Hebrai 2:9 - Caekäcai Kangthae (Lemi)

⁹ Tungaila mä-ai lä Isu bung nung ö te vi. Säthaw lä Isu bung Känipre üng angtawtha na qawng-a tänaetä äje cäcaw kaeneng-a khai pa vi. Hini kätyng Isu lä Säthaw üng tähang kähawi hai-a khimi angxynlyng na tähang dü pa hethang kae te vi. Äni lä mä-ai tähang mätang bälaica-a dü pa te phüng-a Säthaw ma vaihi lä äni tea cangxei-a sa kha phung-ang py pa te mä-ai lä mäny ö te vi.

Asang Khongso New Testament

⁹ To-e Jesuh loa Sithaw tahmenhaih ranghoiah mi boiboih zuengah duek hanah atue setta thung vanminawk pongdoeh kahnaem kueah sakah oh to aicae mah hnuk o. Anih loa duekhaih ih pauep pongah vaihi loa lensawkhaih hoi khangzahaih lumuek kang muek to aicae mah hnuk o.

Hebrai 2:9 ပူးပေါင်းရင်းမြစ်များ

Mathai 16:28

Tängai ö. Hi-a awng saite khimi phütä na lä Sanphrang kätyng Khimi üng Cäpaw bung nung y kälang-a dü y vi ai rawng” näkha näpa.

Mathai 6:28

“Nang lä aekhu aena nae tähang bälungbi hang. Daithung üng äcae hawi saite äpa na phüng aedawng mäsüng kae-e. Äni ce lä kälu la sa vai te y. Kä-o la aekhü vai te y.

Marka 9:1

Tukha Isu ma äni ce tea “Tängai ö. Hi-a awng saite khimi phütä na lä Säthaw üng pre pyng te haidae tyng te nung y kälang-a dü y vi ai rawng” näkha näpa.

Luka 9:27

Kai ma nang ce tea tätang khaw thui te lä hini mityng-a awng saite khimi phütä na lä Säthaw üng pre nung y kälang-a lä dü y rawng lyng” näkha näpa.

Johan 1:29

Khawngdang mang üng käni-a Isu lä äni te mang-a ly te nung kha Johan ma “Älawng khimi ce üng hunghö la pa saite Säthaw üng beram caw tea kheng ö e.

Johan 10:17

“Kai lä hing saite dang haile hethang tähang-a kai lä dü hethang awng rüng te phüng-a Pä-ai lä Kai tea bälung aevaw vi.

Johan 12:32

Äni ce lä kai bung thinglang qawng-a bang ö vi ai. Tupyng-a khimi angxynlyng na bung kai ma tea ka vi ai” näpa.

Johan 3:16

Säthaw lä älawng khimi ce tea bälung aevaw te phüng-a Äcäpaw lawngtä xyng bung py vi. Äcäpaw tea yng saite khimi angxynlyng na lä muilaw dü y käla dungtäsa hing te dang vi.

Johan 8:51

Tängai ö, Kai üng lo tängai saite na lä manila dü y ai dy” näkha näpa.

Johan 8:52

Judae khimi na ma “Nang tea angra kung vi näte kai ce lä vaihi mäny khe dy. Abraham hai buisaw na lä dü king te vi dy be. Nang lä ‘Kai üng lo tängai saite na la manila dü be y ai dy’ näkha näte vi mei.

Angtawtha 2:33

Säthaw ma Isu bung äma üng bangtang mang-a khai kha Äpä-ai ma aedo saite Muilaw Käcai tea äni lä dang vi dy. Nang ce vaihi nung kha thai saite lä Areng ma mä-ai tea py saite äni üng lasawng vi.

Angtawtha 3:13

Abraham üng Säthaw, Isaika üng Säthaw hai Jaeko üng Säthaw, mä-ai kangsi na üng Säthaw, lä äma üng mawsawng Isu bung mäsang pa te vi dy. Nang ce lä honi Isu bung bädü hethang Pilata mätawngky kö-a a ö te vi. Pilata mätawngky ma honi Isu bung aelawi hai hethang ngai ea la nang ce lä äni bung khaisö ö te vi.

Pawlae ma Rom märü üng kangkawng tähang tärü saite cae 5:18

Tudylä Adam näsaite khimi lawngtä üng sa tämang te phüng-a, Säthaw lä khimi angxynlyng na tea lä dengpy pa he kae te vi. Honi kätyng khimi lawngtä üng kätüng sa te phüng-a, Säthaw lä khimi angxynlyng na bung äma üng maw-a khimi käcüng-a mäthi kha äni ce tea dungtäsa kähing py te vi.

Pawlae ma Rom märü üng kangkawng tähang tärü saite cae 5:8

Tungaila Säthaw lä mä-ai tea matangtä bälung aevaw mei näte mätü pyng te vi dy. Mä-ai lä hunghö sa te thüng-a, Khrista lä mä-ai tähang dü pa te vi dy.

Pawlae ma Rom märü üng kangkawng tähang tärü saite cae 8:3

Ngaiphi tüng y saite bälung phüng-a, Mosi üng Ubädi lä mä-ai bung aeqang haw te y vi. Tukätephüng-a Säthaw lä mä-ai bung aeqang hethang äni lä Äcäpaw khekhe bung mä-ai tea mätaw pa vi dy. Äni üng Cäpaw lä mä-ai kätyng hunghö sa hethang ngai saite ätabung awng vi. Äni lä mä-ai bung pyng saite hunghö tea täphra te vi dy.

