Filipi 2:9 - Caekäcai Kangthae (Lemi)

⁹ Tukätephüng-a Säthaw lä mityng kaesangky-a äni bung mäsang kha, ämüng kälang angxynlyng na qawng-a lengky saite ämüng py pa vi dy.

Asang Khongso New Testament

⁹ Topongah ranuibang ahmuenh kasang koek ah Sithaw mah pasang moa ahmin kalah boih pongdoeh ahmin kalen koek to a paek.

Filipi 2:9 ပူးပေါင်းရင်းမြစ်များ

Mathai 11:27

“Kai pä-ai ma kai tea haidae hai bälungkähae py king vi dy. Ämi lawngtä lä Säthaw üng cäpaw näte mäny y. Pä-ai lawngtä xyng ni mäny te kae vi. Äpä-ai näte ämi lä mäny y. Kai, Äni üng Cäpaw, ma mäny hai he ngai saite khimi phütä na lä Ä-ai tea mäny ö dy.

Mathai 28:18

Isu lä äkähui lawng hawlai netä na äteng-a ly kha “Säthaw ma Känipre-a hai älawngpre üng aenae angxynlyng na kai tea py vi dy.

Luka 10:22

“Kai Pä-ai ma kai tea haidae hai bälungkähae py king vi dy. Säthaw üng Cäpaw näte ämi la mäny y. Pä-ai lawngtä xyng ni mäny te kae vi. Kai üng Pä-ai tea ämi la mäny y. Kai, äni üng Cäpaw ma qaitä mäny te kae. Kai, äni üng Cäpaw, ma mäny hai he ngai saite khimi phütä na lä Üngai tea mäny ö dy” näpa.

Johan 13:3

Pä-ai ma Isu tea äte angxynlyng na sa hethang aenae a pa dy. Isu lä hini na mäny king te vi. Äma lä Säthaw te mang üng ly te vi kha Säthaw tea vawi haile tyng ai näte mäny te vi.

Johan 17:11

Kai lä Nang tea vaihi vawi haile tyng vi ai. Älawngpre-a awng y dy. Tungaila äni ce lä älawngpre-a awng vi ai rawng. Caiping saite Pä-ai, Nang, üng ämüng haidae hai äni ce bung aekung hai te vi. Nang hai Kai bungtä awng te kätyng, äma ce tingtawi bungtä awng hethang Nang ma Kai tea hini ämüng py vi dy.

Johan 17:12

Kai lä äni ce hai mangtä awng te thüng-a, äni ce bung Nang üng ämüng haidae hai aekung hai pa te vi. Säthaw ma pra hai hethang khimi lawngtä y dylä, ämi lawngtä la pra y lyng. Caekäcai thung-a tärü te lä cungrü hai te dy.

Johan 17:5

Pä-ai ä, vaihi nang ma üng maw-a Kai üng phung-ang aetüng hai lawi. Hini älawngpre awng y te kälang-a ma, Nang hai mangtä pyng saite phung-ang lä, Kai tähang py jo lawi ba.

Angtawtha 5:31

Säthaw lä honi Isu bung äma üng bangtang mang-a khai kha Mätawngky hai Aeqangkung-a mäsang pa te vi. Isrelae khimi na aedawng mäkhüng haw hethang hai hunghö aelawi hai hethang tähang-a, Säthaw ma Isu bung hikä khai pa te vi dy.

Ephesi 1:10

Khai rüng saite kätü tyng khaw tea äni ma Känipre-a hai älawngpre-a awng saite angxynlyng na tea lä Khrista üng aenae täkui-a mangtä khai ö ai näsaite lä äni üng mawlang kaedawng vi.

Kolosa 1:18

Khrista lä kangkawng üng älö vi. Kangkawng la äni üng ätabung by vi. Äni lä kangkawng tea kähing py saite Kung vi. Äni bung Säthaw ma kädü thung üng angcüky-a mätha kha dungtäsa hing hai pa vi dy. Tukäte hai-a Khrista lä älawng hai käni khösang na üng aely kälengky saite lawngtä vi.

2 Thesalon 1:12

Nang ce phüng-a, khimi ce lä mä-ai üng Areng Isu ämüng tea bälaw haw hethang kai ce lä aetang ö te vi. Tudylä Isu ma la nang ce tea bälaw by ai. Mä-ai üng Säthaw hai Areng Isu Khrista lä äma üng tähang kähawi hai-a hini aetang saite na tea lä mäthang vi ai.

