Johan 14:12 - Caekäcai Kangthae (Lemi)

¹² Tängai ö. Kai tea yng saite khimi na lä kai sa saite cangxei te kälu na sa haw ö vi ai. Honi qawng-a lengky saite cangxei saite kälu na la sa haw vi ai rawng. Ätephüng-a mei nädylä kai lä Pä-ai tea vawi ai dy.

Asang Khongso New Testament

¹² Loktang kang thuih o: Kai ka taang kaminawk loa ka sak ih to sah o tih; ahlong, hmuen kalen kue mataeng doeh sah o tih, kawmawtiah kai loa Pa khaeah ka caeh han pongah ni.

Johan 14:12 ပူးပေါင်းရင်းမြစ်များ

Mathai 21:21

Tupyng-a Isu ma “Tängai ö. Nang ce lä tätang mang mei näte bälung kaedawng awng y käla yng dylä, thaidö kung tea kai sa te kätyng sa haw ö vi ai. Honi qawng-a cang y me anghung tea la ‘Nang ma ma bung aethui kha pangle tui thung-a aekäde ja la’ näkha thui te kätyng awng vi ai.

Marka 11:13

Ärang awng mang saite thaidö kungtä bung kähanglaw mang nung ea Isu lä äthai na mäqang hethang äkung teng-a ly pa dy. Tungaila äthai aethai saite kätü y te phüng-a äkung qawng-a ärang na qaitä awng pa kae vi.

Marka 16:17

Yng saite khimi na lä cangxei saite kamarae na mätü haw ö ai. Äni ce lä kai üng ämüng thui kha angra na bung mätho ö vi ai. Äni ce lä älo kangthae na aepe ö vi ai.

Johan 14:28

Kai lä ly ja ngaila nang ce tea ly haile tyng ai näte Kai thui te nang ce thai pyng te dy. Nang ce ma Kai tea bälung aevaw dylä, Kai üng Pä-ai tea ly te phüng-a, nang ce lä kawng ö by ai. Ätephüng-a mei nädylä, Pä-ai lä Kai qawng-a lengky.

Johan 16:7

Tängai ö, Kai vawi te lä nang ce tähang hawiky te vi. Kai vawi y dylä nang ce tea säbawng saite Kung lä tyng y lyng. Kai ly kha Muilaw Käcai bung nang ce tea mätaw ai mang.

Johan 4:37

Tukha ‘lawngtä lä tu kha lawngtä lä ae ai’ näkha thui saite lä tätang khaw vi.

Johan 5:20

Pä-ai lä Äcäpaw tea bälung aevaw te phüng-a äma sa saite na Kai Äcäpaw tea mätü vi. Hini phüng-a lengky te na sa hethang Pä-ai lä Äcäpaw tea mätü be vi ai cä-üng nang ce lä cangxei ö ai mang.

Johan 7:33

Isu ma khimi ce tea “Kai lä nang ce hai tänaetä awng te kae. Tupyng-a kai ma bung mätaw saite Kung tea vawi haile vi ai.

Johan 7:39

Isu lä äma tea yng saite khimi na dang hethang Muilaw Käcai phüng thui pa dy. Honi kätü-a Säthaw lä Muilaw Käcai bung khimi ce tähang py pa te y vi rawng. Ätephüng-a mei nädylä Isu lä phung-ang dang te y vi rawng.

Angtawtha 10:46

Ätephüng-a mei nädylä khimi ceng kälang na lä Muilaw Käcai ma aepe hai saite älo cawngkhang hai Säthaw tea bälaw ö te phüng-a vi. Tukha Peterae ma äni ce lä

Angtawtha 16:18

Honi nawngmädi tea lä käni bäraw y-a hani kä sa pa te phüng-a, Pawlae lä bälung hawi y vi dy. Kangkhüng-a lä aehawi kha angra tea “Nang lä hini nawngmädi thung üng tho la. Isu Khrista üng ämüng hai-a, kai ma thui te vi” näkha näpa. Tänaetäma angra lä tho pa vi dy.

Angtawtha 19:12

Khimi ce lä Pawlae ma tawng saite sipry hai aekhu aena nae na khimi känaw na hai angra kung saite khimi na tea nähai pa kha äni ce üng äqawng-a thyng kha khimi känaw na üng naw saite na hawi hai pa ea angra na bung la äma ce kung saite khimi te üng tho hai ja pa ö vi dy.

Angtawtha 2:33

Säthaw ma Isu bung äma üng bangtang mang-a khai kha Äpä-ai ma aedo saite Muilaw Käcai tea äni lä dang vi dy. Nang ce vaihi nung kha thai saite lä Areng ma mä-ai tea py saite äni üng lasawng vi.

Angtawtha 2:41

Äni üng älo tängai saite Khimi ce lä baptismae la ö dy. Tukha honi käni-a khimi sang thungtä tingtang Isu tea yng kha äni ce üng äpy na-a lawng ö vi dy.

Angtawtha 4:16

Äni ce lä “Hini khimi ni tea makä sa ö ai mei. Änini ma cangxei-a sa saite lä Jerusalem märü üng khimi angxynlyng ma mäny ö bawi vi dy. Mä-ai lä hini cangxei-a sa y näkha thui haw y lyng.

Angtawtha 4:33

Angtawtha na lä Säthaw ma Isu dü te üng mätha haile te phüng haidae käleng hai-a thui ö vi dy. Tukha äni ce tea Säthaw ma tähang kähawi awng mang-a py pa dy.

Angtawtha 4:4

Tungaila angthang thai saite khimipui thung üng yng saite na lä awng mang pa vi. Tupyng-a Yng saite khimi nawngmäcaw na lä lawng sang bangtä tingtang awng pa vi.

Angtawtha 5:15

Tukätephüng-a khimi ce lä känaw na bung nähai ö pa vi. Peterae lä lolang-a aeke te kätü-a, naw saite na khimi ce üng ätabung qawng-a Peterae üng kaekhui tyng hethang tähang-a aejawng nae na hai khimi känaw na bung lolang qawng-a khai ö vi dy.

Angtawtha 6:7

Tukha Säthaw üng älo Angthang Kähawi lä aehi haidü kha Jerusalem märü-a, Yng saite khimi na lä nyng rae pa vi dy. Mäthykung awng mang saite na la, honi Angthang Kähawi tea tängai kha yng ö vi dy.

Angtawtha 8:7

Philipi lä khimi kä-awng mang na te üng angra na bung mätho pa vi dy. Äni ce lä ätüng käleng hai hangrang kha thoja pa ö vi dy. Ängang kädü sö saite khimi na hai, kökho kangbai na tea la, Philipi ma naw hawi sa ö bawi pa vi dy.

Angtawtha 9:34

Peterae ma äni tea “Ania ä, Isu Khrista lä nang tea naw saite hawi sa te vi dy. Aetha kha i nae tea nang ma ma tä-yng lawi” näkha näpa. Ania lä qengtäma aetha praw pa vi dy.

Angtawtha 9:40

Peterae lä äni ce bung ärang mang-a tho hai pang kha khokhö didü ea aetang pa vi. Tupyng-a äro te mang-a aehawi kha “Abitha, aetha lawi” näpa. Äni lä ämi bäli ea Peterae bung nung kha aetha ea aety pa dy.