Johan 10:30 - Caekäcai Kangthae (Lemi)

³⁰ Pä-ai hai Kai lä bungtä kae vi” näkha näpa.

Asang Khongso New Testament

³⁰ Pa hoiah kai loa maeto ni,” tiah a naa.

Johan 10:30 ပူးပေါင်းရင်းမြစ်များ

Mathai 11:27

“Kai pä-ai ma kai tea haidae hai bälungkähae py king vi dy. Ämi lawngtä lä Säthaw üng cäpaw näte mäny y. Pä-ai lawngtä xyng ni mäny te kae vi. Äpä-ai näte ämi lä mäny y. Kai, Äni üng Cäpaw, ma mäny hai he ngai saite khimi phütä na lä Ä-ai tea mäny ö dy.

Mathai 28:19

Tukätephüng-a nang ce lä ly ö kha pre angxynlyng na üng khimi na bung kai üng äkähui-a aelawng hai ö. Äni ce tea Pä-ai, Cäpaw hai Muilaw Käcai ämüng hai-a baptismae py pa ö.

Johan 10:29

Äni ce bung Kai tea a saite Pä-ai lä äte angxynlyng na qawng-a lengky. Ämi ma la beram na bung Pä-ai kö thung üng lawng haw y lyng.

Johan 10:36

“Üngai ma Kai bung re kha älawngpre-a mätaw te vi. Tudylä kai lä Säthaw üng Cäpaw näkha thui te phüng-a, Kai lä Säthaw müng aengang te näkha nang ce lä ätephüng-a käsi prawng ö te mei.

Johan 14:23

Isu ma “Kai tea bälung aevaw saite khimi na lä, kai üng angtu lo tängai ö vi ai. Kai üng Pä-ai lä äni tea bälung aevaw vi ai. Pä-ai hai kai ni lä äni ce hai mangtä awng ai.

Johan 14:9

Isu ma “Philip ä, Kai lä nang ce hai mangtä awng te qae vi dy. Nang ce lä vaihi khytä, Kai bung mae te y vi rawng mei. Kai bung nung saite khimi lä Kai üng Pä-ai bung nung te by kae dy. Kai üng Pä-ai bung kai ce tea mätü näkha ätephüng-a nang lä thui te mei.”

Johan 16:15

Pä-ai ma pyng saite angxynlyng na lä, Kai hai aesui bawi te vi. Tukätephüng-a Kai ma ‘Honi Muilaw Käcai lä Kai te üng dang saite älo na nang ce tea thui pa ai’ näkha Kai lä thui te dy.

Johan 17:10

Kai pyng saite angxynlyng na lä Nang hai aesui bawi te vi. Nang ma pyng saite khimi angxynlyng na Kai la pyng te by vi. Honi hai-a kai üng phung-ang lä äni ce tähang aetüng hai te kae.

Johan 5:17

Isu ma “Kai üng Pä-ai lä kälu sa jawjaw vi. Honi kätyng-a kai la kälu sa jawjaw hethang kae” näkha äni ce tea thui pa.

Johan 5:23

Khimi ce lä Pä-ai tea tämö khai te kätyng Äcäpaw tea la tämö khai hethang kae. Äcäpaw tea tämö khai y te na lä Äcäpaw bung mätaw saite Pä-ai tea tämö khai y saite na kae dy.

Johan 8:58

Isu ma “Tängai ö, Abraham aepeng y te kälang-a ma, Kai lä awng pyng te vi dy” näkha näpa.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.

1 Johan 5:7

Isu üng mitang khaw saite angthang tea mä-ai mäny haw hethang thui saite äsäny äthungtä awng vi.