Kai ma nang ce tea thui saite särilo tängai hethang äni ce tea mätu haile pa ö. Tängai ö. Kai lä älawngpre teng te khytä nang ce hai mangtä awng jawjaw vi ai” näkha näpa.
Areng lä äte angxynlyng na tea sa te vi. Angxynlyng na la äni phüng-a awng te kae. Angxynlyng na la äni tähang awng te kae vi. Säthaw üng phung-ang lä dungtäsa awng jawjaw sy. Amen.
Isu Khrista ma nang ce tea cüng hai te phüng-a, nang ce lä kälu kähawi na sa haw ö vi ai. Tukätephüng-a khimi ce lä Säthaw üng phung-ang tea bälaw ö ai.
Isu lä mä-ai tea sanphrang kätyng pyng hethang hai mäthykung na kätyng äma üng Pä-ai Säthaw tea mawsawng sa hethang khai pa te vi. Äni tea phung-ang hai haidae lä dungtäsa awng jawjaw sy. Amen.
Honi tänaetä kätü-a ma, pangtälü käleng naw kha märü käleng pui üng phü hawtä-a phütä lä phra vi. Tukha khimi lawng sang säritä na lä dü ö vi dy. Dü y saite khimi na lä tengxyng y ri kha Känipre Säthaw üng phung-ang leng saite tea bälaw ö vi dy.
Äni ma, “Säthaw tea tämö khai kha äni üng leng saite tea bälaw ö. Khimi angxynlyng na tea äni ma tärae cei hethang kätü lä, tyng pyng vi dy. Käni, älawng hai pangle, tui cäpring na sa saite äni tea cäphaw ö lawi” näkha ätüng käleng hai thui pa vi dy.