Filipi 4:8 - Caekäcai Kangthae (Lemi)

⁸ Kai üng kangby jä-ai na ä, kangkhüng üng thui saite älo lä tüng saite na, khimi ce ma tämö khai he hawi saite na, cüng saite na, cai saite na, khimi ce ma bälung aevaw he hawi saite na, kähawi-a ämüng aethang saite na, hawi phi te na hai bälaw hethang aeteng khaw saite na tea nang ce lä kähawi-a dawng mäsüng hethang kae ö te vi.

Asang Khongso New Testament

⁸ Aboenghaih koek ah naukamzanawk, nangcae ih palungthin to kahoih hoi pakoeh ka krah: kahmaan, atho kaom, katoeng, kacai, palung hankoi kaom hoi khangza hankoi kaom hmuennawk hoiah koi oah.

Filipi 4:8 ပူးပေါင်းရင်းမြစ်များ

Mathai 22:16

Äni ce lä äma ce üng äkähui phütä na hai Herodae üng äpy na bung Isu tea mätaw pa dy. Äni ce ma “Särae ä, nang lä kätüng khaw ni thui te kai ce lä mäny vi. Nang lä khimi ce Säthaw üng älang kätüng kätyng awng hethang mätu te vi. Khimi ce ma nang phüng aethang khai ngaila nang lä dawngcang te y. Khimi ce üng mimai tea la kheng y.

Marka 6:20

Baptismae Johan lä khimi cüng saite hai käcai vi näte Herodae lä mäny pa te phüng-a Johan tea ri kha kähawi-a rui pa te vi. Tukha Herodae ma Johan üng älo na thai ea lä bälung hawi y phi ngaila äni lä Johan üng lo tea ngai kha tängai jawjaw te vi.

Luka 16:15

Tukätephüng-a Isu ma äni ce tea “Nang ce lä khimi ce üng maw-a angrubu-a awng hethang ngai ö te kae vi. Tungaila Säthaw lä nang ce üng bälung tea mäny te vi. Khimi ce ma aely kälengky-a khai saite na tea Säthaw lä esäre kha känyng te vi.

Luka 2:25

Honi kätü-a Simon näsaite khimi lawngtä lä Jerusalem märü-a awng pa vi. Äni lä khimi cüng saite lawngtä kha Säthaw üng lo tängai jawjaw saite khimi vi. Äni lä Isrelae na bung aeqang saite Säthaw üng Mesia tea aering te vi. Muilaw Käcai lä äni hai mangtä awng te vi.

Luka 23:50

Hokä ea Josefae ämüng awng saite khimi lawngtä awng. Äni lä Judae khö Arimathia märü üng khimi vi. Äni lä khimi hawi te hai cüng saite lawngtä kha Säthaw ma Sanphrang sa hethang kätü tea aering saite khimi by vi. Äni lä Judae na üng kawngci-a thung-a qa saite lawngtä by vi. Tungaila äni lä Isu bung bädü hethang älang mäkhawi tärae cei te kätü-a lä, äni ce hai mangtä bälung aedü te y vi.

Johan 7:18

Mä-ai ma üng aely kängai hai thui saite khimi lä mä-ai ma phung-ang dang he ngai te kae vi. Tungaila äma bung mätaw te Kung üng phung-ang tähang aethawsa saite khimi lä mitang khü vi. Äni lä älo kaeling thuikaw y lyng.

Angtawtha 10:22

Äni ce ma “Konelia näsaite täre mätawngky ma, kai ce tea mätaw te vi. Konelia lä khimi mitang vi kha Säthaw tea tämö khai ea ri kha awng saite khimi vi. Judae khimi angxynlyng na üng tämö khai saite khimi la vi. Säthaw üng angtawtha käcai lawngtä lä Konelia tea nang bung kähyng hethang täru pa vi. Nang thui saite na äni tängai hethang tähang vi” näkha näpa.

Angtawtha 22:12

“Anania näsaite khimi lä kai tea ly dy. Äni lä Mosi üng Ubädi na tängai kha Säthaw tea bälung aepy saite khimi lawngtä vi. Äni lä Damasaka märü üng Judae khimi angxynlyng na ma tämö khai saite khimi vi.

