Filipi 2:8 - Caekäcai Kangthae (Lemi)

⁸ Äni lä khimi kätyng aelawng ea äma ma aemäneng kha, thinglang qawng-a mäteng ma dü te khytä Säthaw üng älo tängai pa te vi.

Asang Khongso New Testament

⁸ Angdokhaih palungthin to a tawnh moa kraws ah duek khoekto lok tahngaihhaih ih loklam to a pazui.

Filipi 2:8 ပူးပေါင်းရင်းမြစ်များ

Mathai 17:2

Äni ce üng maw-a Säthaw ma Isu üng ämaw äcae lä lang hai pa vi dy. Äni üng mimai la käni kätyng ang pa vi. Äni üng kä-o na lä kälung ping kha ang pa vi.

Mathai 26:39

Tupyng-a Isu lä äjecäcaw ly kha älawng qawng-a aebo ea “Ä-ai ä, nang lä äte angxynlyng na tea sa haw te kae. Hini mätangbälai saite kai aeting y hethang säbawng kü jo. Tungaila kai üng aely kängai kätyng hang sy. Nang ma üng aely kängai kätyng kae sy” näkha aetang pa dy.

Mathai 26:42

Tupyng-a Isu lä ly haile tyng kha “Ä-ai ä, hini mätangbälai saite kai te üng mäthuija haw y kha nang ma üng aely kängai kai aeteng dylä, tyng kae sy” näkha aetang pa dy.

Luka 9:29

Isu aetang te thüng-a äni üng mimai lä lang kha kä-o lä kälung ping-a ang pa vi.

Johan 10:18

Kai ma üng aely hai y dylä ämi la Kai bung bädü haw y. Kai ma üng aely hai ea ni Kai bung bädü haw te kae. Kai lä Kai ma üng hing saite aepy he aenae awng te vi. Kai ma tea hing haile hethang aenae la awng. Hini kätyng sa hethang Pä-ai ma Kai tea py te vi dy” näkha näpa.

Johan 14:31

Kai lä Pä-ai tea bälung aevaw näte älawngpre üng khimi na ma mäny hethang aely ngai. Tukätephüng-a Pä-ai ma kai tea thui te kätyng, Kai lä angxynlyng na sa khaw te kae. “Hini mityng üng aetha kha ly ö si dy” näkha näpa.

Johan 15:10

Kai lä Pä-ai üng särilo tängai kha Pä-ai lä Kai tea bälung aevaw jawjaw te kätyng nang ce lä Kai üng särilo tängai dylä, Kai lä nang ce tea bälung aevaw jawjaw vi ai.

Johan 4:34

Isu ma “Kai bung mätaw saite Kung üng aely ngai te kätyng sa kha äni ma kai tea py saite kälu khüng rung khytä sa te lä kai üng käcakänei kae dy.

Angtawtha 8:33

Äni bung säri mäneng te kätü-a, kätüng-a thui pa hethang ämi lä awng y. Äni üng ceng kaesui na phüng ämi la thui pa haw y. Äni ce lä äni bung älawngpre-a, bädü te phüng-a vi” näpa.

Pawlae ma Rom märü üng kangkawng tähang tärü saite cae 5:19

Khimi lawngtä ma lä Säthaw üng lo tängai y te phüng-a, khimi angxynlyng na lä hunghö sa saite na lawng ö te vi dy. Honi kätyng khimi lawngtä ma Säthaw üng lo tängai te phüng-a, Säthaw lä khimi angxynlyng na tea lä khimi käcüng-a mäthi pa vi ai.

2 Korin 8:9

Nang ce lä mä-ai üng Areng Isu Khrista üng tähang kähawi tea mäny ö te vi. Äni lä tawngnang ngaila, nang ce tähang kangtang-a aelawng te vi dy. Äni üng kangtang saite hai-a, nang ce lä tawngnang ö te vi dy.

Galati 3:13

Khrista lä mä-ai tähang angsawi lawi te hai-a, Ubädi üng angsawi lawi te üng mä-ai bung lä äni ma bälawi pa te vi dy. Hini phüng Caekäcai thung-a tärü te lä, “Thinglang qawng-a täheng kha mädü pa saite khimi qütä lä Säthaw üng angsawi lawi saite vi” näkha awng te vi.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Hebrai 12:2

Mä-ai lä Isu tea kheng khü jawjaw ö si. Äni lä mä-ai üng yng saite tea aetawng angcü hai kha cungrü-a sa pa saite Kung la vi. Äni lä thinglang qawng-a täheng saite üng saerae dang te tea khung vi dy. Ätephüng-a mei nädylä hokä äni sa te lä ämaw mang-a anghawtho ai näte tea Äni lä mäny te phüng-a vi dy. Vaihi äni lä Säthaw üng aety nae bangtang mang-a aety te vi.

Hebrai 12:4

Vaihi khytä hunghö sa saite khimi na lä nang ce tea elekhei sa kha täre aety te kätü-a, nang ce lä dü saite hai aeting ö y vi ai.

1 Piter 2:24

Mä-ai üng hunghö na phüng-a, Khrista äma lä thinglang qawng-a mätang bälai pa te vi dy. Tukätephüng-a mä-ai lä khimi kädü kätyng hunghö sa hethang kae ö y dy. Mä-ai lä cüng saite tähang hing ö hethang kae. Äni üng tämaw na hai-a, nang ce üng tämaw na lä thae king ö te vi dy.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.