Hebrai 5:2 - Caekäcai Kangthae (Lemi)

² Mäthykung kälengky äma khekhe lä aethawdi saite khimi vi. Tukätephüng-a sa tämang saite na tea lä mäny y te phüng-a, hunghö sa saite khimi na tea äni lä bäheng haw te vi.

Asang Khongso New Testament

² Angmah doeh tharahhaih ai-ih kalah kalah oh toeng pongah tidoeh panoekhaih tawn ai hoi pazaehaih ka sah kaminawk nuiah palungnaemhaih to a tawnh thai.

Hebrai 5:2 ပူးပေါင်းရင်းမြစ်များ

Luka 22:32

Tungaila nang üng yng saite pra y hethang kai lä aetang pa dy. Kai tea nang ae-y haile te kätü-a lä nang ma ce üng kangby jä-ai na tea aethaw py haile tyng pa jo” näpa.

2 Korin 11:30

Kai aethaw hethang kae te lä, kai üng aethaw awng y näte phüng na tea mätü hethang aethaw ai.

2 Korin 12:5

Kai lä honi khimi phüng tea aethaw haw te vi. Tungaila kai ma üng phüng lä aethaw y lyng. Kai ma üng aethawdi saite phüng xyngtä aethaw vi ai.

Galati 4:13

Kai lä angcü üng Angthang Kähawi nang ce tea thui saite kätü-a, kai üng ätabung aethawdi saite phüng nang ce lä aedawng haile ö te vi.

Ephesi 4:18

Äni ce lä Säthaw lo mitang tea thaikaw king haw ö y vi. Äni ce lä Säthaw ma py te hing saite hai hanglaw bärai ö te vi. Ätephüng-a mei nädylä äni ce lä bälung tangkö kha Säthaw bung mäny haw ö y.

1 Timote 1:13

Kai lä jangni-a Isu lä Khrista phüng käsi na thui kha yng saite na tea mätang bälai-a älang chawngkhang hai sa kha säkälö khü ngaila Khrista lä kai tea bäheng te vi. Ätephüng-a mei nädylä kai ma käsi sa saite tea mäny y te lä Khrista tea yng pa y te phüng-a vi.

Hebrai 12:13

Lolang kätaw-a ly jawjaw ö. Hokä ea ni äkho kangbai na lä aetüng y käla ma hawi ö ai mang.

Hebrai 2:17

Tukätephüng-a äni lä älang qütä-a äma üng khimi na kätyng aetawng hethang kae te vi. Hini kätyng äni lä mä-ai tea bäheng kha Säthaw üng ae-y khü saite Mäthykung Kälengky-a lawng haw te vi. Tukätephüng-a Säthaw lä khimi ce üng hunghö na tea bälawi haw te vi.

Hebrai 2:18

Setan lä Isu tea hunghö sa hethang the te hai mätang bälai saite tea äni lä aeting khe te vi dy. Tukätephüng-a Isu lä hunghö sa hethang Setan ma the saite khimi na tea säbawng haw te vi dy.

Hebrai 4:15

Mä-ai üng Mäthykung Kälengky lä mä-ai üng aethaw awng saite tea mäny kha bäheng te vi. Setan lä mä-ai tea hunghö sa hai hethang the te kätyng äni tea la älang qütä the te by vi. Tungaila äni lä hunghö awng te y.

Hebrai 7:28

Mosi üng Ubädi kätyng Säthaw lä cungrü y saite khimi na bung mäthykung kälengky-a khai te vi. Tungaila Mosi tea Ubädi py pyng te kätü-a, Säthaw lä älo aedo kha Äcäpaw bung re pa te vi dy. Honi Äcäpaw bung lä dungtäsa cungrü saite Mäthykung Kälengky-a khai te vi dy.

Hebrai 9:7

Tungaila mäthykung kälengky xyng ni taipung üng äbaeni ingthung khaw-a lä säningtä-a qengtä xyng kung te kae vi. Äni lä äma üng hunghö tähang hai khimi ce üng mäny y käla sa tämang saite hunghö na tähang-a löci sa pa hethang löci aesa saite tawngbawi üng äthi tea süng kha kung hethang kae.

Jako 5:19

Yng saite kangby jä-ai na ä, nang ce thung üng khimi lawngtä ma lo mitang tea tängai y dylä, khimi kälang lä äma üng kangby jä-ai tea ae-ui haile hai hethang äni tea säbawng vi dy näkha nä ö maisi.

1 Piter 2:25

Nang ce lä lolang tämang saite beram na kätyng vi. Tungaila vaihi nang ce lä Beram rui saite hai nang ce üng hing saite angxynlyng na tea aedung hai saite Kung tea aekö haile tyng ö te vi dy.