Filipi 3:2 - Caekäcai Kangthae (Lemi)

² Säthaw bung mäny y saite na kätyng sa saite na, käsi sa saite na, nawngmäcaw qütä lengkhüng täke hethang kae näkha dawng saite na tea nang ce lä aehi ö.

Asang Khongso New Testament

² Uinawk, hmuen kahoih ai ka sah kaminawk, takbum hae aah han oh ka ti kaminawk to acoe oah.

Filipi 3:2 ပူးပေါင်းရင်းမြစ်များ

Mathai 24:10

Honi kätü-a khimi awng mang saite na lä äma ce üng yng te khaisö ai. Lawngtä tea lawngtä esäre kha äma ce tingtawi ae-a ö vi ai.

Mathai 7:15

“Nang ce lä buisaw käjüng aesa saite khimi tea sädi khai ö. Äni ce lä beram käjüng aesa kha nang ce tea ly dy. Tungaila äni ce lä tätang khaw-a kei kha bädü saite käsui na kätyng vi.

Mathai 7:6

“Säthaw üng cai saite na, ui na ca hethang kädesö hang. Honi kä sa dylä, äni ce lä nang ce tea aehawi kha kei vi ai. Nang ce tähang khawisäling kälung kätyng ävang ting saite o na maw-a kädesö hang. Honi kä sa dylä, hani na qawng-a äni ce üng kho hai thaw pipu ö vi ai. Tupyng-a äni ce lä nang ce tea aehawi kha nang ce bung kei po bälo vi ai.

Pawlae ma Rom märü üng kangkawng tähang tärü saite cae 2:28

Lengkhüng täke saite Judae khimi tätang lä ämi mei. Ätabung-a lengkhüng täke ngaila bälung thung-a aemäqa y dylä, Judae khimi tätang lawng te y.

2 Korin 11:13

Hini khimi ce lä angtawtha na lawng hethang käjüng aesa ö te vi. Äni ce lä kaeling kaemae thui saite khimi na vi. Äni ce lä Khrista üng kälu sa saite angtawtha na lawng hethang käjüng aesa ö te vi.

Galati 5:13

Yng saite kangby jä-ai na ä, Säthaw lä nang ce üng ngaiphi tüng y saite tea hui hethang py te y vi. Honi jüng-a nang ce üng aelawi saite hai-a, lawng lawngtä tea bälung aevaw te hai aesäbawng ö hethang kae.

Galati 5:15

Nang ce lä ui käpryng na aekei te kätyng käsi aethui kha aemang dylä, nang ma ce tingtawi aetäphra ö ai. Hini na tea lä sädi khai ö.

Galati 5:6

Mä-ai lä Isu Khrista hai mangtä aesui te kätü-a, lengkhüng täke te hai, täke y te lä, aely leng te y lyng. Khrista tea yng kha mä-ai lä Säthaw hai khimi ce tea bälung aevaw saite lä aely lengky vi.

Filipi 3:19

Äni ce bung lä kangkhüng käni-a Säthaw ma ngärei thung-a täphra ö vi ai. Ätephüng-a mei nädylä äni ce lä äma ce üng ätabung kängai tähang hing ö te kae. Äni ce lä äma ce üng kaejae sa saite na tea aethaw ö te vi. Äni ce lä hini älawngpre üng aesui saite na tea dawng ö xyng te kae.

Filipi 3:3

Lengkhüng täke tätang te dang khaw saite na lä äni ce y. Mä-ai kae vi. Ätephüng-a mei nädylä mä-ai lä Säthaw üng Muilaw hai-a Äni tea cäphaw kha Isu Khrista hai bungtä awng ea anghawtho saite na phüng-a vi. Mä-ai lä khimi ce üng sa haw saite na tea äte haetä la ae-y ö te y.

1 Timote 1:19

Nang lä käsi sa y näkha mäny te hai Khrista tea yng khi ba. Khimi phütä lä käsi kähawi mäny saite bälung tea khaisö ö te vi. Tukätephüng-a äni ce lä yng haw ö y vi dy.

Titas 1:16

Äni ce lä täbawng mang Säthaw tea mäny vi näkha thui ngaila aeme aeqa saite hai lä Äni tea aephae ö te vi. Äni ce lä känyng hethang hawi saite na hai kähawi sakaw y saite na kae vi.

2 Piter 2:22

Äni ce sa saite lä hini pelo känetä ma lä tüng tätang vi näkha mätü te vi. Hini lä, “Ui lä bälo kha äma üng anglo tea ly haile kha ca tyng te vi.” Honi kätyng, “Tui bähu ping saite o lä, angqo thung-a ly kha aelo haile tyng te vi” näkha näte vi.

Judae 1:4

Ätephüng-a mei nädylä Säthaw lo tängai y saite khimi phütä na lä nang ce thung-a kangru mang kung ö te vi ba. Äni ce lä Säthaw üng tähang kähawi phüng-a äma ce üng ngaiphi tüng y saite kätyng awng haw vi näkha mätu ö te vi. Äni ce lä mä-ai üng Areng hai Ingkung lawngtä xyng awng saite Isu Khrista tea aephae ö vi. Äni ce tea lä Säthaw ma dengpy ai näkha jangni üng hai ma tärü rüng pyng te vi dy.

Lokphong 2:9

Nang ce üng mätang te hai mätangca saite na kai lä mäny. Tungaila nang ce üng yng saite na lä tawngnang ö te vi. Mä-ai ma tea Judae khimi näkha thui saite na lä Säthaw ma re saite khimi na kätyng sa y te na ma nang ce tea käsi prawng saite na kai lä mäny vi. Äni ce lä Setan angra üng äkähui thung üng na kae.

Lokphong 21:8

Tungaila bälung bähawrö saite na, yng y saite na, känyng hethang hawi saite na, khimi tea bädü saite na, täkübäjang sa saite na, angra üng haidae hai sa saite na, mimi tea cäphaw saite na hai kaeling kaemae sa saite angxynlyng na bung lä kai ma keng maipui tuilipui thung-a kädephae vi ai. Hini lä äbaeni üng dü saite vi” näpa.

Lokphong 22:15

Tungaila märü üng ärang mang-a lä hini hunghö sa te hai-a ui kätyng mä-ai ma tea pawprae-a awng saite na vi. Äni ce lä angra haidae hai käsi sa saite na, täkübäjang sa saite na, khimi bädü saite na, mimi tea cäphaw saite na, kaeling thui saite na-a lawng ö vi.

Lokphong 3:9

Tängai ö. Setan angra üng äkähui na lä Judae khimi tätang na y käla ma Judae khimi na näkha kaeling thui ö vi. Kai lä äni ce bung nang ce üng maw-a ly kha khokung-a aebo hai ö ai. Nang ce tea kai ma bälung aevaw saite lä äni ce angxynlyng na ma mäny ö ai.