Johan 1:14 - Caekäcai Kangthae (Lemi)

¹⁴ Älo lä khimi-a aelawng kha kai ce tea bälung aevaw te hai Säthaw üng bälung kähawi mitang khü-a mätü ea mä-ai hai mangtä awng. Kai ce lä äni üng phung-ang nung ö dy. Hini phung-ang lä Pä-ai Säthaw ma Cäpaw lawngtä xyng tea py saite phung-ang vi.

Asang Khongso New Testament

¹⁴ Lok loa kami ah angcoeng moa aicae salak thungah a oh; tahmenhaih hoi loktang hoiah koi. Aicae mah anih ih lensawkhaih to hnuk o, ato lensawkhaih loa Ampa mah a Capa longto ta khueh a tawnh ih khaeah a paek ih lensawkhaih to ni.

Johan 1:14 ပူးပေါင်းရင်းမြစ်များ

Mathai 1:16

Jaeko lä Josefae üng pä-ai vi. Josefae lä Maeri üng nawngpaw vi. Maeri ma Isu bung aepeng pa te vi. Khimi ce lä Isu tea Mesia näkha kähyng ö vi.

Luka 2:11

Vaidüng ma hini sanphrang Davidae üng märü-a Aeqangkung lä nang ce tähang aepeng pa dy. Äni lä Khrista vi. Areng la vi.

Luka 2:7

Maeri lä äcäpaw cälö lawngtä aepeng pa dy. Äma lä äni bung libyng käsa hai säbang kha raebawi raca mäcaw te okö haetä thung-a khai pa dy. Angvüng aehae nae thung-a änini tähang mityng awng pa y te phüng-a Maeri lä hini kä sa te vi.

Luka 9:32

Peterae hai äma üng rawijae na lä i-sämu pa vi. Tungaila äni ce i aelaw te kätü-a Isu üng phung-ang hai, Isu hai mangtä aedaw pa saite khimi lawng netä tea nung ö dy.

Johan 1:1

Angcü-a ma älo awng. Honi älo lä Säthaw hai mangtä awng te vi. Honi älo la Säthaw äma vi dy.

Johan 11:40

Tukha Isu ma “Nang yng dylä, Säthaw üng phung-ang bung nung ai näte kai thui pyng te y mei” näkha näpa.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Johan 14:9

Isu ma “Philip ä, Kai lä nang ce hai mangtä awng te qae vi dy. Nang ce lä vaihi khytä, Kai bung mae te y vi rawng mei. Kai bung nung saite khimi lä Kai üng Pä-ai bung nung te by kae dy. Kai üng Pä-ai bung kai ce tea mätü näkha ätephüng-a nang lä thui te mei.”

Johan 17:22

Nang ma Kai tea py saite phung-ang, Kai lä äni ce tähang py pa dy. Mä-ai ni lä bungtä awng te kätyng, äma ce tingtawi bungtä awng hethang Kai lä hini kä sa te vi.

Johan 17:24

“Pä-ai ä, nang ma py saite hini khimi ce bung Kai awng saite mityng-a, mangtä awng hai hethang Kai lä ngai te vi. Älawngpre awng y te kälang üng hai, nang ma Kai tea bälung aevaw te phüng-a, Kai tea py saite phung-ang lä äkähui na tea nung hai hethang ngai te vi.

Johan 18:37

Pilata ma “Tudylä Nang lä Sanphrang vi mei” näkha düng pa. Isu ma “Nang ma thui te kätyng Kai lä Sanphrang vi. Kai lä Älo mitang phüng thui hethang tähang-a aepeng kha hi älawng qawng-a cäqa te dy. Älo mitang hai aesui saite khimi na lä Kai üng älo na tängai ö te vi” näkha näpa.

Johan 2:11

Isu lä angcü-a cangxei te kamarae lä Kalile khö Kana märü-a sa te vi. Äma üng phung-ang mätü pa dy. Äkähui na la Isu tea yng ö dy.

