Filipi 2:7 - Caekäcai Kangthae (Lemi)

⁷ Hikä dawng hethang jüng-a äni lä Säthaw hai aetawng saite angxynlyng na tea khaisö kha mawsawng tangnae lawngtä kätyng awng pa vi dy. Äni lä khimi kätyng la aepeng pa vi dy.

Asang Khongso New Testament

⁷ Totiah oh pongloa, Angmah ih palung angthawkhaih hoiah a tawnh ih boiboih to a caehtak moa, tamtoeh coenghhaih ih to a lak. Kami batiah angcoeng moa kami kraang ah amtueng.

Filipi 2:7 ပူးပေါင်းရင်းမြစ်များ

Mathai 12:18

Säthaw ma “Hini lä kai üng mawsawng vi. Kai ma äni bung re te vi. Äni lä kai ma bälung aevaw saite lawngtä vi. Tukha äni lä kai tea bälung kawng anghawtho hai phi te vi. Kai lä äni tea kai üng Muilaw py vi ai. Tudylä kai üng mawsawng ma ceng kälang na makä sakha, khimi käcüng-a aelawng hethang phüng thui pa ai.

Mathai 20:28

Kai, Khimi üng Cäpaw, tea khimi ce ma mawsawng sa hai hethang ly te y vi. Kai lä khimi ce üng mawsawng-a awng hethang hai khimi ce bung awng mang-a aeqang hethang hai Kai üng hing saite khaisö hethang ly te kae vi” näkha näpa.

Marka 9:12

Isu ma “Äte angxynlyng na tea aerü rüng hethang Elijae ly mang te lä aesyng vi. Caekäcai thung-a Kai, Khimi üng Cäpaw, lä awngmang-a mätangbälai te hai khimi ce ma e vi ai näsaite tea makäte phüng-a tärü te vi mei.

Luka 22:27

Loka-a aety saite khimi lengky mei. Y käla äni tea bö mäcaw saite khimi lengky mei. Loka-a aety saite khimi ni lengky te vi be. Tungaila kai lä nang ce thung-a mawsawng kätyng awng te kae vi.

Johan 1:14

Älo lä khimi-a aelawng kha kai ce tea bälung aevaw te hai Säthaw üng bälung kähawi mitang khü-a mätü ea mä-ai hai mangtä awng. Kai ce lä äni üng phung-ang nung ö dy. Hini phung-ang lä Pä-ai Säthaw ma Cäpaw lawngtä xyng tea py saite phung-ang vi.

Pawlae ma Rom märü üng kangkawng tähang tärü saite cae 1:3

Hini Angthang Kähawi lä Säthaw üng Cäpaw, mä-ai üng Areng Isu Khrista üng phüng vi. Äni lä khimi-a aelawng kha Davidae kaesui kaebeng thung üng vi.

Pawlae ma Rom märü üng kangkawng tähang tärü saite cae 15:3

Khrista lä äma üng aely kängai hui y lyng. Caekäcai thung-a, “Khimi ce ma nang tea käsi prawng saite lä tätang kai tea käsi prawng te vi dy” näkha tärü te kätyng vi.

Pawlae ma Rom märü üng kangkawng tähang tärü saite cae 15:8

Säthaw lä kangsi kangjaw na tea aedo saite älo na kätyng sa te mätü hethang Khrista lä Judae na üng mawsawng kätyng lawng vi dy näte kai lä nang ce tea thui hethang ngai te vi. Tudylä Ceng kälang na la Säthaw üng bäheng saite tea bälaw hai haw te by vi. Tukha Caekäcai thung-a, “Tukätephüng-a kai lä ceng kälang na säla-a nang tea bälaw ai. Nang üng ämüng tea kai lä ae-awi na hai bälaw ai” näkha tärü te vi.

Pawlae ma Rom märü üng kangkawng tähang tärü saite cae 8:3

Ngaiphi tüng y saite bälung phüng-a, Mosi üng Ubädi lä mä-ai bung aeqang haw te y vi. Tukätephüng-a Säthaw lä mä-ai bung aeqang hethang äni lä Äcäpaw khekhe bung mä-ai tea mätaw pa vi dy. Äni üng Cäpaw lä mä-ai kätyng hunghö sa hethang ngai saite ätabung awng vi. Äni lä mä-ai bung pyng saite hunghö tea täphra te vi dy.

2 Korin 13:4

Khimi ce ma Areng bung thinglang qawng-a täheng te kätü-a, äni lä aethawdi te vi dy. Tungaila vaihi äni lä Säthaw üng haidae hai hing te vi. Kai ce la äni hai bungtä vi te phüng-a, aethawdi ö ngaila, Säthaw üng haidae hai-a Isu hai mangtä hing kha nang ce tähang kälu sa ö ai.

2 Korin 8:9

Nang ce lä mä-ai üng Areng Isu Khrista üng tähang kähawi tea mäny ö te vi. Äni lä tawngnang ngaila, nang ce tähang kangtang-a aelawng te vi dy. Äni üng kangtang saite hai-a, nang ce lä tawngnang ö te vi dy.

Galati 4:4

Tungaila kätü tyng khaw ea lä, Säthaw lä äma üng Cäpaw bung älawngpre-a mätaw vi dy. Äni bung lä nawngmädi lawngtä üng cäpaw kätyng aepeng kha, Judae na üng Ubädi täkui-a awng hai pa vi dy.

Filipi 2:6

Äni lä Säthaw kätyng awng king te vi. Tungaila äni lä Säthaw kätyng aelawng vi näte süng khü hethang aedawng te y.

Hebrai 12:2

Mä-ai lä Isu tea kheng khü jawjaw ö si. Äni lä mä-ai üng yng saite tea aetawng angcü hai kha cungrü-a sa pa saite Kung la vi. Äni lä thinglang qawng-a täheng saite üng saerae dang te tea khung vi dy. Ätephüng-a mei nädylä hokä äni sa te lä ämaw mang-a anghawtho ai näte tea Äni lä mäny te phüng-a vi dy. Vaihi äni lä Säthaw üng aety nae bangtang mang-a aety te vi.

Hebrai 13:3

Nang ce lä thawng thung-a pä-ung saite khimi na hai mangtä awng te kätyng äni ce tea säbawng ö. Nang ma ce khekhe mätang bälai aeting te kätyng, mätang bälaica saite khimi na tea säbawng ö ba.

Hebrai 4:15

Mä-ai üng Mäthykung Kälengky lä mä-ai üng aethaw awng saite tea mäny kha bäheng te vi. Setan lä mä-ai tea hunghö sa hai hethang the te kätyng äni tea la älang qütä the te by vi. Tungaila äni lä hunghö awng te y.