Johan 1:29 - Caekäcai Kangthae (Lemi)

²⁹ Khawngdang mang üng käni-a Isu lä äni te mang-a ly te nung kha Johan ma “Älawng khimi ce üng hunghö la pa saite Säthaw üng beram caw tea kheng ö e.

Asang Khongso New Testament

²⁹ Akhawnbang ah Johan mah Jesuh kangzo to a hnuk moa, “Long zaehaih ka phawkung Sithaw ih Tuuca ho khen o e!

Johan 1:29 ပူးပေါင်းရင်းမြစ်များ

Mathai 1:21

Äni lä cäpaw lawngtä aepeng ai. Nang lä Äni tea ‘Isu’ näkha ämüng mäthi ba. Ätephüng-a mei nädylä Äni lä Äma üng khimi na bung hunghö thung üng aeqang vi ai” näkha näpa.

Mathai 20:28

Kai, Khimi üng Cäpaw, tea khimi ce ma mawsawng sa hai hethang ly te y vi. Kai lä khimi ce üng mawsawng-a awng hethang hai khimi ce bung awng mang-a aeqang hethang hai Kai üng hing saite khaisö hethang ly te kae vi” näkha näpa.

Johan 1:35

Khawngdang mang üng käni-a Baptismae Johan lä äkähui lawng netä hai mangtä honi mityng-a aedaw kha awng dy.

Johan 1:36

Tukha Isu aeke te nung ea “Kheng kae-e, Säthaw üng beram caw ho” näkha näpa.

Johan 1:43

Kädang mang üng känitä-a lä Isu lä Kalile khö-a ly hethang bälung aedawng te vi. Philip hai aeting ea “Kai leithung hui” näpa.

Johan 2:1

Käni thungtä-a Kalile khö Kana märü-a aepawng pawi awng. Ho-a Isu üng änä-awi Maeri la awng by.

Johan 3:16

Säthaw lä älawng khimi ce tea bälung aevaw te phüng-a Äcäpaw lawngtä xyng bung py vi. Äcäpaw tea yng saite khimi angxynlyng na lä muilaw dü y käla dungtäsa hing te dang vi.

Johan 4:42

Äni ce ma Samari nawngmädi tea “Vaihi kai ce Isu tea yng te lä nang üng älo phüng-a la y. Isu üng älo kai ce ma thai khe te phüng-a kae. Hini lawngtä lä älawngpre üng Aeqangkung tätang näte kai ce lä mäny dy” näpa.

Johan 6:51

Kai lä Känipre üng cäqa saite hing te Täkaw vi. Hini Täkaw ca saite khimi na lä dungtäsa hing te dang vi ai. Hini Täkaw lä kai üng ängang vi. Älawng üng khimi na tea hing hai hethang tähang-a kai üng ängang py te vi.”

Angtawtha 13:39

Isu tea Yng saite khimi angxynlyng na tea Säthaw ma kätüng-a nung vi dy. Mosi üng Ubädi hai-a, nang ce tea Säthaw ma kätüng-a nung y lyng.

Angtawtha 8:32

Honi mätawngky phai saite Caekäcai ping-a lä, “Khimi ce ma äni bung beram kätyng ra hethang nähai ö vi. Beram lä ämui ba saite khimi na üng maw-a, sitäri-a awng te kätyng äni lä täbawng aepho y käla awng pa vi.

1 Korin 15:3

Kai lä kai ma thai khe saite aely kälengky nang ce tea thui täryng te vi dy. Caekäcai thung-a tärü te kätyng, Khrista lä mä-ai üng hunghö na tähang dü pa vi dy.

2 Korin 5:21

Khrista lä manila äte hunghö sa vai te y vi. Tungaila Säthaw lä mä-ai üng tähang-a äni tea lä hunghö awng te kätyng mäthi te vi dy. Tukätephüng-a mä-ai lä Khrista hai bungtä awng ö dylä, Säthaw ma mä-ai tea lä khimi käcüng-a mäthi vi ai.

Galati 1:4

Mä-ai üng Pä-ai Säthaw aely kängai-a mä-ai üng hunghö sa te phüng-a, Isu Khrista lä dü pa te vi dy. Hini hai-a käsi kaedawng saite hai kähawi y sa saite khimi na kätyng awng y hethang äni lä mä-ai bung aeqang te vi.

Galati 3:13

Khrista lä mä-ai tähang angsawi lawi te hai-a, Ubädi üng angsawi lawi te üng mä-ai bung lä äni ma bälawi pa te vi dy. Hini phüng Caekäcai thung-a tärü te lä, “Thinglang qawng-a täheng kha mädü pa saite khimi qütä lä Säthaw üng angsawi lawi saite vi” näkha awng te vi.