Johan 3:16

Säthaw lä älawng khimi ce tea bälung aevaw te phüng-a Äcäpaw lawngtä xyng bung py vi. Äcäpaw tea yng saite khimi angxynlyng na lä muilaw dü y käla dungtäsa hing te dang vi.

Johan 3:18

“Säthaw üng Cäpaw tea yng saite khimi na tea lä Säthaw ma dengpy te awng y. Äcäpaw tea yng y saite khimi na tea lä vaihi ma Säthaw lä dengpy te vi dy. Ätephüng-a mei nädylä Säthaw üng Cäpaw lawngtä xyng tea yng pa y te phüng-a vi.

Johan 6:51

Kai lä Känipre üng cäqa saite hing te Täkaw vi. Hini Täkaw ca saite khimi na lä dungtäsa hing te dang vi ai. Hini Täkaw lä kai üng ängang vi. Älawng üng khimi na tea hing hai hethang tähang-a kai üng ängang py te vi.”

Johan 8:32

Säthaw üng phüng tätang nang ce mäny ö te phüng-a honi ma nang ce bung aelawi hai pa vi ai mang” näkha näpa.

Pawlae ma Rom märü üng kangkawng tähang tärü saite cae 8:3

Ngaiphi tüng y saite bälung phüng-a, Mosi üng Ubädi lä mä-ai bung aeqang haw te y vi. Tukätephüng-a Säthaw lä mä-ai bung aeqang hethang äni lä Äcäpaw khekhe bung mä-ai tea mätaw pa vi dy. Äni üng Cäpaw lä mä-ai kätyng hunghö sa hethang ngai saite ätabung awng vi. Äni lä mä-ai bung pyng saite hunghö tea täphra te vi dy.

Pawlae ma Rom märü üng kangkawng tähang tärü saite cae 9:5

Äni ce lä ämüng aethang saite Hebrai kangsi kangjaw na üng kaepreng na vi. Khrista la khimi lawng te kätü-a, Isrelae khimi kätyng-a aepeng te vi. Äte angxynlyng na pyng saite Säthaw tea lä khimi ce ma dungtäsa bälaw hai ö sy. Amen.

1 Korin 15:47

Angcüky üng khimi Adam bung Säthaw lä hini älawngdi hai sa te vi. Khrista näsaite äbaeni üng Adam lä Känipre mang üng tyng te vi.

2 Korin 12:9

Tungaila Areng lä kai tea, “Kai üng tähang kähawi lä nang tähang aelo te vi. Nang lä aethawdi te kätü-a, kai üng haidae lä cungrü te vi” näkha mäthang vi dy. Tukätephüng-a kai üng aethawdi saite phüng anghawtho te hai kai lä aethaw vi ai. Tudylä Khrista üng haidae lä kai hai mangtä awng vi ai.

Galati 4:4

Tungaila kätü tyng khaw ea lä, Säthaw lä äma üng Cäpaw bung älawngpre-a mätaw vi dy. Äni bung lä nawngmädi lawngtä üng cäpaw kätyng aepeng kha, Judae na üng Ubädi täkui-a awng hai pa vi dy.

Ephesi 3:8

Kai lä Säthaw üng khimi angxynlyng na thung-a aely leng y ky saite lawngtä vi. Tungaila Säthaw lä ceng kälang na tea Khrista üng tengxyng y tawngnang saite phüng thui hethang kai tea tähang kähawi py te vi dy. Hini Khrista üng tengxyng y tawngnang saite phüng lä khimi ce ma thaikaw saite qawng-a hawiky te vi.

Kolosa 1:19

Tukätephüng-a Säthaw lä äma üng kängai angxynlyng na Äcäpaw tea cungrü hai saite lä äma üng aely ngai phi saite vi dy.