Angtawtha 6:3

By jä-ai na ä, nang ce thung üng khimi lawng säritä bung re ö lawi. Äni ce lä Muilaw Käcai kawi te hai, bälung cüng te hai, khimi ce ma äni ce tea tämö khai saite na-a lawng hethang kae. Hini kälu sa hethang äni ce tea kai ce ma py pa ai mang.

Pawlae ma Rom märü üng kangkawng tähang tärü saite cae 13:13

Mä-ai lä kaevang-a hing saite khimi tähang aeteng khaw te kätyng hing ö si. Khimi ce üng jö nei phi kha bärui saite pawi-a qa ö hang. Täkübäjang sa saite na, aejaw aemang saite na, hai dökhaw saite na tea mä-ai lä sa ö hang si.

Pawlae ma Rom märü üng kangkawng tähang tärü saite cae 13:3

Kähawi sa saite khimi lä aenae awng saite na tea ri hethang awng y lyng. Tungaila käsi sa saite na lä ri hethang awng te vi. Nang lä aenae awng saite khimi tea ri y käla awng hethang ngai dylä, hawi saite na tea sa ba. Hokä dylä äni ce ma nang tea bälaw ai.

Pawlae ma Rom märü üng kangkawng tähang tärü saite cae 14:18

Hini älang hai-a Khrista üng kälu sa dylä, nang lä Säthaw tea anghawtho hai kha khimi ce ma la nang tea bälaw ö vi ai.

Pawlae ma Rom märü üng kangkawng tähang tärü saite cae 2:29

Judae khimi tätang lä Säthaw ma äma hai aesui näte mäny hai hethang äni üng bälung thung-a äsäny sa te vi. Honi lä Ubädi ma sa haw te y. Säthaw üng Muilaw Käcai ma sa haw te kae vi. Honi khimi tea lä khimi kälang na ma bälaw y ngaila, Säthaw lä äni tea bälaw vi ai.

1 Korin 4:5

Tukätephüng-a Säthaw ma khai saite kätü tyng y te kälang-a lä, khimi ce tea tärae cei ö hang. Areng tyng haile te kätü-a, ämi lä kähawi-a sa mei, sa y mei, näte Areng ma thui vi ai. Äni lä käving thung-a ho saite na kaevang-a täphawng vi ai. Areng ma khimi ce lä äma ce üng bälung thung-a dawng saite na khimi qütä tea mäny hai vi ai. Honi kätü-a, Säthaw lä khimi qütä tea äma ce hai aeteng khaw te kätyng bälaw qi pa vi ai.

2 Korin 13:7

Nang ce äte haetä la sa tämang y hethang kai ce lä Säthaw tea aetang ö te vi. Kai ce lä Säthaw üng tüng saite angtawtha na vi näte khimi ce üng maw-a mätü hethang y. Tungaila nang ce kätüng sa saite lä aely leng te vi. Kai ce üng phüng khimi ce dawng saite lä aely leng te y.

2 Korin 6:8

Khimi ce lä kai ce tea bälaw kha kai ce üng phüng käsi thui saite, cy saite hai hawi saite na thui ö te vi. Äni ce lä kai ce tea kaeling kaemae sa saite na vi näkha dawng ngaila, kai ce lä lo mitang tea qaitä thui ö te vi.

2 Korin 8:18

Angthang Kähawi thui te phüng-a kangkawng angxynlyng na ma bälaw saite kängby jä-ai lawngtä bung la Tita hai mangtä kai ce lä mätaw te by vi.

2 Korin 8:21

Kai ce lä Areng üng maw-a qaitä aeteng khaw saite sa hethang aethawsa ö te y. Kai ce lä khimi ce üng maw-a la aeteng khaw saite sa hethang aethawsa ö te by vi.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Ephesi 4:25

Tukätephüng-a nang ce lä ätete kaeling kaemae na jangni üng kätyng-a thui ö vi hang lawi. Mä-ai lä ätabung haetä üng kaepreng na kätyng vi te phüng-a, mä-ai angxynlyng na lä mä-ai ma üng yng saite rawijae na tea lo mitang xyng ni thui ö hethang kae.

