Filipi 3:8 - Caekäcai Kangthae (Lemi)

⁸ Hikä cang y kai üng Areng Isu Khrista tea mäny te lä honi ätete angxynlyng na qawng-a ävang tingky te phüng-a, honi na tea lä aetütü saite na kätyng-a kai lä dawng kae. Kai lä Khrista tähang-a äte angxynlyng na tea khaisö pyng te vi dy. Honi angxynlyng na tea kai lä angnüng angsaw kätyng dawng te kae vi dy. Kai lä Khrista bung kähawi-a mäny king haw hethang tähang vi.

Asang Khongso New Testament

⁸ Ato hmuennawk khueh na ai; hmuen kalah cungriboih doeh hae tiboih boih pongdoeh atho kaom pahlai ka Angraeng Khrih Jesuh panoekhaih ranghoiah sung kingah ka dawn boah. Angmah hanih pongah cungriboih to ka vah king boah; Khrih ka hak thaih han hoi,

Filipi 3:8 ပူးပေါင်းရင်းမြစ်များ

Luka 1:43

Säthaw lä kai tea tätang khü bälung aevaw kha kai üng Areng nä-awi bung kai tea dawnghang ly hai te vi.

Luka 11:20

Tungaila kai lä Säthaw üng haidae hai-a angra na bung mätho te dylä Säthaw lä äma üng pre tea vaihi ma pyng rüng te mätü te vi dy.

Johan 14:20

Kai aetha haile te käni-a, kai Pä-ai tea awng ea nang ce lä kai tea awng te kätyng kai la nang ce tea awng näte nang ce mäny ö ai mang.

Johan 14:7

Nang ce ma Kai bung mäny tätang dylä, Kai üng Pä-ai bung la mäny ö ai mang. Vaihi üng hai aetawng kha nang ce lä, Kai üng Pä-ai bung mäny kha nung ö dy” näkha näpa.

Johan 16:3

Khimi ce lä Pä-ai hai Kai ni bung mäny ö y te phüng-a, hini kätyng nang ce tea sa ö vi ai.

Johan 17:3

Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

Johan 17:8

Kai tea Nang ma thui saite angthang Kai lä äni ce tea thui pa kha äni ce lä tängai ö dy. Kai lä Nang ma te üng ly te mäny khü kha Pä-ai, Nang, ma Kai bung mätaw näte äni ce lä yng ö dy.

Johan 20:13

Känipre üng angtawtha lawng netä ma “Änang nawngmädi ä, ätephüng-a raw te vi mei” näkha düng pa hawi dy. Tukha Maeri ma “Kai üng Areng äro bung lä khimi ce ma laja vi dy. Mani mityng-a khai ö mei näte kai lä mäny y vi” näpa.

Johan 20:28

Thawmae ma “Kai üng Areng, kai üng Säthaw” näkha näpa.

Angtawtha 20:24

Kai lä dü ea la, hing ea la, kai tähang aely leng y lyng. Tungaila Areng Isu ma sa hai hethang kai tea py saite kälu khüng haw hethang sa saite lä aely lengky te vi. Honi kälu lä, Säthaw üng tähang kähawi phüng-a, Angthang Kähawi thui hethang vi.

Pawlae ma Rom märü üng kangkawng tähang tärü saite cae 8:18

Vaihi kätü-a mä-ai üng mätang bälaica saite lä vaimaw mang-a Säthaw lä mä-ai tea mätü saite phung-ang hai lä mätae haw y lyng näkha kai lä aedawng khü te vi.

Pawlae ma Rom märü üng kangkawng tähang tärü saite cae 8:39

Mä-ai üng älawngpre qawng-a awng saite angxynlyng na, ätäkui-a awng saite angxynlyng na, Säthaw ma sa saite angxynlyng na thung üng äte haetä la mä-ai üng Areng Isu Khrista hai-a Säthaw üng bälung aevaw saite üng mä-ai bung lä täprei ja haw y lyng näkha kai lä mäny tätang te vi.

1 Korin 2:2

Nang ce hai mangtä awng te thüng-a, kai lä Isu Khrista phüng hai äni üng thinglang qawng-a dü pa saite phüng xyngtä ni thui kha äte kälang phüng lä thui y hethang dawng khü te vi dy.

1 Korin 9:10

Areng üng kälu sa saite mä-ai phüng äni lä tätang dawng kha thui te vi. Tätang khaw-a, hini lo na lä mä-ai tähang tärü te vi dy. Laithawng saite khimi na hai caw ae saite khimi na lä äma ce üng ävang dang hethang aethang khai kha sa ö khaw te vi.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

Galati 1:16

Kai lä khimi ceng kälang na tea Khrista üng Angthang Kähawi thui hethang Säthaw lä äma üng Cäpaw bung aetüng hai pa vi dy. Honi kätü-a, kai lä ämi hai la älo aedüng aethui te y lyng.

