Johan 14:6 - Caekäcai Kangthae (Lemi)

⁶ Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Asang Khongso New Testament

⁶ Jesuh mah anih khaeah, “Kai loa loklam, loktang hoi hinghaih ni; kai ranghoi tiaialoa ami doeh Pa khaeah pha thaih mak ai,” tiah pathim pae.

Johan 14:6 ပူးပေါင်းရင်းမြစ်များ

Mathai 11:27

“Kai pä-ai ma kai tea haidae hai bälungkähae py king vi dy. Ämi lawngtä lä Säthaw üng cäpaw näte mäny y. Pä-ai lawngtä xyng ni mäny te kae vi. Äpä-ai näte ämi lä mäny y. Kai, Äni üng Cäpaw, ma mäny hai he ngai saite khimi phütä na lä Ä-ai tea mäny ö dy.

Johan 1:14

Älo lä khimi-a aelawng kha kai ce tea bälung aevaw te hai Säthaw üng bälung kähawi mitang khü-a mätü ea mä-ai hai mangtä awng. Kai ce lä äni üng phung-ang nung ö dy. Hini phung-ang lä Pä-ai Säthaw ma Cäpaw lawngtä xyng tea py saite phung-ang vi.

Johan 1:17

Säthaw lä Mosi te mang hai-a Ubädi lo py kha Säthaw üng bälung kähawi hai mitang khü lä Isu Khrista hai-a tyng dy.

Johan 1:4

Sa saite angxynlyng na lä älo hai-a hing te dang. Honi hing saite lä khimi ce tähang kaevang vi.

Johan 10:28

Kai ma äni ce tähang dungtäsa hing te py dy. Manila äni ce la dü y dy. Ämi la Kai kö thung üng äni ce bung lawng haw y lyng.

Johan 10:7

Tukha Isu ma “Tängai ö, Kai lä beram na kung saite hawngkhae vi.

Johan 10:9

Kai lä hawngkhae vi. Honi hawngkhae mang kung saite na lä awng derui te dang ai. Äni ce lä kung hai tho hai ea, ca nei hethang käcakänei kähawi na dang ö vi ai” näpa.

Johan 14:19

Qae y te kätü-a älawng üng khimi na lä, kai bung nung ö haw y dy. Tungaila nang ce lä nung ö vi ai rawng. Kai lä hing te phüng-a nang ce la hing ö by vi ai.

Johan 15:1

“Kai lä Cäpje kung tätang dy. Kai üng Pä-ai lä angkhaw Kung vi.

Johan 18:37

Pilata ma “Tudylä Nang lä Sanphrang vi mei” näkha düng pa. Isu ma “Nang ma thui te kätyng Kai lä Sanphrang vi. Kai lä Älo mitang phüng thui hethang tähang-a aepeng kha hi älawng qawng-a cäqa te dy. Älo mitang hai aesui saite khimi na lä Kai üng älo na tängai ö te vi” näkha näpa.

Johan 5:21

Pä-ai lä khimi kädü na bung mäning haile te kätyng-a Kai, Äcäpaw, la kai ma aely ngai saite na bung hing te py te by vi.

Johan 6:33

Honi Säthaw ma py te täkaw lä käni mang üng aeqa kha älawng üng khimi angxynlyng na tähang hing nae py te kae vi” näpa.

Johan 6:51

Kai lä Känipre üng cäqa saite hing te Täkaw vi. Hini Täkaw ca saite khimi na lä dungtäsa hing te dang vi ai. Hini Täkaw lä kai üng ängang vi. Älawng üng khimi na tea hing hai hethang tähang-a kai üng ängang py te vi.”

Johan 6:57

Hing saite Pä-ai ma Kai bung mätaw kha Kai lä Pä-ai phüng-a hing te kätyng Kai üng ängang ca saite khimi na lä Kai phüng-a hing ö vi ai.

Johan 6:68

Simon Peterae ma “Areng ä, kai ce lä ämi tea ly ö ai mei. Dungtäsatä kähing py saite älo lä nang tea ni awng te kae be.

Johan 8:32

Säthaw üng phüng tätang nang ce mäny ö te phüng-a honi ma nang ce bung aelawi hai pa vi ai mang” näkha näpa.

Johan 8:51

Tängai ö, Kai üng lo tängai saite na lä manila dü y ai dy” näkha näpa.