Ephesi 5:9

Ätephüng-a mei nädylä, nang ce thung-a awng saite kaevang lä nang ce tea hawi saite na, cüng saite na hai mitang khaw saite na sa hai ö te vi.

Ephesi 6:14

Tukätephüng-a nang ce lä aedung hethang aerü kha awng ö rüng. Säthaw üng lo mitang lä khabai hai aetawng vi. Honi hai angkeng tea kähawi-a aekheng ö ba. Säthaw üng cüng saite lä tatärang-a aedung hai saite süng kä-o kätyng vi. Honi tea nang ce lä aelawng ö.

Filipi 3:1

Kai üng kangby jä-ai na ä, Areng hai mangtä awng te phüng-a anghawtho ö. Kai ma tärü pyng saite tea tärü haile tyng be te lä kai tähang bäsae te y lyng. Hini lä nang ce üng yng saite aedung hai hethang tähang kae.

Kolosa 4:5

Nang ce lä Areng Isu tea yng y saite khimi na bung bälung kähae hai sa te kätü tea kähawi-a tawng ö ba. Areng Isu tea yng y saite khimi na maw-a nang ce lä bälung haesy-a awng ö ba. Sa hethang dang saite älang angxynlyng na tea kähawi-a nang ce lä tawng ö.

1 Thesalon 4:12

Hini kätyng sa dylä yng y saite khimi na lä nang ce üng hing saite tea nung kha nang ce tea tämö khai ö ai. Nang ce üng aely kängai lä ämi te üng säbawng saite la ngai y vi ai dy.

1 Timote 2:2

Sanphrang na hai aecörae mätawngky angxynlyng na tähang, kähawi-a aetang pa ö. Tudylä mä-ai lä awngneng te hai derui deso-a awng haw ö ai. Tukha mä-ai la Säthaw üng kängai hai käcai-a awng haw ö ai.

1 Timote 3:11

Honi kätyng-a mätawngky na üng änawngpui na lä khimi ce ma tämö khai saite nawngmädi na lawng ö hethang kae. Khimi ce phüng käsi thui rungrang hethang kae y. Äni ce lä äma ce tea aeküng hethang kae. Kätü qütä khimi ce üng ae-y nae hawi saite nawngmädi na lawng ö hethang kae.

1 Timote 3:4

Äni lä äma üng ingthung takö tea kähawi-a bälung bäcai hethang kae. Äni üng caw nade angxynlyng na lä äma üng lo tängai kha tämö khai hethang mätu he kae.

1 Timote 4:12

Nang lä khösäning na te phüng-a, ämi ma la mäthi y te awng hang sy ba. Nang lä älo aepe saite, hing saite, khimi kälang na tea bälung aevaw saite, yng saite, sa tämang y käla awng saite hai yng saite khimi na tähang aetu hai nae lawng sy ba.

1 Timote 5:10

Äni lä khimi ce tea säbawng saite khimi vi näte tea khimi kälang na ma lä mäny ö bawi vi. Honi lä caw nade na tea kähawi-a mäsang saite, angvüng angvaw na bung äma üng ing-a lady kha mäkung saite, yng saite na üng äkho na tea mäse saite, mätang saite na tea säbawng saite hai kälu kähawi angxynlyng na sa jawjaw hethang äni lä kae vi.

1 Timote 5:2

Nawngmädi mätawngky na tea lä änä-awi na kätyng tämö khai kha nang ma qawng-a nade saite nawngmädi na tea lä ticaw na kätyng älo aepe ea bälung käcai hai thui ba.

Titas 1:8

Honi jüng-a äni lä angvüng angvaw na bung lady te hai kähawi sa hethang ngai saite khimi-a lawng he kae. Äni lä äma tea aeküng te hai bälung kähawi khai saite hai, bälung cai saite hai, cülä-ü-a awng saite khimi-a lawng hethang kae.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Titas 2:2

Nawngmäcaw mätawng na lä äma ce ma aeküng hethang, khimi ce ma tämö khai hethang, bälung kätüng awng ö hethang kae. Äni ce lä yng cakhi te hai bälung aevaw te awng kha änawngsa hethang kae.