Ephesi 4:13

Tukätephüng-a Säthaw üng Cäpaw tea yng saite hai mäny saite hai-a mä-ai lä bungtä-a lawng ö vi ai. Mä-ai lä Khrista üng cungrü saite tea pha hethang ryng te khimi na-a aelawng ö ai.

Filipi 1:1

Pawlae hai Timothe ni lä Isu Khrista üng mawsawng na vi. Kai, Pawlae, ma Philipi märü-a awng saite Säthaw üng khimi na hai kangkawng üng mätawngky na hai kangkawng-a säbawng saite khimi na tea cae tärü dy.

Filipi 3:10

Kai üng ngai saite angxynlyng na lä Khrista tea mäny hethang, äni üng aetha haile saite haidae mäny hethang, äni üng mätang saite na kätyng mätang by hethang hai äni üng dü te kätyng dü te thung-a qa by hethang na vi.

Filipi 3:12

Kai lä dang bawi vi dy. Sa te khüng bawi vi dy. Cung bawi te vi dy näkha thui te y lyng. Tungaila kai lä Khrista täthei aetawng rae hethang aethaw sa jawjaw te vi. Tukätephüng-a Isu Khrista ma kai bung re te vi.

Filipi 3:7

Tungaila kai ma jangni-a ävang käting khai saite angxynlyng na lä vaihi Khrista üng tähang phüng-a aetütü te na kätyng kai lä dawng te kae vi.

2 Timote 4:6

Mäthykung lä löci sa pyng te kätü-a, Cäpje tui hai bälawng te vi. Kai üng hing saite lä honi Cäpje tui bälawng te hai aetawng vi. Hini älawngpre üng kai tho hethang kätü lä aenai vi dy.

Hebrai 3:14

Mä-ai lä angcü üng yng te kätyng kangteng khytä Säthaw tea bälung ae-y khü kha awng dylä, Säthaw ma Khrista tea py hethang awng saite thung-a mä-ai lä qa ö te by vi.

1 Piter 2:7

Hini lungphö lä yng saite nang ce tähang ävang ting te vi. Tungaila yng y saite khimi na tähang Caekäcai thung-a tärü te lä, “Ing sa saite kung na ma hini lungphö tea khaisö ngaila, aely lengky saite lungphö-a bälawng vi dy” näkha awng te vi.

2 Piter 1:2

Säthaw lä äma tea hai mä-ai üng Areng Isu Khrista bung nang ce üng mäny saite hai-a tähang kähawi hai awngneng saite lä nang ce tea cungrü-a py sy.

2 Piter 1:3

Mä-ai lä Säthaw üng aely kängai-a hing haw hethang äma üng haidae hai angxynlyng na mä-ai tea py vi dy. Äni üng phung-ang hai hawi saite hai-a mä-ai bung re saite Säthaw tea mäny te hai-a honi angxynlyng na mä-ai lä dang ö te vi dy.

2 Piter 1:8

Nang ce lä hini aeme aeqa saite käcai-a awng rae awng rae dylä, mä-ai üng Areng Isu Khrista bung mäny saite lä nang ce tähang aetütü-a lawng ö y vi ai. Tukha nang ce lä khimi ce tea kähawi-a säbawng haw ö vi ai.

2 Piter 3:18

Tudylä mä-ai üng Aeqangkung Areng Isu Khrista üng tähang kähawi tea mänykaw rae kha äni bung mäny rae hethang aethawsa ö. Areng tea phung-ang käleng lä vai üng hai dungtäsa awng jawjaw sy. Amen.

1 Johan 1:3

Kai ce nung kha thai saite na nang ce tea la thui te ö by vi. Hokä ea ni mä-ai lä mangtä rawijae aesa hethang dang ö ai. Mä-ai lä Pä-ai Säthaw hai Äcäpaw Isu Khrista hai rawijae aesa ö saite na vi.

1 Johan 2:19

Hini khimi na lä mä-ai thung üng thoja ö te vi. Tätang khaw-a nädylä äni ce lä mä-ai hai aesui ö te y lyng. Äni ce mä-ai hai aesui dylä, mä-ai hai mangtä awng jawjaw ö vi ai. Tungaila mä-ai thung üng tho kha ly ja vi dylä, mä-ai hai aesui te y näte tea mätü ö te vi dy.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.