Johan 14:26 - Caekäcai Kangthae (Lemi)

²⁶ Pä-ai lä kai üng ämüng hai-a, nang ce tähang mätaw saite säbawng te Kung, Muilaw Käcai lä, nang ce tea angxynlyng na mätu pa ai. Kai thui pyng te na sädi dang hai ai mang.

Asang Khongso New Testament

²⁶ Ka hmin hoiah Pa mah patoeh hanih bomkung Cai Pakhra mah cungriboih to patuk ueloa ka thuih kok ih boih to doeh panoeksak let tih.

Johan 14:26 ပူးပေါင်းရင်းမြစ်များ

Mathai 1:18

Hini lä Isu Khrista makä aepeng ai mei näte äphüng vi. Äni üng nä-awi Maeri lä Josefae hai aepawng hethang aedo pyng vi dy. Änini mangtä awng y te kälang-a Muilaw Käcai ma Maeri tea äjopawng hai te Maeri lä mäny vi.

Mathai 1:20

Tungaila hini kätyng äni aedawng te kätü-a Säthaw üng angtawtha lawngtä lä äni tea aemang-a aetüng kha “Davidae cäpaw Josefae ä, Maeri bung nang lä nawngpui kätyng la hethang aenaw hang. Makäte phüng-a mei nädylä Muilaw Käcai ma äni tea äjopawng hai te vi.

Mathai 28:19

Tukätephüng-a nang ce lä ly ö kha pre angxynlyng na üng khimi na bung kai üng äkähui-a aelawng hai ö. Äni ce tea Pä-ai, Cäpaw hai Muilaw Käcai ämüng hai-a baptismae py pa ö.

Mathai 3:11

“Nang ce ae-ui te mätü hethang kai lä nang ce tea tui hai baptismae py vi dy. Kai leithung-a tyng saite lawngtä ma Muilaw Käcai hai, mai hai, baptismae py ai. Äni lä kai qawng-a haidae lengky vi. Kai lä äni üng kho painai mäteng ma süng hethang aeteng y.

Marka 12:36

Sanphrang Davidae lä Muilaw Käcai hai thui te vi. Äni ma, ‘Kai üng Areng tea Säthaw ma thui te vi. Nang üng täre na bung nang üng kho bäde täkui-a kai ma khai y rytä lä, kai üng bangtang mang-a aety ba’ näkha nä vi.

Marka 13:11

Nang ce bung ne kha jung kai-a tha saite kätü-a makä älo tho ai mei näte phüng bälung mawng ö rüng y ma. Honi kätü-a älo thui hethang Säthaw ma nang ce tea py ai mang. Honi lo na lä nang ce üng älo na y lyng. Muilaw Käcai üng thui saite älo na kae mang.

Luka 1:15

Areng maw-a äni lä aely lengky saite khimi aelawng vi ai. Äni lä Cäpje tui hai ra na nei he kae y ai. Äni tea lä aepeng te üng hai Säthaw ma Muilaw Käcai kawi hai jawjaw pa vi ai.

Luka 1:35

Säthaw üng angtawtha ma Maeri tea “Muilaw Käcai ma nang üng qawng-a tyng kha Aesangky te Säthaw üng phung-ang lä nang qawng-a khu vi ai. Tukätephüng-a khimi ce ma lä nang cäpaw tea Säthaw üng Cäpaw Käcai näkha ka ö vi ai.

Luka 1:41

Maeri thui te tüng Elizabe ma thai te kätü-a lä äma äjo thung üng äby lä aetae pa vi. Tukha Elizabe lä Muilaw Käcai hai kawi pa vi dy.

Luka 1:67

Äby üng pä-ai Zakhari lä Muilaw Käcai kawi kha buisaw lo thui dy.

Luka 11:13

Nang ce hunghö awng mang saite khimi mäteng ma caw nade na tea kähawi sai na py vävawi te vi. Tukätephüng-a Känipre-a awng saite nang ce üng Pä-ai lä mäkai saite khimi na tea Muilaw Käcai py khaw vi ai” näpa.