Kolosa 2:3

Säthaw lä ho saite bälungkähae hai ävang käting angthang tea Khrista ma nang ce tea mänykaw hai te vi.

Kolosa 2:9

Khrista lä khimi-a aelawng te kätü-a, äni lä Säthaw üng cungrü saite kätyng hing te vi.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

Hebrai 1:3

Äcäpaw lä Säthaw üng phung-ang matangtä cangxei hethang hawi mei näte tea mätü kha äma khekhe lä Säthaw üng aeme aeqa saite hai aetawng khaw te vi. Hini älawng hai käni äte angxynlyng na tea lä äma üng haidae awng saite lo hai äma ce üng mityng-a awng jawjaw hethang sa te vi. Äni lä khimi ce üng hunghö na tea mäcai pyng ea Känipre-a awng saite phung-ang kälengky Säthaw üng bangtang mang-a aety vi dy.

Hebrai 1:5

Säthaw lä ämi Känipre üng angtawtha tea, “Nang lä kai üng Cäpaw vi. Vaini kai lä nang üng Pä-ai-a aelawng vi dy” näkha thui vai y lyng. Y dylä Säthaw ma Känipre üng angtawtha lawngtä phüng tea, “Kai lä äni üng Pä-ai-a lawng kha äni lä Kai üng Cäpaw-a lawng ai” näkha thui tyng y lyng.

Hebrai 10:5

Tukätephüng-a Khrista lä hini älawngpre-a ly te kätü-a, Äni ma Säthaw tea, “Nang lä khimi ce üng lasawng hai tawngbawi löci sa saite na tea ngai y vi. Tungaila nang lä Kai tähang ätabung sa rüng te vi dy.

Hebrai 2:11

Isu lä khimi ce bung äma ce üng hunghö na tea mäcai pa te vi. Äni hai äni ma mäcai saite angxynlyng na üng Äpä-ai lä lawngtä kae. Tukätephüng-a Isu lä äni ce tea äma üng kangby hai ticaw na näkha ka hethang aejae y.

Hebrai 5:5

Tukätephüng-a Khrista la äma tea äma mäthykung kälengky lawng hethang aemäsang te y lyng. Säthaw lä äni tea, “Nang lä kai üng Cäpaw vi. Vaini kai lä nang üng Pä-ai-a aelawng vi dy” näkha näpa.

1 Johan 4:14

Mä-ai üng Pä-ai Säthaw lä hunghö ma pyng saite khimi qütä tähang Äcäpaw bung Aeqangkung kätyng hini älawngpre-a mätaw saite tea nung kha mä-ai lä thui ö te vi.

1 Johan 4:9

Säthaw lä äma tea lawngtä xyng awng saite Äcäpaw bung hini älawngpre-a mätaw te lä mä-ai tea äni ma matangtä bälung aevaw mei näsaite tea mätü te vi dy. Honi Äcäpaw hai-a mä-ai lä dungtäsa cungrü saite kähing dang ö te vi dy.

2 Johan 1:7

Kaeling kaemae sa te awng mang saite na lä hini älawngpre mityng qütä-a tyng ö vi dy. Isu Khrista lä khimi-a aelawng kha hini älawngpre-a tyng saite tea äni ce lä aephae ö te vi. Honi kätyng thui saite khimi lä kaeling kaemae thui kha Khrista üng täre Kälengky-a aelawng te vi.

Lokphong 19:13

Äni üng aelawng saite kä-o käsa lä äthi aebi mang te vi. Äni üng ämüng lä, “Säthaw üng Älo vi” näpa.

Lokphong 21:3

Areng aety nae üng ätüng käleng thai te lä, “Vaihi Säthaw üng tai nae lä khimi ce hai mangtä vi. Äni lä khimi ce hai mangtä awng ai. Äni ce lä Äni üng khimi na-a aelawng ö ai. Säthaw äma ma la äni ce hai mangtä awng khe kha äni ce üng Säthaw-a lawng ai.