Johan 15:5 - Caekäcai Kangthae (Lemi)

⁵ “Kai lä Cäpje kung hai aetawng vi. Nang ce lä cangpre na hai aetawng vi. Khimi lawngtä lä kai hai aesui kha kai lä äni hai aesui ea ni, äthai aethai mang vi ai. Kai ma nang ce tea säbawng y dylä nang ce äte la sa haw y lyng.

Asang Khongso New Testament

⁵ “Kai loa misur kung ni, nangcae loa tahang ni. Ami doeh kai thungah ka om poe moa kai doeh a thungah ka oh thuih ih kami loa zetpui athaii tih; kawmawtiah kai hoiaiah loa na sak o thaih ih tidoeh om ai.

Johan 15:5 ပူးပေါင်းရင်းမြစ်များ

Mathai 13:21

Tungaila Säthaw lo lä äni ce üng bälung thung-a cakhi y te phüng-a tänaetä yng ö te kae vi. Tukha äni ce lä Säthaw üng lo phüng-a mätangca saite aeting te kätü-a lä yng jawjaw ö y te vi.

Johan 12:24

Tängai ö. Caw mö lä älawng qawng-a aeqa ea aekaw y dylä mötä xyng awng he kae vi. Caw mö lä aekaw kha aepra dylä äthai awng mang-a aethai vi ai.

Johan 15:16

Nang ce ma kai bung re te y. Kai ma nang ce bung re te kae. Nang ce ly kha äthai aethai mang hethang kai lä mätaw te vi. Nang ce lä aekang jawjaw saite äthai na äthai he kae. Tupyng-a kai üng ämüng hai-a, nang ce mäkai saite angxynlyng na lä Pä-ai ma py ai mang.

Johan 5:19

Isu ma Judae mätawngky na tea “Tängai ö. Kai Äcäpaw, lä kai ma üng kängai kätyng-a äte haetä la sa haw y. Pä-ai sa saite nung kha hini kätyng sa te kae. Pä-ai sa saite na ni kai, Äcäpaw, la sa te kae.

Johan 9:33

Äni lä Säthaw te mang üng ly te y dylä, äte haetä la sa haw y lyng” näkha näpa.

Angtawtha 4:12

Honi Isu ma qaitä ni khimi ce bung aeqang haw te kae. Älawng qawng-a awng saite khimi na tähang Säthaw lä Isu lawngtä xyng bung mätaw te vi” näkha Peterae ma thui pa.

Pawlae ma Rom märü üng kangkawng tähang tärü saite cae 12:5

Honi kätyng-a mä-ai lä aetawng y saite khimi awng mang ö ngaila, Khrista tea lä bungtä te phüng-a, mä-ai angxynlyng na lä ätabung haetä üng aesui saite kaepreng na vi.

Pawlae ma Rom märü üng kangkawng tähang tärü saite cae 6:22

Tungaila vaihi nang ce lä hunghö üng pyng saite thung üng aelawi kha Säthaw üng mawsawng na-a lawng ö te vi. Nang ce üng dang saite ävang lä Säthaw ma nang ce tea cai hai kha honi pyng-a lä dungtäsa hing saite py te vi.

Pawlae ma Rom märü üng kangkawng tähang tärü saite cae 7:4

Kai üng kangby jä-ai na ä, hini lä nang ce hai la aesui te vi. Nang ce lä Khrista üng ätabung käsui na vi te phüng-a, äni hai mangtä dü ö te vi. Tukätephüng-a nang ce lä Ubädi kätyng hing hethang ngai ö y vi dy. Vaihi nang ce lä Säthaw ma kädü thung üng mätha tyng saite Isu Khrista hai aesui ö te vi. Tukätephüng-a mä-ai lä Säthaw üng kälu sa saite khimi lawng haw ö vi ai.

1 Korin 10:16

Areng üng kädüngbö ca te üng bynglyng tea mä-ai lä nei te kätü-a, Säthaw tea bälaw ö te vi. Honi kätü-a mä-ai lä Khrista üng äthi mangtä nei kha äni üng dü saite tea aedawng haile tyng ö te vi. Täkaw tea täpe te kätü-a, mä-ai lä Khrista üng ätabung tea mangtä ca ö te vi.

1 Korin 12:12

Mä-ai Khrista tea yng saite na lä kaepreng na awng mang saite ätabung haetä kätyng vi. Ätabung lä kaepreng awng mang te hai-a sa ngaila, honi ätabung lä haetä kae.

1 Korin 12:27

Nang ce lä Khrista üng ätabung vi. Nang ma ce thung üng khimi qütä lä honi ätabung üng kaepreng haetä lawng qi te vi.

2 Korin 13:8

Kai ce lä lo mitang tea elekhei sa haw ö te y. Kai ce lä lo mitang tähang xyng kälu sa haw ö te vi.

2 Korin 9:10

Areng lä ämöti hi saite kung tea ämöti na py kha khimi ce tea käcakänei py hai te vi. Hini kätyng Areng lä nang ce tea vaihi awng saite qawng-a cang y py rae ai. Tukha nang ce lä khimi kälang na tea säbawng rae kha kälu kähawi na sa haw ö rae vi ai.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Ephesi 5:9

Ätephüng-a mei nädylä, nang ce thung-a awng saite kaevang lä nang ce tea hawi saite na, cüng saite na hai mitang khaw saite na sa hai ö te vi.

Filipi 1:11

Isu Khrista ma nang ce tea cüng hai te phüng-a, nang ce lä kälu kähawi na sa haw ö vi ai. Tukätephüng-a khimi ce lä Säthaw üng phung-ang tea bälaw ö ai.

Filipi 4:13

Kai tea aethaw py saite Khrista hai-a kai lä äte angxynlyng na tea sa haw te vi.

Filipi 4:17

Nang ce üng lasawng tea kai lä ngai te y lyng. Säthaw ma nang ce tea ävang py hethang kai lä ngai hai te kae.

Kolosa 1:10

Tupyng dylä Areng üng ngai te kätyng awng hethang, Areng ma kawng hai hethang nang ce lä sa haw jawjaw ö ai. Nang ce lä hawi saite kälu angxynlyng na sa ö ai. Tukha nang ce lä Säthaw tea mäny te qawng-a mäny rae ö ai.

Kolosa 1:6

Nang ce tea tyng saite Angthang Kähawi lä älawngpre-a awng te mityng qütä, aethang hai dü vi dy. Nang ce lä honi Angthang Kähawi thai angcü kha Säthaw üng tähang kähawi tea mäny te üng hai ma dang te kätyng, mityng qütä awng saite khimi na la dang ö tyng by vi dy.

Jako 1:17

Hawi saite hai cungrü saite lasawng qütä lä Känipre üng tho te vi. Känipre kaevang tea sa saite Säthaw lä mä-ai tea hini lasawng na py te vi. Äni lä aethui saite kaekhui kätyng aemäqa te y vi.

1 Piter 2:4

Nang ce lä Säthaw Ingkäcai üng hing saite lungphö Khrista tea ly ö te vi. Khimi ce lä äni bung khaisö ngaila, Säthaw ma äni bung lä re kha ävang käting-a mäthi te vi.

2 Piter 3:18

Tudylä mä-ai üng Aeqangkung Areng Isu Khrista üng tähang kähawi tea mänykaw rae kha äni bung mäny rae hethang aethawsa ö. Areng tea phung-ang käleng lä vai üng hai dungtäsa awng jawjaw sy. Amen.