Johan 15:19 - Caekäcai Kangthae (Lemi)

¹⁹ Nang ce lä älawng hai aesui saite khimi na y. Nang ce lä älawng üng khimi na aesui dylä äni ce ma nang ce tea äma ce üng rawijae kätyng bälung aevaw ai mang. Kai lä nang ce bung älawng üng khimi na thung üng re te dy. Tukätephüng-a älawng üng khimi na ma nang ce tea esäre ö te kae.

Asang Khongso New Testament

¹⁹ Nangcae loa long iah na oh o nahaeloa long mah nangcae to angmah ih batiah palung o tih. To-e kaimah hi long hoitoah kang tuek o moa anih ih na ai boah ni; topongah long mah nangcae to ang hnukmaa o haih ih ni.

Johan 15:19 ပူးပေါင်းရင်းမြစ်များ

Mathai 10:22

Kai üng phüng-a khimi angxynlyng na lä nang ce tea esäre ö vi ai. Tungaila kangteng khytä cakhi-a awng saite khimi tea lä Säthaw ma aeqang pa vi ai.

Mathai 24:9

“Tupyng-a khimi ce ma nang ce bung ne kha mätang bälai-a sa ea bädü vi ai. Kai üng phüng-a khimi qütä lä nang ce tea esäre ö vi ai.

Luka 6:32

“Nang ce tea bälung aevaw saite khimi na tea ni bälung aevaw kae dylä, Säthaw ma nang ce tea kähawi thui he y lyng. Hunghö sa te khimi ce mäteng ma äma ce bälung aevaw saite khimi na tea bälung aevaw ö te vi.

Johan 13:18

“Nang ce angxynlyng phüng tea kai lä thui te y. Re pyng saite khimi na bung kai lä mäny vi. Tungaila Caekäcai thung-a awng te lä ‘Kai hai bö mangtä ca saite khimi lä kai tea äkho hai mäthui a’ näkha tärü saite kätyng tyng khaw vi ai” näpa.

Johan 15:16

Nang ce ma kai bung re te y. Kai ma nang ce bung re te kae. Nang ce ly kha äthai aethai mang hethang kai lä mätaw te vi. Nang ce lä aekang jawjaw saite äthai na äthai he kae. Tupyng-a kai üng ämüng hai-a, nang ce mäkai saite angxynlyng na lä Pä-ai ma py ai mang.

Johan 6:70

Tukha Isu ma “Kai lä nang ce lawng hawlai netä na bung re te dy. Tungaila nang ce thung üng lawngtä tea lä Setan angra ma kung vi” näpa.

Jako 4:4

Nang ce lä täkübäjang sa ö saite kätyng vi. Nang ce lä honi älawngpre üng hawi y saite älang tea bälung aevaw dylä, Säthaw tea esäre te vi dy näte nang ce lä mäny ö y mei. Hini älawngpre üng rawijae aesa hethang ngai saite khimi lä Säthaw üng täre-a lawng te vi dy.

1 Piter 4:3

Jangni-a nang ce lä Säthaw bung mäny y saite khimi na kätyng awng te kätü tea awng mang-a bärawng ngae ö te vi dy. Nang ce lä täkübäjang sa saite na, ngaiphi tüng y-a hui saite na, bärui ngae saite na, pawi sa kha nei, ca ngae saite na, Säthaw ma känyng saite mimi tea cäphaw saite na kätyng awng ö te vi dy.

1 Johan 3:12

Äkangby Abela bung bädü kha Setan hai aesui saite Ka-i-na kätyng aelawng ö hang. Ätephüng-a Ka-i-na ma äkangby tea bädü mei nädylä, äni lä kähawi y na sa kha äkangby lä kätüng na sa te phüng-a vi.

Lokphong 12:17

Tudylä Näka käleng lä nawngmädi tea kädawtho pa vi dy. Äni lä nawngmädi üng kaesui kaebeng kälang na tea aety hethang tho pa vi dy. Tukha Säthaw üng Ubädi na tea tängai kha Isu ma mätü saite lo mitang tea cakhi-a yng khü saite na tea la Näka ma täre aety vi dy.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.