Johan 1:34 - Caekäcai Kangthae (Lemi)

³⁴ Hokä thui te kätyng kai lä nung te vi. Äni lä Säthaw üng Cäpaw vi näte kai lä thui te vi.

Asang Khongso New Testament

³⁴ Ato kami to ka hnuk boah. Loktang ta-ah kang thuih: Anih loa Sithaw Capa ni,” tiah a hnuk ih to a thuih.

Johan 1:34 ပူးပေါင်းရင်းမြစ်များ

Mathai 11:27

“Kai pä-ai ma kai tea haidae hai bälungkähae py king vi dy. Ämi lawngtä lä Säthaw üng cäpaw näte mäny y. Pä-ai lawngtä xyng ni mäny te kae vi. Äpä-ai näte ämi lä mäny y. Kai, Äni üng Cäpaw, ma mäny hai he ngai saite khimi phütä na lä Ä-ai tea mäny ö dy.

Mathai 16:16

Simon Peterae ma “Nang lä Hing saite Säthaw üng Cäpaw Mesia vi” näkha mäthang pa dy.

Mathai 17:5

Tungaila Peterae lä hini lo kä thui te thüng-a khö angnüng kanglung lä tho kha äni ce tea bu pa dy. Tukha khö angnüng thung mang tho te ätüng lä “Hini lä kai ma bälung aevaw saite Kai üng Cäpaw vi. Äni lä kai tea anghawtho hai te vi. Äni üng älo tängai ö” näkha näpa.

Mathai 26:63

Tungaila Isu lä sitäri-a awng pa kae vi. Tukha mäthykung kälengky ma “Nang lä Säthaw üng Cäpaw Mesia dy mei. Kai ce tea thui jo. Dungtäsa hing saite Säthaw üng ämüng tea aete kha kai lä nang tea düng te vi” näkha näpa.

Mathai 27:40

Nang lä Ingkäcai tea mäne kha käni thungtä säla ma sa haile tyng ai nä be. Nang ma tea nang ma aeqang lawi baw. Nang lä Säthaw üng Cäpaw tätang dylä, thinglang qawng üng aerung lawi by, näkha Isu tea mänui hai pa ö dy.

Mathai 27:43

Äni lä Säthaw tea ae-y vi. ‘Kai lä Säthaw üng Cäpaw’ näkha nä vi. Säthaw ma vaihi aely ngai dylä, aeqang lawi sy” näkha mänui hai pa ö vi.

Mathai 27:54

Isu tea cawng saite reisae cungvaitä na bung pyng te mätawngky hai reisae na lä pangtälü tho te hai amäjy cawngkhang na nung ö vi dy. Äni ce lä ri phi te hai “Äni lä Säthaw üng Cäpaw tätang vi” näkha nä ö dy.

Mathai 3:17

Käni mang Säthaw üng ätüng lä “Hini lä kai ma bälung aevaw saite Cäpaw vi. Äni tähang kai lä kawngphi vi” näkha näpa.

Mathai 4:3

Tukha Setan angra ma äni tea ly kha, “Nang lä Säthaw üng cäpaw tätang dylä, hini kälung na bung täkaw-a bälawng by ä” näkha näpa.

Mathai 4:6

Setan angra ma, “Nang lä Säthaw üng cäpaw nädylä säly käthu by ä, Caekäcai thung-a tärü te lä ‘Säthaw üng angtawtha na ma nang bung pangky hethang täru pa ai mang. Nang üng kho tea kälung na hai tämaw dang y te khytä, äni ce üng kö hai pawngdawnghy pa vi ai’” näkha näpa.

Mathai 8:29

Änini ma Isu tea “Säthaw üng Cäpaw ä, nang lä kai ce tea ätemakä sa hethang ngai hai te mei. Säthaw üng kätü tyng y rawng ea kai ni tea dengpy hethang ly te dy mei” näkha näpa.

Marka 1:1

Hini lä Säthaw üng Cäpaw, Isu Khrista, phüng Angthang Kähawi tea aetawng angcü te vi dy.

Marka 1:11

Tukha käni mang üng ätüng lä “Nang lä kai üng bälung aevawky saite Cäpaw vi. Nang lä kai tea kawng hai ky saite vi” näkha näpa.

Luka 1:35

Säthaw üng angtawtha ma Maeri tea “Muilaw Käcai ma nang üng qawng-a tyng kha Aesangky te Säthaw üng phung-ang lä nang qawng-a khu vi ai. Tukätephüng-a khimi ce ma lä nang cäpaw tea Säthaw üng Cäpaw Käcai näkha ka ö vi ai.