1 Timote 2:6

Äni lä khimi qütä aelawi hai hethang äma üng hing saite aepy kha dü pa te vi dy. Säthaw ma khai khaw te kätü-a, hini angthang lä khimi qütä tea thai hai te vi dy.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Hebrai 1:3

Äcäpaw lä Säthaw üng phung-ang matangtä cangxei hethang hawi mei näte tea mätü kha äma khekhe lä Säthaw üng aeme aeqa saite hai aetawng khaw te vi. Hini älawng hai käni äte angxynlyng na tea lä äma üng haidae awng saite lo hai äma ce üng mityng-a awng jawjaw hethang sa te vi. Äni lä khimi ce üng hunghö na tea mäcai pyng ea Känipre-a awng saite phung-ang kälengky Säthaw üng bangtang mang-a aety vi dy.

Hebrai 2:17

Tukätephüng-a äni lä älang qütä-a äma üng khimi na kätyng aetawng hethang kae te vi. Hini kätyng äni lä mä-ai tea bäheng kha Säthaw üng ae-y khü saite Mäthykung Kälengky-a lawng haw te vi. Tukätephüng-a Säthaw lä khimi ce üng hunghö na tea bälawi haw te vi.

Hebrai 9:28

Honi kätyng täthei Khrista lä khimi awng mang te na üng hunghö na tea mäcai hethang äma tea äma löci mawi kätyng-a qengtä aesa pa vi dy. Äni lä äbaeni tyng haile tyng vi ai. Honi kätü-a äni lä khimi ce üng hunghö na hai aesui kha äte la sa pa y dy lyng. Tungaila äni tea aering saite na bung lä äni ma aeqang pa vi ai mang.

1 Piter 1:19

Nang ce bung aelawi hai hethang, Säthaw lä Isu Khrista üng ävang ting saite äthi py te vi dy. Khrista lä angvawi awng y saite beram caw kätyng lawng te vi dy.

1 Piter 2:24

Mä-ai üng hunghö na phüng-a, Khrista äma lä thinglang qawng-a mätang bälai pa te vi dy. Tukätephüng-a mä-ai lä khimi kädü kätyng hunghö sa hethang kae ö y dy. Mä-ai lä cüng saite tähang hing ö hethang kae. Äni üng tämaw na hai-a, nang ce üng tämaw na lä thae king ö te vi dy.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.

1 Johan 2:2

Mä-ai üng hunghö na tea Säthaw ma bälawi hethang Khrista äma lä löci sa saite mawi-a aelawng vi dy. Äni lä mä-ai üng hunghö qaitä tähang kae y, hini älawngpre-a awng saite khimi angxynlyng na üng hunghö na tähang la löci aesa saite by vi.

1 Johan 3:5

Khrista lä mä-ai üng hunghö na tea nähaija hethang tyng te tea nang ce lä mäny ö te vi. Äni lä äte hunghö la sa te y lyng.

1 Johan 4:10

Hini mitang khaw-a bälung aevaw saite lä mä-ai üng Säthaw tea bälung aevaw saite tea y vi. Äni ma mä-ai tea bälung aevaw saite lä Äcäpaw bung mä-ai üng hunghö na bälawi hai hethang mätaw saite vi.

Lokphong 1:5

Isu Khrista lä sasi thui khü kha ae-y nae hawi khaw saite Kung vi. Säthaw ma äni bung lä kädü thung üng mätha angcü pa te vi. Äni lä älawngpre üng sanphrang angxynlyng na tea pyng saite Kung vi. Isu Khrista lä mä-ai tea bälung aevaw kha äma üng äthi hai-a mä-ai üng hunghö na aelawi hai te vi dy.

Lokphong 12:11

Äni ce lä Beram caw üng äthi hai, äni ce thui saite Säthaw üng lo mitang hai-a Setan tea bäja ö vi dy. Äni ce lä dü hethang ri y käla äma ce üng hing saite tea la mäsai ö y vi dy.

Lokphong 13:8

Hini älawngpre-a awng saite khimi angxynlyng na lä hini mawikäsi tea cäphaw ö ai. Älawngpre sa y kälang üng hai dungtäsa kähing dang hethang ämüng lä bädü saite Beram caw üng cae-u thung-a tärü saite khimi na xyngtä ni mawikäsi tea cäphaw ö y vi ai.

Lokphong 14:1

Tupyng-a kai lä kheng kha Zaion me anghung qawng-a aedaw saite Beram caw bung nung vi dy. Äni üng ämüng hai Äpä-ai üng ämüng tea äni ce üng löpeng na-a tärü saite khimi lawng täsingtä hai täsawng bälitä na la äni hai mangtä aedo ö vi.

Lokphong 14:4

Honi khimi na lä nawngmädi na hai täkübäjang sa ö y saite na vi. Äni ce lä äma ce tea pawprae y hethang sädi khai ö te vi. Äni ce lä Beram Caw ly saite mityng qütä-a hui ö vi. Äni ce bung Säthaw lä khimi ceng angxynlyng na thung üng kätho haile pa ö te vi dy. Äni ce lä Säthaw hai Beram Caw hai aesui saite na vi. Äni ce lä angcü üng ae saite cawbi cawthai na Säthaw hai Beram Caw tea a pyng saite na kätyng vi dy.