Luka 2:25

Honi kätü-a Simon näsaite khimi lawngtä lä Jerusalem märü-a awng pa vi. Äni lä khimi cüng saite lawngtä kha Säthaw üng lo tängai jawjaw saite khimi vi. Äni lä Isrelae na bung aeqang saite Säthaw üng Mesia tea aering te vi. Muilaw Käcai lä äni hai mangtä awng te vi.

Luka 24:49

Üngai ma mätaw he aedo saite Muilaw Käcai bung nang ce tea kai mätaw ai mang. Tungaila Säthaw üng haidae nang ce dang y rytä lä hini Jerusalem märü-a aering ö re ba” näpa.

Luka 3:22

Tukha Säthaw üng Muilaw Käcai lä bähö kätyng aeja käthu ea äni qawng-a cu pa vi. Tukä ea käni mang Säthaw üng ätüng lä Isu tea “Nang lä kai üng bälung aevawky saite Cäpaw vi. Nang lä kai tea kawng hai ky saite vi,” näkha näpa.

Johan 1:33

Kai la äni bung mae y. Tungaila tui hai baptismae py he mätaw saite Säthaw lä kai tea Muilaw Käcai aeja käthu kha khimi lawngtä üng qawng-a cu te lä nung ai mang. Äni lä Muilaw Käcai hai baptismae py ai” näkha thui pa.

Johan 12:16

Äkähui na lä honi kätü-a, hini phüng thaikaw ö pa y. Isu lä dü te üng aetha pyng-a phung-ang dang pyng ea lä, hini Caekäcai ping lä Isu phüng näte hai Isu tähang hini kätyng sa te mäny haile tyng ö dy.

Johan 14:16

Kai lä Pä-ai tea mäkai kha nang ce hai mangtä awng jawjaw hethang säbawng saite Kung lawgtä bung mätaw ai mang.

Johan 14:25

“Nang ce hai mangtä awng te thüng-a ma, kai lä hini älo na thui pyng te vi dy.

Johan 15:26

“Säbawng te Kung Muilaw Käcai bung nang ce tähang Kai ma mätaw ai. Hini Muilaw Käcai lä Säthaw phüng mitang khaw-a thui ai. Äni lä Pä-ai te üng ly kha Kai phüng thui pa ai mang.

Johan 16:7

Tängai ö, Kai vawi te lä nang ce tähang hawiky te vi. Kai vawi y dylä nang ce tea säbawng saite Kung lä tyng y lyng. Kai ly kha Muilaw Käcai bung nang ce tea mätaw ai mang.

Johan 2:22

Säthaw lä Isu bung kädü thung üng mätha pyng ea äkähui na lä Isu lo sämai haile ö vi. Tukha äni ce lä Caekäcai ping hai Isu üng älo tea yng ö dy.

Johan 20:22

Hokä thui pyng ea Isu lä äkähui na tea mö kha “Nang ce lä Muilaw Käcai bung bälung thung-a mäkung ö lawi.

Johan 6:45

Buisaw na ma thui te lo ‘Äni angxynlyng na tea Säthaw ma angtu thui pa vi ai.’ Pä-ai üng älo thai kha aetu saite na lä kai tea ly ö dy.

Johan 7:39

Isu lä äma tea yng saite khimi na dang hethang Muilaw Käcai phüng thui pa dy. Honi kätü-a Säthaw lä Muilaw Käcai bung khimi ce tähang py pa te y vi rawng. Ätephüng-a mei nädylä Isu lä phung-ang dang te y vi rawng.

Angtawtha 1:4

Känitä-a, Isu lä angtawtha na hai mangtä awng ea “Nang ce Jerusalem märü üng ly ö ja hang. Ä-ai ma mätaw he aedo saite Muilaw Käcai tea aering kha awng ö. Honi phüng na kai ma nang ce tea thui pyng te thai ö vi dy.

