai.

1 Piter 2:12

Säthaw tea mäny y saite khimi na thung-a nang ce lä cy y rung khytä hing ö. Tudylä äni ce lä nang ce tea sa tämang hethang cy ngaila, nang ce üng kälu kähawi na tea lä nung haw ö ai. Hini hai-a, äni ce lä Areng ly haile te käni-a Säthaw tea bälaw haw ö ai.

1 Piter 4:11

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.