Angtawtha 3:15

Nang ce ma hing hai saite kung bung lä bädü ö vi. Tungaila Säthaw ma Isu bung lä kädü thung üng mätha haile pa vi. Kai ni lä ämi hai nung khe hawi te vi kha hini kätyng nang ce tea thui haw te dy.

Angtawtha 4:12

Honi Isu ma qaitä ni khimi ce bung aeqang haw te kae. Älawng qawng-a awng saite khimi na tähang Säthaw lä Isu lawngtä xyng bung mätaw te vi” näkha Peterae ma thui pa.

Angtawtha 9:2

Damasaka märü-a awng te Judae na üng ingkäcai mätawngky na tea py hethang cae mäkai pa vi. Sawlae lä Damasaka-a, Areng Isu üng leithung hui saite nawngmädi nawngmäcaw na bung aeting ea äni ce bung ne kha aethaw paitae hai-a, Jerusalem märü-a nähai hethang aenae ngai te vi.

Pawlae ma Rom märü üng kangkawng tähang tärü saite cae 15:16

Kai lä ceng kälang na tähang kälu sa hethang Khrista Isu üng mawsawng-a lawng vi dy. Säthaw ma kawng hai saite löci mawi käcai lawng hethang kai lä Säthaw üng Angthang Kähawi ceng kälang na tea thui hethang mäthykung lawngtä kätyng sa te vi dy. Muilaw Käcai lä honi na tea Säthaw tähang kälang khai pa te vi.

Pawlae ma Rom märü üng kangkawng tähang tärü saite cae 5:2

Mä-ai üng Isu Khrista tea yng saite hai-a Säthaw üng tähang kähawi lä mä-ai tea vaihi dang kha tähang kähawi thung-a hing ö te vi dy. Mä-ai lä Säthaw üng tähang kähawi hai-a hing ö te vi. Mä-ai lä Säthaw üng phung-ang thung-a qa hethang aethang khai saite phüng-a anghawtho ö te vi.

Pawlae ma Rom märü üng kangkawng tähang tärü saite cae 5:21

Tukha khimi angxynlyng na tea lä hunghö ma pyng kha dü hethang kae te kätyng, Säthaw üng tähang kähawi ma la pyng te vi dy. Honi hai-a khimi angxynlyng na tea lä Säthaw ma äma üng maw-a khimi käcüng-a mäthi kha mä-ai üng Areng Isu Khrista hai-a dungtäsa kähing py pa vi dy.

1 Korin 15:45

Caekäcai thung-a, “Säthaw lä angcü üng khimi Adam bung sa te kätü-a, Adam lä hing saite khimi lawng vi dy” näkha awng vi. Khrista näte kangkhüng üng Adam lä kähing py saite Muilaw vi.

Ephesi 2:18

Khrista phüng-a nang ce hai kai ce lä haetä saite Muilaw Käcai hai-a mä-ai üng Pä-ai Säthaw tea ly haw te vi.

Kolosa 2:17

Honi jae saite na hai reitae na lä vaimaw mang-a tyng hethang awng saite kaekhui haetä kätyng vi. Khrista lawngtä xyng ni mitang khaw te kae.

Kolosa 2:9

Khrista lä khimi-a aelawng te kätü-a, äni lä Säthaw üng cungrü saite kätyng hing te vi.

Kolosa 3:4

Nang ce üng hing saite langdüng lä Khrista vi. Äni lä älawngpre-a ly haile te kätü-a, nang ce la äni üng phung-ang dang kha äni hai mangtä tho ö by ai.

Hebrai 7:25

Tukätephüng-a Isu hai-a Säthaw tea ly saite khimi na bung lä dungtäsa cungrü-a aeqang haw bawi ö te vi. Ätephüng-a mei nädylä äni lä khimi ce bung aeqang he Säthaw tea aetang haw jawjaw hethang dungtäsa hing te vi dy.

Hebrai 9:8

Angcüky üng taipung awng te kätü-a, Mityng Käcaiky thung-a ly saite lolang pä-awng y vi rawng te phüng-a, hini angxynlyng na hai Muilaw Käcai lä aenysy-a mätu te vi.

1 Piter 1:21

Nang ce lä Khrista hai-a Säthaw tea yng ö te vi. Säthaw ma Khrista bung lä kädü thung üng mätha haile tyng kha äni tea phung-ang py pa vi dy. Tukätephüng-a nang ce lä Säthaw tea yng kha aethang khai tätang ö te vi.