Angtawtha 1:8

Tungaila Muilaw Käcai nang ce tea tyng te kätü-a, nang ce lä haidae na dang kha Jerusalem märü, Judae khö angxynlyng hai Samari khö, khöteng täki khytä, khimi ce tea kai üng angthang thui ö ai” näpa.

Angtawtha 11:16

Tukha Areng Isu üng älo kai lä aedawng haile tyng vi. Äni ma ‘Baptismae Johan lä tui hai baptismae py dy. Tungaila nang ce lä Muilaw Käcai hai-a baptismae dang ö ai mang’ näkha näpa.

Angtawtha 13:2

Äni ce lä Areng tea cäphaw kha böjae te hai awng ea, Muilaw Käcai ma “Sawlae hai Banaba bung kai üng kälu sa hethang tähang-a khai ö ba” näkha näpa.

Angtawtha 13:4

Banaba ni Sawlae lä Muilaw Käcai ma mätaw te kätyng, Selucia märü-a tyng hawi kha honi märü üng hai Saipära angrai sälawng mang-a tui sangphaw aedang kha ly ö dy.

Angtawtha 15:28

Ngai saite Ubädi qawng-a nang ce lä müngkäli phaw hai y hethang Muilaw Käcai hai kai ce lä bälung aedü ö vi dy.

Angtawtha 15:8

Khimi ce üng bälung mäny saite Säthaw lä Muilaw Käcai bung mä-ai tea py te kätyng, ceng kälang khimi na tea py pa te hai-a äni ce tea bälung aevaw te phüng mätü pa te vi dy.

Angtawtha 16:6

Pawlae ni Saila lä Phrukia khö Kalatia khö na tea cäqeng ö vi. Muilaw Käcai lä äni ce tea Asia pre cäpi-a Angthang Kähawi thui hethang mäkhang pa vi.

Angtawtha 2:33

Säthaw ma Isu bung äma üng bangtang mang-a khai kha Äpä-ai ma aedo saite Muilaw Käcai tea äni lä dang vi dy. Nang ce vaihi nung kha thai saite lä Areng ma mä-ai tea py saite äni üng lasawng vi.

Angtawtha 2:4

Tukha Muilaw Käcai ma äni ce angxynlyng tea rui hai pa vi dy. Muilaw Käcai ma älo aepe hai te kätyng-a, äni ce lä älo amäjy cawngkhang na hai aepe ö vi dy.

Angtawtha 20:28

Tukätephüng-a nang ce lä mä-ai ma ce tea sädi hai awng ö. Muilaw Käcai ma nang ce tähang a saite kangkawng tea kähawi-a rui ö. Beram rui saite Kung ma beram rui te kätyng nang ce lä, Säthaw üng kangkawng tea kähawi-a, rui kha kheng ö. Ätephüng-a mei na dylä, Säthaw lä äma üng Cäpaw thi hai-a honi kangkawng bung rang te vi.

Angtawtha 20:35

Nang ce lä hini kätyng kälu sa kha mätang saite na tea säbawng hethang kätü qütä kai lä mätü te vi. Areng Isu ma ‘Khimi ce te üng dang te qawng-a, py saite lä tähang hawiky’ vi näkha thui saite lo tea aedawng haile ö ba” näpa.

Angtawtha 28:25

Pawlae thui pyng te kätü-a Judae khimi na lä äma ce tingtawi ae-e kha vawi ö vi dy. Pawlae kangkhüng-a thui saite älo lä, “Buisaw Isaia hai nang ma ce üng kangsi na tea Muilaw Käcai ma thui te lä tätang khaw vi.

Angtawtha 5:3

Peterae ma Anania tea “Anania ä, nang lä lai jaw ea dang saite phawisae kaehütä nang ma tähang khai mai kha Muilaw Käcai tea kaeling sa vi dy. Ätephüng-a hini kätyng sa hethang nang üng bälung thung-a Setan angra tea mityng pyng hai te vi mei.

Angtawtha 7:51

“Nang ce lä tengxyng y, bälung tangkö ö phi vi. Nang ce lä Säthaw üng älo tängai hethang känawkhing pang ö te vi. Nang ce lä nang ma ce üng kangsi na kätyng Muilaw Käcai tea mäthi ö y te vi be tu.

