Filipi 3:20 - Caekäcai Kangthae (Lemi)

²⁰ Tungaila mä-ai lä Känipre üng khimi na vi. Känipre mang mä-ai üng Aeqangkung Isu Khrista ly haile be ai näte tea aethang khai te hai aering ö te vi.

Asang Khongso New Testament

²⁰ To-e aicae loa van prae ih kami ah oh o moa van bang hoitoah aicae Pahlongkung Angraeng Jesuh Khrih kangzo han to minghaih hoiah zing o.

Filipi 3:20 ပူးပေါင်းရင်းမြစ်များ

Mathai 19:21

Isu ma äni tea “Nang cungrü bawi hethang ngai dylä, ly kha nang üng awng saite angxynglyng na jaw king kha dang saite tangkae khimi kangtang na tea py pa. Hokä sa dylä, nang lä Känipre ingthawng dang ai mang. Honi pyng-a kai leithung hui” näkha näpa.

Luka 12:21

“Mä-ai ma tähang ingthawng mätung kha Säthaw maw-a aely leng saite na sa y dylä honi tawngnang te khimi kätyng awng vi ai” näpa.

Luka 14:14

Nang ma tukä sa dylä, Säthaw ma nang tea tähang kähawi py ai. Äni ce ma lä nang tea äte la hung haile haw y lyng. Tungaila khimi cüng saite na kädü thung üngta aetha be te kätü-a lä Säthaw ma nang tea ävang py haile tyng ai mang” näpa.

Angtawtha 1:11

Äni ce ma “Kalile khimi ce ä, ätephüng-a aedaw kha käni mang-a kheng ö te vi mei. Känipre-a paw saite Isu bung nung te kätyng äni lä äbaeni cäqa haile vi ai” näkha thui pa.

1 Korin 1:7

Nang ce lä bälung aethaw awng bärai te hai mä-ai üng Areng Isu Khrista tyng haile te kätü tea aering ö te vi. Nang ce aering ö te kätü-a, Muilaw Käcai hai aesui kha sakaw saite angxynlyng na tea lä Säthaw ma py te vi dy.

1 Korin 15:48

Hini älawng hai aesui saite khimi na lä älawngdi hai sa saite khimi Adam hai aetawng te vi. Känipre hai aesui saite khimi na lä Känipre üng tho saite Khrista hai aetawng te vi.

2 Korin 4:18

Tukätephüng-a ämi hai nung haw saite na kheng y käla, mä-ai lä nung haw y saite na tea kheng khü ö te vi. Nung haw saite na lä tänaetä awng kha nung haw y saite na lä dungtäsa awng te vi.

2 Korin 5:8

Kai ce lä Areng tea bälung ae-y khü ö te vi. Mä-ai lä älawngpre hai aesui saite ätabung üng hai kähanglaw-a awng kha Areng hai mangtä awng hethang ngaiky te vi.

Galati 4:26

Tungaila Känipre mang üng awng saite Jerusalem märü lä ingkung nawngmädi Sara kätyng vi. Sara lä aelawi saite nawngmädi vi. Äni lä mä-ai yng saite khimi angxynlyng na üng änä-awi vi.

Ephesi 2:19

Tukätephüng-a ceng kälang nang ce lä pre kälang üng khimi na kätyng y vi dy. Angvüng angvaw kätyng la y. Nang ce lä Säthaw üng khimi na hai mangtä, märü haetä üng khimi na kätyng aelawng ö by dy. Säthaw üng engthung khaw üng khimi na by vi dy.

Ephesi 2:6

Säthaw lä mä-ai bung Isu Khrista hai mangtä kädü thung üng mätha ea Känipre-a Khrista hai mangtä aety kha pyng hai te vi. Mä-ai lä Khrista hai bungtä te phüng-a Säthaw lä hikä sa te vi dy.

Filipi 1:10

Tukätephüng-a nang ce lä kähawiky saite re haw ö ai. Tukha Khrista tyng haile saite käni-a, nang ce lä cai kha khimi ce ma cy haw ö y ai mang.

Filipi 1:27

Nang ce lä Khrista üng Angthang Kähawi yng saite tähang kaebäla-a awng hethang lä tätang aely leng te vi. Tukätephüng-a nang ce tea kai aeting haw y kha hanglaw mang nang ce üng angthang thai te läsy, aeting haw y te läsy, nang ce lä bälung mangtä aedü kha aedaw ö haw te kai lä mäny vi ai. Nang ce angxynlyng Angthang Kähawi üng yng saite tähang phüng-a aethaw mangtä aesa ea aety ö näte kai lä mäny vi ai.

Kolosa 1:5

Lo mitang khaw te Angthang Kähawi lä nang ce tea kangmang-a tyng te phüng-a, honi Angthang Kähawi üng py te aethang khai saite phüng tea nang ce lä thai ö te phüng-a, kai ni lä anghawtho hawi dy. Tukätephüng-a khösang mang-a nang ce tähang khai saite aethang khai te tea nang ma ce üng yng saite hai, bälung aevaw saite lä tyng te vi dy.

1 Thesalon 1:10

Tukha nang ce lä Säthaw ma kädü thung üng mätha haile pa saite Äcäpaw Isu Khrista lä Känipre mang üng cäqa haile tyng ai te tea aering hethang phüng khimi qütä ma thui ö vi dy. Isu Khrista ly haile tea lä Säthaw üng kädawtho saite thung üng mä-ai bung Äni ma aelawi hai pa vi ai.

1 Thesalon 4:16

Areng äma lä äma üng särilo ätüng käleng hai, Känipre angtawtha kälengky üng ätüng hai, Säthaw ma baw üng te ätüng hai, Känipre mang üng hai cäqa ai. Khrista tea yng kha dü pyng saite khimi na lä kangmangky-a hing haile tyng ö vi ai.

2 Timote 4:8

Kai lä kawng te hai äni üng lo tängai te phüng-a vaihi Säthaw ma kai tähang ävang käting khai rüng pa vi dy. Khimi angxynlyng na tea kätüng-a tärae cei saite Areng lä äma ly haile te honi Käni-a lä kai tea hini ävang käting py ai. Kai ma qaitä tea py hethang kae y. Äma ly haile te kätü tea aethang khai te hai aering saite khimi angxynlyng na tea la ävang käting py pa ö by ai.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Hebrai 12:22

Tungaila nang ce lä Zaion me anghung-a hing saite Säthaw üng märü, Känipre-a awng saite Jerusalem märü-a ly ö vi dy. Nang ce lä anghawtho te hai aecö saite Känipre üng angtawtha sangrui-a cang y te na üng mityng-a tyng ö vi dy.

Hebrai 9:28

Honi kätyng täthei Khrista lä khimi awng mang te na üng hunghö na tea mäcai hethang äma tea äma löci mawi kätyng-a qengtä aesa pa vi dy. Äni lä äbaeni tyng haile tyng vi ai. Honi kätü-a äni lä khimi ce üng hunghö na hai aesui kha äte la sa pa y dy lyng. Tungaila äni tea aering saite na bung lä äni ma aeqang pa vi ai mang.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.