Johan 15:10 - Caekäcai Kangthae (Lemi)

¹⁰ Kai lä Pä-ai üng särilo tängai kha Pä-ai lä Kai tea bälung aevaw jawjaw te kätyng nang ce lä Kai üng särilo tängai dylä, Kai lä nang ce tea bälung aevaw jawjaw vi ai.

Asang Khongso New Testament

¹⁰ Pa ih lokpaek to ka pazui moa angmah ih amlunghaih thungah ka oh poe batiah kai ih lokpaek to na pazui o nahaeloa kai ih amlunghaih thungah na om o poe tih.

Johan 15:10 ပူးပေါင်းရင်းမြစ်များ

Johan 10:18

Kai ma üng aely hai y dylä ämi la Kai bung bädü haw y. Kai ma üng aely hai ea ni Kai bung bädü haw te kae. Kai lä Kai ma üng hing saite aepy he aenae awng te vi. Kai ma tea hing haile hethang aenae la awng. Hini kätyng sa hethang Pä-ai ma Kai tea py te vi dy” näkha näpa.

Johan 12:49

Ätephüng-a mei nädylä kai lä kai ma üng aenae hai thui te y. Kai bung mätaw saite Pä-ai ma ätemakä angtu thui ai mei näte kai tea thui te vi.

Johan 14:15

“Nang ce ma kai tea bälung aevaw dylä kai üng särilo na nang ce tängai hethang kae.

Johan 14:21

“Kai üng särilo thai kha tängai saite khimi na lä, kai tea bälung aevaw ö te dy. Kai bung bälung aevaw saite khimi na tea lä, Pä-ai la bälung aevaw by vi ai. Kai la äni ce tea bälung aevaw kha kai ma khekhe äni ce tea aetüng hai pa vi ai” näkha näpa.

Johan 14:23

Isu ma “Kai tea bälung aevaw saite khimi na lä, kai üng angtu lo tängai ö vi ai. Kai üng Pä-ai lä äni tea bälung aevaw vi ai. Pä-ai hai kai ni lä äni ce hai mangtä awng ai.

Johan 14:31

Kai lä Pä-ai tea bälung aevaw näte älawngpre üng khimi na ma mäny hethang aely ngai. Tukätephüng-a Pä-ai ma kai tea thui te kätyng, Kai lä angxynlyng na sa khaw te kae. “Hini mityng üng aetha kha ly ö si dy” näkha näpa.

Johan 17:4

Hini älawng qawng-a Kai lä Pä-ai üng phung-ang mätü pa te vi dy. Nang ma sa hai saite kälu Kai lä khüng rung khytä sa pyng te vi dy.

Johan 4:34

Isu ma “Kai bung mätaw saite Kung üng aely ngai te kätyng sa kha äni ma kai tea py saite kälu khüng rung khytä sa te lä kai üng käcakänei kae dy.

Johan 8:29

Kai bung mätaw saite Kung lä Kai hai mangtä awng te vi. Äni üng aely kängai-a Kai lä sa jawjaw pa te phüng-a Äni lä Kai bung khaisö te y vi” näkha näpa.

Johan 8:55

Nang ce lä äni tea mäny ö y ngaila Kai lä mäny vi. Kai lä äni tea mäny y näkha thui dylä Kai lä nang ce kätyng kaeling lo thui saite by kae dy. Kai la Pä-ai bung mäny kha äni üng lo tängai saite kung vi.

1 Korin 7:19

Khimi lawngtä lengkhüng täke te, täke y te lä aely leng te y. Säthaw üng lo tängai hethang xyng ni aely lengky te kae vi.

1 Thesalon 4:1

Kangkhüng-a lä yng saite kangby jä-ai na ä, nang ce lä Säthaw üng kängai-a makä sa kha awng ai mei näsaite phüng, kai ce lä mätu ö pyng te vi dy. Tätang khaw, nang ce lä hini kätyng awng ö te vi. Mä-ai lä Areng Isu hai bungtä te phüng-a, nang ce lä Säthaw üng kängai-a aeme aeqa rae hethang mäteng ma awng hethang kai ce lä vaihi aesi aebai kha mäci ö te vi.

Hebrai 7:26

Isu lä mä-ai üng aely ngai saite Mäthykung Kälengky vi. Äni lä caiping kha cy nae awng y. Sa tämang saite la awng y. Mä-ai hunghö sa saite khimi na hai äni lä aetawng te y vi. Säthaw lä äni bung Känipre üng aesangky saite mityng-a mäsang pa vi dy.

2 Piter 2:21

Äni ce lä älang käcüng tea mäny y dylä, hawiky te vi. Säthaw üng älang mäny pyng-a, äma üng äkähui na ma mätu saite caiping te särilo käcai khaisö haile vi dylä, äni ce lä tähang siky ö te vi.

1 Johan 2:3

Mä-ai ma Säthaw üng Ubädi na tängai dylä, mä-ai lä äni bung mäny vi näsaite tea ae-y khü ö te vi.

1 Johan 2:5

Tungaila mä-ai lä äni üng Ubädi tea tängai dylä, mä-ai lä Säthaw tea bälung aevaw te kawi ö vi dy. Mä-ai lä Säthaw hai bungtä awng saite tea hini kätyng mäny haw khü ö te vi.

1 Johan 2:6

Mä-ai lä Säthaw hai bungtä awng dylä Isu Khrista kätyng awng hethang kae.

1 Johan 5:3

Mä-ai lä Säthaw tea bälung aevaw tätang vi nädylä, Äni üng Ubädi na tea tängai ö te vi. Säthaw üng Ubädi na lä rae te y lyng.

Lokphong 22:14

Mä-ai ma üng kä-o na tea caiping-a mäsu saite khimi na lä tähang hawi. Äni ce lä kähing py saite thingkawng kung üng äthai ca haw kha märü käleng thung-a hawngkhae kätho na mang kung haw ö ai.