Pawlae ma Rom märü üng kangkawng tähang tärü saite cae 8:32

Äma üng Cäpaw khekhe bung mäsai y käla, mä-ai angxynlyng tähang löci sa pa vi dy. Äcäpaw bung py saite Säthaw lä ngai saite angxynlyng na mä-ai tea py tätang khaw vi ai.

2 Korin 5:15

Khrista lä khimi angxynlyng na tähang dü pa te vi dy. Tukätephüng-a hing saite kangthae dang te khimi angxynlyng na lä äma ce üng tähang hing hethang kae te y vi dy. Äni ce tähang dü pa saite hai Säthaw ma mäning haile tyng saite Areng üng tähang, hing pa hethang lä aeteng khaw ö te vi.

2 Korin 5:21

Khrista lä manila äte hunghö sa vai te y vi. Tungaila Säthaw lä mä-ai üng tähang-a äni tea lä hunghö awng te kätyng mäthi te vi dy. Tukätephüng-a mä-ai lä Khrista hai bungtä awng ö dylä, Säthaw ma mä-ai tea lä khimi käcüng-a mäthi vi ai.

Galati 4:4

Tungaila kätü tyng khaw ea lä, Säthaw lä äma üng Cäpaw bung älawngpre-a mätaw vi dy. Äni bung lä nawngmädi lawngtä üng cäpaw kätyng aepeng kha, Judae na üng Ubädi täkui-a awng hai pa vi dy.

1 Timote 2:6

Äni lä khimi qütä aelawi hai hethang äma üng hing saite aepy kha dü pa te vi dy. Säthaw ma khai khaw te kätü-a, hini angthang lä khimi qütä tea thai hai te vi dy.

Hebrai 1:9

Nang lä mitang khaw saite tea bälung aevaw kha sa tämang saite tea lä esäre te vi. Tukätephüng-a kai, nang üng Säthaw, lä nang bung re ea nang üng kangby jä-ai na qawng-a, mäsang kha tengxyng y anghawtho saite na nang tea py te vi dy” näkha nä vi.

Hebrai 10:5

Tukätephüng-a Khrista lä hini älawngpre-a ly te kätü-a, Äni ma Säthaw tea, “Nang lä khimi ce üng lasawng hai tawngbawi löci sa saite na tea ngai y vi. Tungaila nang lä Kai tähang ätabung sa rüng te vi dy.

Hebrai 11:5

Eno lä Säthaw tea yng te phüng-a dü y vi. Äni bung Säthaw lä kanghing tang-a ma khösang mang-a nähaija te phüng-a, äni hai ämi la aeting haile tyng haw y vi dy. Säthaw lä äni bung nähaija y te kätü-a, Eno lä Säthaw ma kawng hai saite vi dy näte Caekäcai thung-a thui te kätyng vi dy.

Hebrai 12:2

Mä-ai lä Isu tea kheng khü jawjaw ö si. Äni lä mä-ai üng yng saite tea aetawng angcü hai kha cungrü-a sa pa saite Kung la vi. Äni lä thinglang qawng-a täheng saite üng saerae dang te tea khung vi dy. Ätephüng-a mei nädylä hokä äni sa te lä ämaw mang-a anghawtho ai näte tea Äni lä mäny te phüng-a vi dy. Vaihi äni lä Säthaw üng aety nae bangtang mang-a aety te vi.

Hebrai 2:7

Nang lä äni ce bung Känipre üng angtawtha na qawng-a cäditä aeneng hai pa vi dy. Nang lä khimi ce tea cangxei-a sa kha phung-ang py pa vi dy.

Hebrai 7:25

Tukätephüng-a Isu hai-a Säthaw tea ly saite khimi na bung lä dungtäsa cungrü-a aeqang haw bawi ö te vi. Ätephüng-a mei nädylä äni lä khimi ce bung aeqang he Säthaw tea aetang haw jawjaw hethang dungtäsa hing te vi dy.

Hebrai 8:3

Mäthykung kälengky qütä lä Säthaw tea lasawng hai tawngbawi na löci aesa hai he hethang khai te vi. Tukätephüng-a mä-ai üng Mäthykung kälengky lä Säthaw tea hae haetä hai löci aesa hethang kae.

1 Piter 1:21

Nang ce lä Khrista hai-a Säthaw tea yng ö te vi. Säthaw ma Khrista bung lä kädü thung üng mätha haile tyng kha äni tea phung-ang py pa vi dy. Tukätephüng-a nang ce lä Säthaw tea yng kha aethang khai tätang ö te vi.

1 Johan 2:2

Mä-ai üng hunghö na tea Säthaw ma bälawi hethang Khrista äma lä löci sa saite mawi-a aelawng vi dy. Äni lä mä-ai üng hunghö qaitä tähang kae y, hini älawngpre-a awng saite khimi angxynlyng na üng hunghö na tähang la löci aesa saite by vi.

Lokphong 19:12

Äni üng ämi na lä mai kätyng aengaw vi. Äni üng älö-a lä areng lökhu na aekhu vi. Äni üng qawng-a lä ämüng haetä tärü vi dy. Tungaila honi ämüng tea lä äma qaitä ni mäny kae vi.

Lokphong 5:9

Tukha äni ce lä ae-awi kangthae thui ö vi dy. “Nang lä honi cae ang-yng la hethang hai, cakhi saite dengki na tea täphra hethang aeteng khaw vi. Ätephüng-a mei nädylä, khimi ce lä nang bung bädü kha nang üng löci aesa saite hai ceng qütä, älo cawngkhang aepe saite qütä, älawng qawng üng pre qütä awng saite na üng khimi na bung lä Säthaw tähang rang vi dy.