Jako 4:1 - Caekäcai Kangthae (Lemi)

¹ Ätephüng-a nang ma ce tingtawi aejaw aemang kha aety ö te mei. Honi lä nang ma ce üng bälung thung-a ngaiphi tüng y saite na lä aejaw aemang jawjaw ö te vi.

Asang Khongso New Testament

¹ Nangcae angzoehhaih hoi angpanhaih ihnawk boih hae naabanghoi maw angzoh? Nawmhaih na koehhaih ih hoitoah angzoh moa atonawk to nangcae takbum thungah angtuk o toemoe.

Jako 4:1 ပူးပေါင်းရင်းမြစ်များ

1 Piter 2:11

Bälung aevaw saite äpy na ä, hini älawngpre-a nang ce lä angvüng angvaw na kätyng awng kha ngaiphi tüng y saite na tea lä hui ö hang. Säthaw ma nang ce tea py te hing saite tea hini ngaiphi tüng y saite na lä aety jawjaw ö te vi.

Galati 5:17

Mä-ai üng ngaiphi tüng y saite bälung lä Muilaw Käcai tea elekhei sa te kae. Muilaw Käcai la mä-ai üng ngaiphi tüng y saite bälung tea elekhei sa te by vi. Muilaw Käcai hai nang ce üng ngaiphi tüng y saite bälung lä aetawng y te phüng-a, nang ce lä ngai saite na sa haw y dy lyng.

Pawlae ma Rom märü üng kangkawng tähang tärü saite cae 7:23

Tungaila kai üng ätabung thung-a Ubädi kälang kälu sa te tea kai nung vi. Hini Ubädi kälang lä kai bälung thung üng ngai saite Ubädi tea lä elekhei sa te vi. Honi Ubädi kälang lä hunghö hai aesui kha kai bung hunghö üng mawsawng-a lawng hai te vi.

Pawlae ma Rom märü üng kangkawng tähang tärü saite cae 8:7

Ngaiphi tüng y saite ma pyng saite khimi lä Säthaw üng täre na vi. Äni ce lä Säthaw üng Ubädi tea tängai ö y. Äni ce lä tätang tängai ö haw y te vi.

Jako 1:14

Mä-ai üng ngaiphi tüng y saite bälung lä mä-ai tea the te vi. Äni ce lä mä-ai tea mäthang sa kha käsi mang-a nähai ö te vi.

1 Piter 1:14

Nang ce lä älo tängai saite Säthaw üng caw nade na kätyng hing hethang kae. Vaihi nang ce lä nang ma ce üng ngaiphi tüng y saite bälung kätyng hui ö hang. Honi lä Säthaw bung nang ce mäny y te kätü-a, sa saite kae.

Kolosa 3:5

Tudylä nang ce lä bädö saite bälung üng kängai-a hui ö hang ba. Täkübäjang sa saite na, cai y saite na, deirei saite na, ngaiphi tüng y sa hethang ngai saite na, ae-aw saite bälung na awng ö vi hang lawi. (Ae-aw saite bälung näte lä mimi tea cäphaw te kätyng by vi.)

2 Piter 3:3

Aely lengky saite lä, nang ce lä hini kangkhüng üng dungpa-a mänui hai saite khimi na lä tho ai näte mäny ö hethang kae. Äni ce lä äma ce üng ngaiphi tüng y saite na tea hui kha nang ce tea mänui hai ö vi ai.

Jako 4:3

Nang ce aetang te kätü-a, mäteng ma dang y te lä nang ma ce üng tämang saite kaedawng hai Säthaw tea mäkai ö te phüng-a vi. Nang ce lä mäkai saite tea nang ma ce üng bälung kawng hai hethang tähang xyng tawng he ngai ö te vi.

2 Piter 2:18

Äni ce lä aethaw kha aetütü saite lo na aepe ö te vi. Äni ce lä mimi na bung khaisö kha tänaetä Khrista tea yng saite khimi na tea ngaiphi tüng y saite bälung hai-a hunghö sa hethang the pa ö te vi.

Titas 3:3

Mä-ai la jangni-a lä kaerö te hai älo aetängai vai y saite na by vi. Tukha khimi ce lä mä-ai tea lolang tämang hai ö te vi. Mä-ai lä jangni-a ngaiphi tüng y saite cawngkhang na mang-a hui hethang aepä-üng haw ö y. Mä-ai lä kawng saite hai bädö saite amäjy angxynlyng na tea mawsawng na lawng te vi dy. Mä-ai lä kätü qütä käsi sa kha khimi ce tea pä-e ö te vi. Khimi ce lä mä-ai tea esäre kha mä-ai la äni ce tea esäre ö tyng te by vi dy.

Titas 3:9

Tungaila nang lä khimi ce hai aetütü-a älo ae-e saite, kangsi kangjaw na üng phüng tärü saite, aejaw aemang saite, Mosi üng Ubädi phüng-a aejaw aemang saite na tea lä aehi ba. Ätephüng-a mei nädylä hini na lä ävang ting te y. Aetütü kae vi.

Pawlae ma Rom märü üng kangkawng tähang tärü saite cae 7:5

Mä-ai lä mä-ai ma üng ngaiphi tüng y saite bälung kawi te kätyng hing ö te kätü-a, Ubädi lä ngaiphi tüng y saite na awng hai rae awng hai rae te vi. Mä-ai üng ätabung na hai hunghö sa hethang ngai ö phi te phüng-a, mä-ai angxynlyng na lä dü hethang kae ö te vi dy.

Mathai 15:19

Khimi bälung thung üng tho saite na lä käsi dawng saite na, khimi bädü saite na, täkübäjang sa saite na, nawngpui nawngpaw y käla mangtä i saite na, bäru saite na, älo bälai saite na, khimi üng säri tea täphra saite na vi.

Johan 8:44

Nang ce üng pä-ai lä Setan angra kae vi. Tukha nang ce pä-ai üng aely kängai kätyng nang ce lä sa hethang aethawsa ö te vi. Setan angra lä angcü üng hai ma khimi bädü te kae vi. Äni tea älo mitang lä awng te y vi kha älo kaeling thui te lä äma üng rawraw kae vi. Äni lä khimi älo kaeling na üng pä-ai kae vi.

2 Timote 2:23

Ae-e aetütü saite lo hai älo kangthö na tea thung-a lä qa hang ba. Ätephüng-a mei nädylä honi lo na hai khimi ce lä aejaw aemang hai saite vi näte nang lä thaikaw te phüng-a vi.