Hebrai 1:4

Säthaw üng Cäpaw lä Känipre üng angtawtha na qawng-a tengxyng y lengky te kätyng Säthaw ma mäthi saite ämüng lä Känipre üng angtawtha na üng ämüng na qawng-a lengky vi.

Hebrai 1:9

Nang lä mitang khaw saite tea bälung aevaw kha sa tämang saite tea lä esäre te vi. Tukätephüng-a kai, nang üng Säthaw, lä nang bung re ea nang üng kangby jä-ai na qawng-a, mäsang kha tengxyng y anghawtho saite na nang tea py te vi dy” näkha nä vi.

Hebrai 12:2

Mä-ai lä Isu tea kheng khü jawjaw ö si. Äni lä mä-ai üng yng saite tea aetawng angcü hai kha cungrü-a sa pa saite Kung la vi. Äni lä thinglang qawng-a täheng saite üng saerae dang te tea khung vi dy. Ätephüng-a mei nädylä hokä äni sa te lä ämaw mang-a anghawtho ai näte tea Äni lä mäny te phüng-a vi dy. Vaihi äni lä Säthaw üng aety nae bangtang mang-a aety te vi.

Hebrai 2:9

Tungaila mä-ai lä Isu bung nung ö te vi. Säthaw lä Isu bung Känipre üng angtawtha na qawng-a tänaetä äje cäcaw kaeneng-a khai pa vi. Hini kätyng Isu lä Säthaw üng tähang kähawi hai-a khimi angxynlyng na tähang dü pa hethang kae te vi. Äni lä mä-ai tähang mätang bälaica-a dü pa te phüng-a Säthaw ma vaihi lä äni tea cangxei-a sa kha phung-ang py pa te mä-ai lä mäny ö te vi.

1 Piter 3:22

Khrista lä Känipre-a paw kha Säthaw üng bangtang mang-a aety vi. Äni lä Känipre üng angtawtha na, Känipre-a awng saite haidae hai, aenae angxynlyng na tea pyng te vi dy.

2 Piter 1:17

Mä-ai üng Pä-ai Säthaw lä Isu tea tämö khai saite hai phung-ang py te vi. Äte angxynlyng na qawng-a lengky saite Säthaw ma Känipre mang üng ätüng hai-a, “Hini lä Kai ma bälung aevaw saite Kai üng Cäpaw vi. Äni lä kai tea anghawtho hai te vi” näkha thui te kätü-a kai ce lä awng ö te vi dy.

3 Johan 1:7

Äni ce lä Khrista üng mawsawng sa hethang khölawng tho ö vi dy. Säthaw bung mäny y te khimi na te üng säbawng saite dang hethang äte la mäkai ö te y.

Lokphong 1:5

Isu Khrista lä sasi thui khü kha ae-y nae hawi khaw saite Kung vi. Säthaw ma äni bung lä kädü thung üng mätha angcü pa te vi. Äni lä älawngpre üng sanphrang angxynlyng na tea pyng saite Kung vi. Isu Khrista lä mä-ai tea bälung aevaw kha äma üng äthi hai-a mä-ai üng hunghö na aelawi hai te vi dy.

Lokphong 11:15

Tupyng-a äsäritä Känipre angtawtha lä äma üng baw tea üng vi dy. Käni mang üng ätüng käleng na lä, “Älawngpre-a pyng hethang haidae lä vaihi mä-ai üng Areng hai äni üng Mesia tea awng vi. Äni lä dungtäsa pyng jawjaw ai” näkha nä vi.

Lokphong 19:16

Äni üng kä-o käsa hai äphai qawng-a tärü saite ämüng lä, “Sanphrang na üng Sanphrang, areng na üng Areng” näkha awng vi.

Lokphong 3:21

Kai lä bäja kha kai Pä-ai üng Areng Aety nae qawng-a äni hai mangtä aety te kätyng, bäja saite khimi tea lä Kai üng aety nae qawng-a kai hai mangtä aety hethang kai ma py ai.

Lokphong 5:12

Tukha äni ce lä ätüng käleng hai, “Khimi ce ma bädü saite Beram caw lä haidae awng saite, tawngnang saite, bälunghae saite, aethaw awng saite, tämö khai saite, phung-ang hai awng hethang aeteng khaw te vi. Hing saite angxynlyng na lä äni tea bälaw ö sy” näkha ae-awi thui ö vi.