Luka 3:22

Tukha Säthaw üng Muilaw Käcai lä bähö kätyng aeja käthu ea äni qawng-a cu pa vi. Tukä ea käni mang Säthaw üng ätüng lä Isu tea “Nang lä kai üng bälung aevawky saite Cäpaw vi. Nang lä kai tea kawng hai ky saite vi,” näkha näpa.

Johan 1:18

Ämi la Säthaw bung nung vai te y. Tungaila Pä-ai üng äteng-a awng saite Äcäpaw lawngtä xyng ma Säthaw bung khimi ce tea mäny hai pa te vi.

Johan 1:49

Nathanela ma “Rabi ä, nang lä Säthaw üng Cäpaw, Isrelae na üng Sanphrang vi” näkha näpa.

Johan 10:30

Pä-ai hai Kai lä bungtä kae vi” näkha näpa.

Johan 10:36

“Üngai ma Kai bung re kha älawngpre-a mätaw te vi. Tudylä kai lä Säthaw üng Cäpaw näkha thui te phüng-a, Kai lä Säthaw müng aengang te näkha nang ce lä ätephüng-a käsi prawng ö te mei.

Johan 11:27

Matha ma “Üng, Areng ä, nang lä älawngpre-a cäqa saite Säthaw üng Cäpaw Mesia näte kai lä yng” näkha thui pa.

Johan 19:7

Judae mätawngky na ma “Äni lä Äma tea Säthaw üng Cäpaw näte phüng-a, kai ce üng Ubädi kätyng dü hethang aeteng khaw te vi dy.”

Johan 20:28

Thawmae ma “Kai üng Areng, kai üng Säthaw” näkha näpa.

Johan 20:31

Tungaila Isu ma Mesia lä Säthaw üng Cäpaw vi näte nang ce yng haw hethang hai hokä yng ea ni, Isu hai-a hing saite dang hethang tähang-a, hini na tea kai lä tärü te vi dy.

Johan 6:69

Nang lä Säthaw üng Caiping saite lawngtä näte kai ce mäny kha yng ö te dy be” näkha näpa.

Pawlae ma Rom märü üng kangkawng tähang tärü saite cae 1:4

Säthaw lä äni bung kädü thung üng hing haile te phüng-a, Muilaw Käcai üng haidae hai-a Säthaw üng Cäpaw vi näte tea mätü te vi dy.

2 Korin 1:19

Saila, Timothe hai kai ma khekhe lä nang ce tea Säthaw üng Cäpaw Isu Khrista üng Angthang thui te vi dy. Säthaw üng Cäpaw Isu Khrista lä, “Älawng vi” “Älawng y” näkha qengtä-a ma thui te y. Säthaw lä äni hai-a “Älawng vi” näkha thui jawjaw te vi.

Hebrai 7:3

Caekäcai thung-a Melkhizede üng änä-awi, äpä-ai hai kangsi kangjaw na üng phüng lä tärü kha khai y lyng. Äni bung aepeng saite, dü saite angthang na la tärü te awng y. Äni lä Säthaw üng Cäpaw khekhe kätyng dungtäsa mäthykung-a lawng te vi.

1 Johan 2:23

Äcäpaw bung aephae saite kung lä Äpä-ai hai bungtä awng haw y lyng. Isu lä Säthaw üng Cäpaw näkha cüngpra-a thui dylä äni lä mä-ai üng Pä-ai Säthaw hai bungtä kae vi dy.

1 Johan 3:8

Hunghö na sa jawjaw saite na lä Setan angra hai aesui saite na vi. Ätephüng-a mei nädylä Setan angra lä angcü üng hai ma hunghö na sa te phüng-a vi. Tukätephüng-a Säthaw üng Cäpaw lä Setan angra üng kälu na tea täphra hethang ly te vi dy.

1 Johan 4:9

Säthaw lä äma tea lawngtä xyng awng saite Äcäpaw bung hini älawngpre-a mätaw te lä mä-ai tea äni ma matangtä bälung aevaw mei näsaite tea mätü te vi dy. Honi Äcäpaw hai-a mä-ai lä dungtäsa cungrü saite kähing dang ö te vi dy.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.

2 Johan 1:9

Khimi lawngtä Khrista üng mätu saite kätyng awng y käla, äma üng kaedawng na kätyng sa dylä, Säthaw hai bungtä awng haw te y vi. Khrista ma mätu saite tea yng khü dylä mä-ai üng Pä-ai Säthaw ni Äcäpaw hai bungtä awng te vi.

Lokphong 2:18

“Thetaria märü kangkawng üng Känipre angtawtha tea hini kätyng cae tärü ba. “Hini lä Säthaw üng Cäpaw te üng älo na vi. Äni üng ämi na lä mai kätyng aengaw te vi. Äni üng äkho lä mäcai ping saite süng kangseng kätyng awng vi.