Angtawtha 7:55

Tukä ea la Stephen lä Muilaw Käcai hai kawi kha käni mang-a kheng te kätü-a, Säthaw üng phung-ang hai, Säthaw üng bangtang mang-a, Isu aedaw te bung nung pa vi.

Pawlae ma Rom märü üng kangkawng tähang tärü saite cae 14:17

Säthaw üng pre pyng saite lä mä-ai üng käcakänei na hai aesui te y lyng. Muilaw Käcai ma py te cüng saite, awngneng saite, anghawtho saite hai aesui te kae vi.

Pawlae ma Rom märü üng kangkawng tähang tärü saite cae 15:13

Nang ce tea aethang khai saite py te Säthaw lä nang ce üng yng te hai-a nang ce tea anghawtho saite angxynlyng hai awngneng saite na py sy. Muilaw Käcai üng haidae hai-a nang ce üng aethang khai saite lä leng rae haw vi dy.

Pawlae ma Rom märü üng kangkawng tähang tärü saite cae 15:16

Kai lä ceng kälang na tähang kälu sa hethang Khrista Isu üng mawsawng-a lawng vi dy. Säthaw ma kawng hai saite löci mawi käcai lawng hethang kai lä Säthaw üng Angthang Kähawi ceng kälang na tea thui hethang mäthykung lawngtä kätyng sa te vi dy. Muilaw Käcai lä honi na tea Säthaw tähang kälang khai pa te vi.

Pawlae ma Rom märü üng kangkawng tähang tärü saite cae 5:5

Mä-ai lä aethang khai saite awng te phüng-a aethawsi ö te y. Ätephüng-a mei nädylä Säthaw ma mä-ai tea py saite Muilaw Käcai hai-a mä-ai üng bälung thung-a äni üng bälung aevaw saite mäkawi pa te phüng-a vi dy.

1 Korin 12:3

Tukätephüng-a khimi lawngtä ma, “Isu tea täking saite tyng sy” näkha thui dylä, Säthaw üng Muilaw hai-a thui te y vi näte kai lä nang ce tea mäny hai hethang ngai te vi. Honi kätyng ämi lawngtä la Muilaw Käcai hai y dylä, “Isu lä Areng vi” näkha thui haw y by vi.

1 Korin 6:19

Nang ce üng ätabung lä Muilaw Käcai ma aeta saite Ingkäcai vi näte mäny ö te vi. Säthaw lä Muilaw Käcai bung nang ce tea py te vi dy. Nang ce üng ätabung lä nang ma ce üng y vi. Säthaw ma pyng te kae.

2 Korin 13:14

Areng Isu Khrista üng tähang kähawi, Säthaw üng bälung aevaw saite hai Muilaw Käcai üng aede saite lä nang ce angxynlyng na hai mangtä awng sy.

2 Korin 6:6

Kai ce lä bälung cai saite, mänykaw saite, änawngsa saite hai khimi ce tea säbawng saite bälung hai-a Säthaw üng mawsawng na näte mätü ö te vi dy. Muilaw Käcai lä kai ce üng äthung-a aeta kha kai ce üng tätang bälung aevaw saite hai la vi.

Ephesi 1:13

Vaihi nang ce la aeqang saite Angthang Kähawi, lo mitang tea lä thai ö pyng te by vi dy. Nang ce lä Khrista tea yng kha äni hai bungtä awng ö te vi dy. Äni hai bungtä te phüng-a Säthaw lä älo aedo saite kätyng Muilaw Käcai bung nang ce tea py vi dy. Hini Muilaw Käcai lä nang ce tea Säthaw üng khimi vi näkha mätü saite äsäny vi dy.

Ephesi 1:17

Kai lä mä-ai üng Areng Isu Khrista üng Säthaw, phung-ang aesang saite Pä-ai, tea aetang te vi. Nang ce tea Muilaw Käcai üng bälunghae saite hai täphawng saite py hethang äni tea kai lä aetang te vi. Nang ce lä äni tea mäny ö rae ai mang.