1 Piter 2:4

Nang ce lä Säthaw Ingkäcai üng hing saite lungphö Khrista tea ly ö te vi. Khimi ce lä äni bung khaisö ngaila, Säthaw ma äni bung lä re kha ävang käting-a mäthi te vi.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.

1 Johan 1:8

Mä-ai lä hunghö awng y näkha thui dylä, mä-ai ma tea kaeling kaemae sa ö te kae. Säthaw üng lo mitang lä mä-ai üng bälung thung-a awng y.

1 Johan 2:23

Äcäpaw bung aephae saite kung lä Äpä-ai hai bungtä awng haw y lyng. Isu lä Säthaw üng Cäpaw näkha cüngpra-a thui dylä äni lä mä-ai üng Pä-ai Säthaw hai bungtä kae vi dy.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.

1 Johan 5:6

Isu Khrista lä hini älawngpre-a ly kha Johan ma äni tea tui hai baptismae py pa vi dy. Isu lä tui hai baptismae la te cang y, honi pyng-a Isu Khrista üng dü saite kätü-a, äthi tho te vi. Honi na lä tüngkhaw vi näkha Muilaw Käcai lä mä-ai tea mätü pa te vi. Ätephüng-a mei nädylä Muilaw Käcai lä khimi ce tea mitang khaw saite tea mätü jawjaw te vi.

2 Johan 1:9

Khimi lawngtä Khrista üng mätu saite kätyng awng y käla, äma üng kaedawng na kätyng sa dylä, Säthaw hai bungtä awng haw te y vi. Khrista ma mätu saite tea yng khü dylä mä-ai üng Pä-ai Säthaw ni Äcäpaw hai bungtä awng te vi.

Lokphong 1:5

Isu Khrista lä sasi thui khü kha ae-y nae hawi khaw saite Kung vi. Säthaw ma äni bung lä kädü thung üng mätha angcü pa te vi. Äni lä älawngpre üng sanphrang angxynlyng na tea pyng saite Kung vi. Isu Khrista lä mä-ai tea bälung aevaw kha äma üng äthi hai-a mä-ai üng hunghö na aelawi hai te vi dy.

Lokphong 19:11

Tupyng-a Känipre aepä-awng te tea kai lä nung kha ho-a lä Cäphö Kanglung metä awng vi. Honi qawng-a aedang saite üng ämüng lä Yng cakhi saite hai lo mitang vi. Äni üng tärae cei te hai täre tea aety saite na lä tüngkhaw vi.

Lokphong 20:15

Dungtäsa kähing dang saite ämüng tärü te cae-u thung-a qa y saite khimi na bung lä Areng ma mai tuilipui thung-a kädephae pa ö vi dy.

Lokphong 22:1

Tupyng-a Känipre angtawtha ma kai tea kähing py saite tävaw pui mätü vi dy. Honi tävaw lä Säthaw hai Beram caw Areng aety nae te üng lawng kha kälung kä-ang kätyng ang bärai vi.

Lokphong 22:17

Muilaw Käcai hai aepawng saite nawngmädi anglaw ma, “Ly lawi” näkha thui vi. Hini tea thai saite angxynlyng na ma la, “ly lawi” näkha thui ö vi. Tui aehe saite khimi lä ly lawi sy. Kähing py saite tui tea ngai te khimi lä äjawng-a nei mai sy.

Lokphong 3:14

“Leodikia kangkawng üng Känipre angtawtha tea hini kätyng cae tärü ba. “Hini lä Cakhi kha mitang khü-a sasi tho saite üng älo na vi. Äni üng ämüng lä Amen näkha mäthi te vi. Äni lä Säthaw ma sa saite angxynlyng na üng langdüng vi.

Lokphong 3:7

“Philadelphia kangkawng üng Känipre angtawtha tea hini kätyng cae tärü ba. “Hini lä käcai hai lo mitang-a awng saite Kung te üng älo na vi. Äni tea lä sanphrang Davidae üng aenae näsaite kätho saw awng vi. Honi saw hai pä-awng saite kätho tea lä, ämi ma la aekhae haw y. Aekhae saite kätho tea lä, ämi la pä-awng haw y lyng.