Lokphong 15:3

Äni ce lä, Säthaw üng mawsawng Mosi üng ae-awi hai Beram caw üng ae-awi tea thui ö te vi. Äni ce ma, “Äte angxynlyng na sa haw saite Areng Säthaw ä, nang sa saite na lä tengxyng y leng kha cangxei hethang hawi bärai vi. Pre angxynlyng na khimi ce üng Sanphrang ä, nang üng älang na lä mitang khaw kha cüng bärai vi näkha khimi qütä ma nung haw te vi.

Lokphong 17:14

Äni ce lä Beram caw tea täre aety ö ai. Tungaila Beram caw ma lä äni ce tea bäja vi ai. Ätephüng-a mei nädylä äni lä areng na üng Areng hai sanphrang na üng Sanphrang lawng te phüng-a vi. Äni üng ka saite, re saite, yng khü saite äkähui na lä äni hai mangtä awng ö ai” näkha näpa.

Lokphong 19:7

Mä-ai lä kawng te hai anghawtho ö si. Säthaw üng phung-ang tea mä-ai lä bälaw ö si. Ätephüng-a mei nädylä Beram caw üng aepawng saite pawi lä tyng vi dy. Äni hai aepawng hethang anglaw lä äma ma tea anglaw aesa rüng vi dy.

Lokphong 19:9

Tupyng-a Känipre angtawtha ma kai tea, “Beram caw üng aepawng saite pawi-a ly hethang hyng rüng saite khimi na lä tähang hawi, näkha tärü ba” nä vi. Känipre angtawtha ma, “Hini na lä Säthaw üng lo mitang na vi” näkha thui be vi dy.

Lokphong 21:14

Honi märü käleng pui üng baesung aenyng nae lä kälung hawlai netä hai sa te vi. Honi kälung na qawng-a Beram Caw üng angtawtha lawng hawlai netä üng ämüng na tea tärü pa ö vi dy.

Lokphong 21:27

Tungaila ätete cai y saite na, kaejae sa saite na, kaeling thui saite na lä honi thung-a kung hethang dang ö y vi ai. Beram Caw üng dungtäsa kähing dang saite na üng ämüng tärü saite cae-u thung-a qa saite xyng na ni honi märü käleng pui thung-a kung ö ai.

Lokphong 21:9

Tupyng-a kangkhüng üng mätang bälai saite na kawipy te kaephi säritä tea süng saite Känipre angtawtha lawng säritä thung üng lawngtä ma kai tea ly kha, “Ly lawi, Beram caw üng nawngpui, aepawng hethang anglaw bung nang tea kai mätü ai” näkha thui vi.

Lokphong 5:6

Tupyng-a Beram caw lä areng aety nae äsäla ung-a hing saite me bälitä hai mätawngky na ma säveng kha aedaw te tea kai lä nung vi dy. Äni lä löci aesa he ra saite beram kätyng awng vi dy. Beram caw lä täki säritä hai ämi säritä awng vi dy. Honi ämi na lä Muilaw Käcai üng cungrü saite säritä vi. Säthaw ma äni bung lä älawngpre qütä-a mätaw saite na vi dy.

Lokphong 5:8

Hokä la te kätü-a, hing saite me bälitä na hai mätawngky kuisy bälitä lä Beram caw üng maw-a aebo ö vi dy. Äni ce tea lä tingtyng haetä hai rimuidi kawi saite sui kaephi süng qi ö vi dy. Honi dingrawng mui na lä Säthaw üng khimi käcai na üng aetang saite na tea thui te vi.

Lokphong 6:1

Tupyng-a Beram caw lä cakhi saite dengki säritä thung üng angcü üng dengki tea täphra te kai lä nung vi dy. Hing saite me bälitä thung-a haetä te üng bärei mäkhawi te tüng kätyng, “Ly lawi” näkha thui te kai lä thai vi dy.

Lokphong 6:16

Äni ce lä me anghung hai kälung na tea, “Kai ce tea aekai kha täphung ö la. Areng üng aety nae qawng-a aety saite Kung üng mimai tea nung y hethang hai Beram caw üng kädawtho saite thung üng kai ce bung hoja ö kü jo.

Lokphong 7:14

Kai ma äni tea, “Areng ä, Nang lä mäny vi” näkha mäthang vi dy. Äni ma kai tea, “Hini khimi na lä sakälö khü phi saite na aeting kha bäja ö saite na vi. Äni ce lä äma ce üng kä-o na tea Beram caw üng äthi hai mäcai ping ö pyng saite na vi dy.

Lokphong 7:17

Ätephüng-a mei nädylä areng aety nae üng äsäla ung-a awng saite Beram caw lä äni ce bung rui saite beram kärui Kung-a lawng vi ai. Äni ma äni ce bung lä kähing py saite tui cäpring mityng-a bähawi pa vi ai. Tukha Säthaw lä äni ce üng ämi na mang tho saite minaw tui angxynlyng na tea mai pang vi ai” näkha nä vi.