Ephesi 4:30

Säthaw üng Muilaw Käcai tea lä bälungsi hai ö hang. Säthaw lä Muilaw Käcai py te hai-a nang ce tea äsäny sa te vi. Hini äsäny hai kangkhüng üng käni-a nang ce bung Säthaw lä cungrü-a aeqang vi ai näte mätü te by vi.

1 Thesalon 4:8

Tukätephüng-a hini mätu saite na tea elekhei sa saite lä khimi tea e te y. Nang ce tähang äma üng Muilaw Käcai py saite Säthaw tea e te kae vi.

2 Timote 1:14

Nang tea Säthaw ma a saite lo angthang kätüng tea aedung hai ba. Mä-ai thung-a awng saite Muilaw Käcai lä nang tea säbawng ai mang.

Hebrai 10:15

Muilaw Käcai la honi phüng mä-ai tea thui te vi.

Hebrai 2:4

Äni üng khimi na ma mitang khaw te angthang mätü hethang Säthaw lä cangxei saite na hai kamarae cawngkhang na sa te vi. Äni lä äma üng aely kängai kätyng Muilaw Käcai üng sakaw saite na hai-a äma üng khimi na tea py pa te vi dy.

Hebrai 3:7

Tukätephüng-a Muilaw Käcai ma thui te kätyng, “Vaini Säthaw üng ätüng nang ce thai dylä, bälung tangkö ö hang.

Hebrai 9:8

Angcüky üng taipung awng te kätü-a, Mityng Käcaiky thung-a ly saite lolang pä-awng y vi rawng te phüng-a, hini angxynlyng na hai Muilaw Käcai lä aenysy-a mätu te vi.

1 Piter 1:12

Äni ce üng kälu lä äma ce tähang y käla, nang ce tähang vi näte Säthaw ma hini buisaw na tea täphawng pa te vi dy. Känipre üng mätaw saite Muilaw Käcai üng haidae hai-a, Angthang Kähawi thui saite angtawtha na te mang hai vaihi nang ce lä thai pyng saite phüng na, äni ce lä thui ö te vi dy. Hini phüng na tea lä Känipre üng angtawtha na mäteng ma mäny hethang ngai ö te by vi.

2 Piter 1:21

Ämi buisaw la äma üng aely kängai kätyng thui te y. Honi jüng-a Muilaw Käcai ma äni ce tea pyng kha Säthaw üng thui hai hethang ngai saite lo na tea äni ce lä thui ö te vi dy.

1 Johan 2:20

Tungaila Khrista lä äma üng Muilaw Käcai tea nang ce tähang py kha nang ce angxynlyng na lä lo mitang tea mäny ö king te vi dy.

1 Johan 2:27

Nang ce tea lä Khrista ma Muilaw Käcai py te vi dy. Honi Muilaw Käcai lä nang ce üng bälung thung-a awng jawjaw ö te vi. Tukätephüng-a nang ce tea lä lo mitang phüng khimi kälang na ma mätu hethang ngai y dy lyng. Muilaw Käcai ma nang ce tea angxynlyng phüng na mätu te vi dy. Äni üng mätu saite na lä mitang khaw te vi. Kaeling kaemae thui te y lyng. Muilaw Käcai üng mätu saite nang ce lä tängai kha Khrista hai bungtä awng ö lawi.

1 Johan 5:7

Isu üng mitang khaw saite angthang tea mä-ai mäny haw hethang thui saite äsäny äthungtä awng vi.

Judae 1:20

Tudylä kai üng ngai bärai saite äpy na ä, nang ce lä nang ma ce üng caiping-a yng saite qawng-a aenüng kha mä-ai ma tea bälung aethaw aela ö lawi ba. Muilaw Käcai üng haidae hai-a aetang ö.

Lokphong 2:11

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä äbaeni dü saite hai-a aeting hai pa y ai.