Titas 2:7

Nang ma lä sa saite qütä khimi ce tähang aetu nae-a lawng he kae. Tudylä nang lä Säthaw phüng mätu te kätü-a, bälung mitang khü hai khü sälü-a sa ba.

Titas 3:14

Mä-ai üng yng saite khimi na lä kälu kähawi tea aethaw rae te hai sa jawjaw hethang nang ma mätu he kae. Honi hai-a äni ce lä khimi kälang na üng aely kängai na tea säbawng haw ö ai. Äni ce lä aetütü-a awng he kae ö y.

Hebrai 11:2

Jangni üng khimi na lä yng te phüng-a, Säthaw lä äni ce tea bälung aevaw ö te vi.

Hebrai 13:18

Kai ce tähang aetang ö jawjaw ba. Kai ce lä kai ma ce üng käsi kähawi mäny saite bälung kaedawng tea mänysy ö te vi. Kai ce lä kätü angxynlyng na tea kätüng khaw-a sa hethang ngai ö te vi.

Jako 1:27

Mä-ai üng Pä-ai Säthaw ngai saite kälu na lä mätang bälai saite ruicaw na hai nawngmädi lömai na tea säbawng hethang vi. Tukha hini älawngpre khimi na üng käsi sa saite hai-a, nang ce lä pawprae y hethang aethawsa ö.

Jako 3:17

Tungaila Säthaw te üng tho saite bälung kähae lä angcüky-a cai te vi. Honi lä awngneng saite, bälung hawi saite, khimi kälang na tähang aedawng kaw pa saite, bäheng saite hai kälu kähawi sa saite na vi. Honi lä khimi ce üng mimai kheng te hai käjüng sa te awng y.

1 Piter 1:22

Nang ce üng lo mitang tängai saite hai-a, nang ce lä käcai na-a lawng ö te vi dy. Tukha nang ce lä nang ma ce üng yng saite äpy kälang na tea bälung aevaw khaw ö te vi. Lawng lawngtä tea bälung mäke hai bälung aevaw ö lawi.

1 Piter 2:12

Säthaw tea mäny y saite khimi na thung-a nang ce lä cy y rung khytä hing ö. Tudylä äni ce lä nang ce tea sa tämang hethang cy ngaila, nang ce üng kälu kähawi na tea lä nung haw ö ai. Hini hai-a, äni ce lä Areng ly haile te käni-a Säthaw tea bälaw haw ö ai.

1 Piter 4:8

Äte angxynlyng na üng aely lengky te lä, lawng lawngtä tea bälung aevaw tätang saite vi. Ätephüng-a mei nädylä, nang ce üng bälung aevaw saite lä awng mang te hunghö na tea bälawi haw te vi.

2 Piter 3:1

Kai üng bälung aevaw te yng saite kangby jä-ai na ä, kai lä nang ce tea cae haetä tärü pyng-a, vaihi la äbaeni üng cae tärü te vi. Cae känetä-a thung-a, kai ma tärü te lä hini na nang ce üng aedawng haile te hai-a, käcai-a dawng hethang aethawsa ö te vi dy.

1 Johan 3:18

Kai üng bälung aevaw saite caw nade na ä, mä-ai üng bälung aevaw saite lä älo hai ma qaitä aecyng haw y. Mitang khaw saite hai kähawi na sa kha mä-ai üng bälung aevaw saite na tea mätü ö si ba.

1 Johan 3:3

Khrista tea aethang khai rüng saite khimi angxynlyng na lä Khrista lä caiping te kätyng mä-ai ma tea mä-ai ma aemäcai hethang kae.

1 Johan 4:1

Kai üng bälung aevaw saite rawijae na ä, Säthaw üng Muilaw lä kai tea awng näsaite khimi qütä üng älo na tea lä yng ö hang. Khimi lawngtä lä Säthaw üng Muilaw hai thui mei, thui y mei näte tea mäny hethang nang ce lä kähawi-a aedawng khü kha säny hethang kae ö te vi. Buisaw kaeling awng mang saite na lä älawngpre mityng qütä-a tyng kha awng ö te phüng-a vi dy.