Filipi 3:14 - Caekäcai Kangthae (Lemi)

¹⁴ Khrista Isu te mang hai-a, Säthaw ma kai bung Känipre-a ka saite lä kai üng ävang käting vi dy. Tukätephüng-a kai lä aethawsa kha aehui jawjaw te vi.

Asang Khongso New Testament

¹⁴ Topongah zomtho to hak hanah patoephaih ih bangah ka toeng ta-ah ka cawnh. Ato zomtho loa ranui bangih hinghaih hanah Khrih Jesuh ranghoiah Sithaw ih kawkhaih ih ni.

Filipi 3:14 ပူးပေါင်းရင်းမြစ်များ

Luka 16:16

“Mosi üng Ubädi hai buisaw na üng lo lä Baptismae Johan tyng te kätü khytä aely lengky te vi. Honi kätü üng hai Säthaw üng pre Angthang Kähawi khimi ce lä thui ö vi dy. Awng mang te khimi ce lä Säthaw üng pre-a kung hethang aethaw aesa ö dy.

Pawlae ma Rom märü üng kangkawng tähang tärü saite cae 11:29

Säthaw lä ämi tea re mei, ämi tea tähang kähawi py mei näte phüng äni üng bälung lä aemäqa te y vi.

1 Korin 9:24

Aehui te aepreng saite thung-a aehui saite khimi na lä awng mang-a ngaila, ävang lä khimi lawngtä xyng dang te kae vi näte nang ce lä mäny ö vi. Tukätephüng-a nang ce lä ävang dang hethang aehui ö.

2 Korin 4:17

Mä-ai lä tänaetä tähang aeting saite hini mätang bälai te lä jahaw vi. Hini kätyng aeting saite hai-a, Säthaw lä mä-ai tea lengky saite dungtäsa phung-ang py vi ai.

Filipi 3:3

Lengkhüng täke tätang te dang khaw saite na lä äni ce y. Mä-ai kae vi. Ätephüng-a mei nädylä mä-ai lä Säthaw üng Muilaw hai-a Äni tea cäphaw kha Isu Khrista hai bungtä awng ea anghawtho saite na phüng-a vi. Mä-ai lä khimi ce üng sa haw saite na tea äte haetä la ae-y ö te y.

Kolosa 2:18

Särae kälang na lä sa tämang te hai aemäneng kha Känipre üng angtawtha na tea cäphaw hethang mätu pa te vi. Äni ce üng the saite mang-a hui ö hang ba. Honi kätyng hui dylä, nang ce üng aeqang saite vang lä laja ö ai. Honi särae na lä äsämai mang aetüng te phüng-a, Säthaw üng Angthang tea hawihai pailai thaikaw te vi näkha näte lä äni ce üng käjüng aesa ö saite na kae. Äni ce lä khimi ce üng kaedawng hai thui ea aethaw ö vi dy. Tungaila äni ce aethaw hai nae lä äte haetä la awng y lyng.

1 Thesalon 2:12

Nang ce bung Säthaw lä äma üng pre hai phung-ang thung-a qa hethang tähang ka te vi. Tukätephüng-a kai lä nang ce tea Säthaw üng kängai-a hing hethang tähang aethaw py te, bälung bädang te hai mäci jawjaw te vi.

2 Timote 1:9

Säthaw lä mä-ai bung aeqang kha käcai-a hing hethang ka te vi dy. Äni lä mä-ai üng kähawi sa saite na phüng-a ka te y lyng. Äma ma üng mawlang kaedawng hai tähang kähawi phüng-a vi. Älawng sa y te kälang-a ma, Säthaw lä äma üng tähang kähawi mä-ai tea mätü hethang Isu Khrista bung mätaw te hai-a sa rüng te vi dy.

Hebrai 3:1

Säthaw ma re saite yng te kangby jä-ai na ä, Areng Isu üng äphüng aedawng ö lawi. Äni bung lä mä-ai üng thui te yng saite üng Mäthykung Kälengky lawng hethang Säthaw ma mätaw te vi dy.

Hebrai 6:1

Tukätephüng-a angcü üng Khrista phüng mätu saite na tea khaisö kha yng te ryng hai hethang mätu saite na tea mä-ai lä ly ö si. Mä-ai üng yng saite aenyng nae tea lä mätu haile tyng hethang aely ngai te y lyng.

1 Piter 1:13

Tukätephüng-a nang ma ce tea aeküng kha kälu tähang nang ma ce üng bälung kaedawng na tea lä aerü rüng ö lawi. Isu Khrista ly haile te kätü-a, nang ce tea tähang kähawi py ai näte nang ce lä cungrü-a aethang khai jawjaw ö lawi.

1 Piter 5:10

Nang ce lä tänaetä mätang bälai pyng-a, tähang kähawi angxynlyng na üng Säthaw lä nang ce tea yng te cakhi hai kha aethaw awng hai ea cungrü hai ö vi ai. Äni lä Isu Khrista hai-a äma üng dungtäsa phung-ang thung-a qa hethang nang ce bung re te vi dy.

2 Piter 1:3

Mä-ai lä Säthaw üng aely kängai-a hing haw hethang äma üng haidae hai angxynlyng na mä-ai tea py vi dy. Äni üng phung-ang hai hawi saite hai-a mä-ai bung re saite Säthaw tea mäny te hai-a honi angxynlyng na mä-ai lä dang ö te vi dy.

Lokphong 3:21

Kai lä bäja kha kai Pä-ai üng Areng Aety nae qawng-a äni hai mangtä aety te kätyng, bäja saite khimi tea lä Kai üng aety nae qawng-a kai hai mangtä aety hethang kai ma py ai.